१ युहनाल 1:7 - Muria Far Western

⁷ मति बदाम परमेस्वर वेळिचितिगा मन्तोर अदामे माक वने वेळिचितिगा ताकिकाट ते वरोर दुसरोनसंग संबन्द मन्ता अनि ओनोर मरि येसुना नतुर माकुन सबोय पापताल शुद्ध किन्ता।

१ युहनाल 1:7 Iomraidhean Croise

मत्ति 6:12

अनि माक आपुना दोषिहकुन मापि कितोम अदामे निमा वने मावा दोषतुन मापि किम।

युहनाल 1:29

दुसरो दिया येसु आपुनिके वायानपा हुळसुन बपतिस्मा हेवाल हुन्नाल इदाम इतुर “हुळाट, येर दुनियातोर लोकुरा पापताल मुक्ति हियान्तोर परमेस्वरनोर बेळा पिला आन्दुर।।

युहनाल 12:35

अनि येसु ओरकुन इतुर, “इदेक हुडुक बेरायि वेळिचि मिया नडुम मनका। आन्दारतिगा भटके मायमाट इन्जोर बचोवनाह वेळिचि मियासंग मन्ता अचोवनाह निमाट ताकसोर मन्ट।

युहनाल 5:4

(बाक्याकि ठहरे किता ओद ओद बेरा परमेस्वरनोर स्वरगदूत बोडितिगा रेयस एरतुन होलेकिन्दुर अनि एर होलेमातपा बोर मुने रेयन्दुर ओना बोदायि बिमारि मनि ओद सुदरेमान्द)

रोमि 13:12

इदेक नरका मारार अनि दरोजता दियाता ओद वेळिचि पसियवाल मन्ता इन्जोर पापता अन्दकारतिगा लोकुरक बोद खराब बुतो किन्तोरक ओव सबोयतुन माक तासियाला पहाजे। अनि बदाम वरोर सयनिक हत्यार पयस तयार मन्तोर अदामे माक वने खराब बुतोता विरुद दियाता वेळिचितिगा सोबाय बुतो कियान साटि तयार मन्दिला पहाजे।

१ कुरिन्थुस 6:11

मियागा हुचुलोर लोकुरक मुने इदामे पाप केवालोरक मतोरक मति प्रबु येसु मसिना कारण मावोर परमेस्वरना आत्मा मिया पापतुन नोरस पवित्र बनेकिस परमेस्वरना येताना योग्य ठहरे कितुर।

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 5:8

बाक्याकि निमाट पहले परमेस्वरना खरोयता बारेते आन्दार लेहका अन्जान मतोरिट मति इदेक निमाट प्रबुनिगा वेळिचितिगा वातोरिट इन्जोर निमाट प्रबुना लोकुरा लेहका ताकाट।

१ तिमुति 6:16

अनि ओर वरोरे दरोज जिवोत मन्तोर अनि बोरे बसकेय हन्दा परोर इदाम पकाय हजोर ज्योतिते मनवाल अनि बोरे हुळोर अनि बसकेय हूळ परोर इदाम मन्तोर: ओना आदर अनि लाव राज्य सदा काळवनाह मन्दार। आमेन।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

याकुब 1:17

बाक्याकि सबोय सोबाय वरदान अनि सबोय उत्तम दान आबाळतिगा सबोय वेळिचितुन बनेकितोर परमेस्वरनिकेडाल पुटान्ता अनि ओर जागा बदले कियाना जंगो लेहका परमेस्वर बदले मायोर।

१ पतरस 1:19

मति बोदे दोष अनि बोदे डाग हिले बेळा पिलाता मन्जे मसिना पकाय किमति नतुरता द्वारा आतु इन्जोर निमाट पुन्तोरिट।

१ युहनाल 1:3

बाताल आयि माक हुळतोम अनि केन्जान्तोरोम ओदेना बारेते माक मिकुन वने वेहतोम बाक्याकि निमाट वने मावासंग संगवारि आम्ट। अनि मावा संबन्दते बाबोना अनि ओनोर मरि येसु मसिना संग मन्ता।

१ युहनाल 1:5

अनि परमेस्वर ज्योति आन्दुर अनि ओनागा बाराय आन्दार हिले। इद पोल्लो माक येसु मसिनिकेडाल केन्जतोम अनि मिया साटि इद पोल्लो माक वेहिन्तोरोम।

१ युहनाल 5:6

अनि येसु मसि परमेस्वरना मरि इन्जोर एता बपतिस्मा अनि कुरुस पोरोता हायानाते प्रगट कितुर। केवल एता बपतिस्माता आयो मति कुरुस पोरोता हायानाते मन्ता।

१ युहनाल 5:8

गवाहि हेवालोर मुवुर मन्तोर पवित्र आत्मा, येसुना बपतिस्मा अनि येसुना हायाना; अनि मुन्डास उन्दिय पोल्लोतिगा गवाहि हिन्तोरक।

२ यहुनाल 1:4

मिया बालकिन बाबोनिकेडाल पुटता आग्या अनुसार खरोयता हरिते ताकिन्तोरक, अदेन हुळसुन नना पकाय गिरदा आतान।

३ युहनाल 1:4

नावोर बालक खरोयते ताकान्तोर इदाम केन्जानाताल हजोर गिरदा नाकुन दुसरो बोदायि हिले।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5

अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:11

ओरक बेळा पिलाता बलिदानता नतुरता कारण अनि आपुना वेहता परमेस्वरना पोल्लोता कारण ओर दोष लावे केवालिन जिकतुरक। अनि ओरक हायाना साटि वने वरियोर आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:14

नना ओन इतान, “हे सयबाल, निमा पुन्तोन।” ओर नाकुन इतुर, “येरक पकाय तकलिपताल पसियस वातोरक, अनि बेळा पिलाता नतुरतिगा आपुना-आपुना सन्दरा नोरस पान्डरि कितोरक।