१ युहनाल 2:6 - Muria Far Western

⁶ नना ओनासंग मन्तोना इदाम बोरायि इन्तोर ते बदाम येसु ताकिन्दुर अदामे ओर वने ताकिला पहाजे।

१ युहनाल 2:6 Iomraidhean Croise

मत्ति 11:29

नना शान्त अनि नम्र स्वभावतोर मन्तोना इन्जोर नावा जुवा आपुना पोरो ताहच नावाकेडाल करयाट ते निमाट आपुना मन्दे शान्ति पुटिहकिट।

युहनाल 13:15

बाक्याकि नना मिया संग कितोना अदामे निमाट वने किम्ट इन्जोर नना मिकुन उन्दि नमुना तोहतोना।

युहनाल 15:10

अनि नना आपुनोर बाबोना आग्यातुन मानेमास दरोज ओना मयाते मन्तोना अदामे निमाट वने नावा आग्यातुन मानेमायकिट ते नावा मयाते मन्ट।

१ कुरिन्थुस 11:1

नना आपुना जिवनते बदाम येसु मसिना लेहका जिवेमान्तोना अदाम निमाट वने जिवेमाम्ट।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

१ पतरस 2:21

अनि निमाट इदेन साटिय केयतोर मन्तोरिट, बाक्याकि मसि वने मिया साटि दुःख ताहतुर अनि निमाट वने ओना हरिते इन्जोर मिकुन उन्दि आदर्श हिस हतोर।

१ युहनाल 2:28

इन्जोर हे बालक, बसके ओर प्रगट आयनुर असके माक हिमत आयि ओना मुने लज्जा आयमाकि इन्जोर येसुनासंग मन्ट।

१ युहनाल 2:4

अनि “नना ओन पुन्तोना” इन्जोर बोरायि इन्तोर अनि ओना आग्यातुन मानेमायोर ते ओर खोटाल मन्तोर, अनि ओनागा बाताले खरोय हिले।

१ युहनाल 3:24

अनि बोर परमेस्वरना आग्यातुन मानेमान्तोर ओर ओनासंग अनि ओर ओनासंग मन्तोर अनि येसु मसि मावासंग मन्तोर इन्जोर ओर माकुन हितुर ओर पवित्र आत्माताल माक पुन्तोराट।

१ युहनाल 3:6

अनि बोरायि ओनासंग मन्तोर ओर पाप किसोर मनोर अनि बोरायि पाप किसोर मन्तोर ओर ओन हुळोर अनि ओन पुनोर।

१ युहनाल 4:17

अनि न्यायता दिया माकुन हिमत आयान साटि इदेनतेय मया मावागा पुरा आता बाक्याकि बदाम ओर मन्तोर अदामे दुनियातिगा माक वने मन्तोम।