१ युहनाल 2:4 - Muria Far Western

⁴ अनि “नना ओन पुन्तोना” इन्जोर बोरायि इन्तोर अनि ओना आग्यातुन मानेमायोर ते ओर खोटाल मन्तोर, अनि ओनागा बाताले खरोय हिले।

१ युहनाल 2:4 Iomraidhean Croise

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

तितुस 1:10

बाक्याकि पकाय लोकुरक खरोय करिहनातुन होंग किन्तोरक, ओरक आग्यातुन मानेमायोरक अनि पुकोट वळकवाल, अनि विशेषाल पिसाना साटि कतना जरुरि मन्ता इदाम करहान्तोर ओर लोकुरक दोखा हेवालोरक मन्तोरक।

तितुस 1:16

मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

१ युहनाल 1:10

अनि माक पाप केवोम इन्जोर इन्काट ते माक परमेस्वरतुन खोटाल बनेकिन्तोरोम अनि परमेस्वर मावा बारेते बाताल वेहतुर अदेना विरोद किन्तोरोम।

१ युहनाल 1:6

अनि ओनासंग मावा सहभागतिगा मन्ता इन्जोर माक इन्दिला आतोरोम अनि पजा दरोज गलति किस अन्दकारतिगा हन्दानुरक ते माक खोटाल मन्तोरोम अनि खरोयता अनुसार जिवेमायोम।

१ युहनाल 1:8

अनि माक मावागा बाताले पाप हिले इदाम इन्दाकाट ते आपुनतुन दोखा हिन्तोरोम अनि मावागा बाताले खरोय हिले।

१ युहनाल 2:3

माक ओना आग्यातुन मानेमायकाट ते माक ओन पुतोम इन्जोर इदेनते माक जरुर पुन्काट।

१ युहनाल 2:9

अनि नना वेळिचितिगा मन्तोना इन्जोर बोरायि इन्तोर मति आपुना तमोनसंग दुश्मनि किन्तोर ओर इदेकवनाह आन्दारतेय मन्तोर।

१ युहनाल 3:6

अनि बोरायि ओनासंग मन्तोर ओर पाप किसोर मनोर अनि बोरायि पाप किसोर मन्तोर ओर ओन हुळोर अनि ओन पुनोर।

१ युहनाल 4:20

अनि बोरायि इनिर, “नना परमेस्वरतुन मया किन्तोना,” मति ओर आपुनोर तमोन दुश्मन किन्तोर ते ओर खोटाल मन्तोर बाक्याकि कोन्डांग मुने मन्वाल तमोन ओर मया किया परोर ते दिसोर ओर परमेस्वरतुन बदाम मया किया परनुर।

१ युहनाल 4:7

हे प्रिय गोतियालोरक, माक आपसते मया इरिला पहाजे बाक्याकि मया परमेस्वरताल वान्ता। बोरायि मया किन्तोर ओर परमेस्वरनिकेडाल जन्मे मातोर अनि ओर परमेस्वरदुन पुन्तोर।