१ युहनाल 1:2 - Muria Far Western

² इद जिवन हेवाल पोल्लो प्रगट आत; अनि माक ओदेन हुळतोम अनि ओद मिकुन अनन्त जिवन हिन्ता। अनि बाबोनासंग मता मावागा प्रगट आत ओद जिवन हेवाल पोल्लोता बारेते माक मिकुन वेहान्तोरोम।

१ युहनाल 1:2 Iomraidhean Croise

युहनाल 1:18

अनि बोरे परमेस्वरतुन बसकेय हुळोर मति ओनोर वरोरे मरि ओर बाबोनासंग पकाय संबन्द मन्ता ओरे लोकुरा नडुम परमेस्वरतुन प्रगट कितुर।

युहनाल 1:4

अनि ओर बनेकिता सबोयतुन ओरेय जिवन हिन्तोर अनि परमेस्वरना खरोयतुन उन्दि वेळिचि लेहका लोकुरकुन ओर प्रगट किस हितुर।

युहनाल 10:28

अनि नना अवेहकुन अनन्त जिवन हिन्तोना, अनि अव बसकेय नाश आयो आयनुंग। अनि बोरायि अवेहकुन मेहान साटि नावाताल उन्दोर आयनुर।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 15:27

अनि निमाट मुनेटाले नावासंग मतोरिट इन्जोर निमाट वने नावा गवाह हिम्ट।”

युहनाल 16:28

अनि नना बाबोनिगडाल इद दुनियाते वातोना; अनि असा नना इद दुनियातुन तासिस बाबोना हेरे दान्तोना।”

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

युहनाल 17:5

हे बाबो, इद दरतितुन बनेकियानाता मुने नना नियासंग मतोना असके नाकुन बचोन हजोर मान पुटिन्ता। इदेक बसके नना नियासंग मतोना अदे मान नाकुन असा हिम।”

युहनाल 19:35

अनि बोर इद हुळतुर ओर गवाहि हितुर, अनि ओना गवाहि खरोय मन्ता। अनि निमाट वने विस्वास कियान साटि ओर खरोय वेहान्तोर इन्जोर ओर पुन्तोर।

युहनाल 21:14

अनि येसु हातोरिगाडाल असा जिवेमातपा इदाम तिसरो बेरा चेला लोकुरकुन दिसतुर।

युहनाल 3:13

स्वरगता बारेते केवल ननाय पुन्तोना बाक्याकि नना मानेयतोर मरि स्वरगताल वातोना अनि स्वरगतिगा बोरे बसकेय हनोर मति केवल ननाय हतोना।

युहनाल 7:29

मति नना ओनाकेडाल वातान अनि ओरेय नाकुन लोहतोर इदाम नना ओन पुन्तोना।”

युहनाल 8:38

अनि नावोर बाबो बोद नाकुन तोहतोर अदे मिकुन इन्तोना, मति मिवोर बाबो बोद मिकुन इतोर अदेन निमाट किन्तोरिट।”

बुतोंग 10:41

सबोय लोकुरकुन ओर दिसो मति गवाहि साटि परमेस्वर मुनेटाले आचतोर केवल माकुने ओर दिसतुर। ओर हातोरिगाडाल असा जिवेमातपा माक ओनासंग तितोम-उतोम।

बुतोंग 2:32

इंगो! येरे येसुन परमेस्वर हातोरिगाडाल जितो कितुर, माक सबोय लोकुरक इदेना गवाह मन्तोरोम।

बुतोंग 3:15

जिवनता झरातुन निमाट हव्कतिट ते वने परमेस्वर ओन हातोरिगाडाल असा जिवेहकितुर। माक इद पोल्लोता गवाह मन्तोरोम।

बुतोंग 5:32

इव पोल्लोता माक अनि परमेस्वर आपुना आग्यातुन मानेमान्तोर ओरकुन हिता पवित्र आत्मा वने गवाह मन्तोर।”

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

गलाति 4:4

मति आकरिते बाबो परमेस्वर निर्णय किता खरोय बेरा पुरा आत, असके ओर आपुनोर मरि मसिन लोहतुर, ओर मानेय आस आळदाल जन्मेमातुर अनि मूसाना नियमतुन पालन किसोर मतोर।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

२ तिमुति 1:10

अनि मावोर पिसिहवाल येसु मसि दरतितिगा वातुर अनि ओद दया ओर प्रगट कितुर। अनि येसु मसि हायानाता अदिकारतुन समाप्त कितुर। अनि ओना सुसमाचारतुन स्विकार कितुर ओर लोकुरकुन परमेस्वरनासंग दरोज मन्दान साटि सन्दि पुटतु।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

१ पतरस 5:1

मियागडाल मसिलोकुरा सभाता मुक्याल लोकुरक साटि, मसिलोकुरा सभाता मुक्याल अनि मसिना पकाय तकलिपता गवाह अनि प्रगट आयवाल ओना महिमातिगा सहभागि मन्तोना नना मिकुन विनन्ति किन्तोना:

१ युहनाल 1:1

सबोय बनेमायानाता मुने जिवन हेवाल पोल्लो मता, ओद जिवन हेवाल पोल्लोतुन माक केन्जतोम अनि ओदेन माक आपुना कोन्डाते हुळस ओदेन मावांग कयकने इटस बेस हुळतोम इन्जोर ओद जिवन हेवाल पोल्लोता बारेते माक मिकुन कोटान्तोरोम।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

१ युहनाल 3:5

अनि येसु पापता नाश कियान साटि प्रगट आतुर इन्जोर निमाट पुन्तोरिट। अनि येसुन बोदे पाप किपरोर।

१ युहनाल 3:8

बोरायि पाप किन्तोर ओर सयतानोर बालक मन्तोर बाक्याकि सयतान मुनेटाले पाप किसोर मन्तोर। परमेस्वरनोर मरि सयताना बुतोता नाश कियान साटि प्रगट आतुर।

१ युहनाल 4:14

अनि बाबो आपुनोर मरिन दरतिता लोकुरकुन पिसान साटि लोहतोर ओद हुळस माक गवाहि हिन्तोरोम।

१ युहनाल 4:2

परमेस्वरना आत्मातुन इद रितिते निमाट पुन्द परान्तोरिट: बोद आत्मा येसु मसि मेन्दुलतिगा आस वातोर इन्जोर स्विकार किन्तोर ओद आत्मा परमेस्वरनिकेडाल मन्तोर।

१ युहनाल 5:11

अनि परमेस्वर माकुन अनन्त जिवा हितोर अनि इद जिवा ओनोर मरिनिगा मन्ता इन्जोर ओद गवाहि मन्ता।

१ युहनाल 5:13

परमेस्वरना मरिना पोरोयते विस्वास किन्तोरक मिकुन नना इव पोल्लोंग कोटान्तोना मिकुन अनन्त जिवन मन्ता ओद मिकुन पुन्दान साटि मन्ता।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।