Yohana 1:3 - Kifuliiru

³ Ibindu byoshi, uyo Igambo ye kabibumba. Ndaanakyo kindu íkiri ho, kyo atakabumba.

Yohana 1:3 Iomraidhean Croise

Ndondeko 1:1

Ku ndondeko, Rurema akabumba igulu neꞌkihugo.

Ndondeko 1:26

Ha nyuma, Rurema anashubi kyula: «Tubumbage abandu, babe nga ngiisi kwo tuli, halinde batushushe. Babe batwali beꞌkihugo na íbikiri mwo byoshi, ngeꞌfwi, noꞌtunyuni, neꞌbitugwa, neꞌbizimu, na íbiri mu yibulula.»

Zaburi 102:25

Kwokwo, nanatakira Rurema, ti: «E Rurema wani, si we yamiri ho, halinde imyaka neꞌmyakuula! Aahago! Bwo ngiri musore, utalunguli nyita, maashi!

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Migani 8:30

Ku yikyo kyanya, twâli kizi kolanwa, nga naluganda woꞌbulenga. Ngiisi lusiku, nâli kizi ba naꞌmalega, bwo twâli ririinwi.

Hisaaya 45:12

Kundu kwokwo, nie kalema ikihugo, na booshi ábakituuziri mwo. Kiri niꞌgulu, nie nꞌgalitabika naꞌmaboko gaani, nanaliyijuza indonde kandaharuurwa.

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Yohana 1:10

Ikyanya akayija mu kihugo, abandu baamwo batakamúmenya, anali ye kakibumba.

Yohana 1:2

Ee! Ku ndondeko, bâli yamiinwi.

1 Bakorindo 8:6

Kundu kwokwo, twehe tuhiiti yolya Rurema muguma naaho, anali ye Daata. Yehe, ye kabumba ibindu byoshi. Tunali ho hiꞌgulu lyage. Hanali na Nahano muguma naaho, ye Yesu Kirisito. Yehe, ye tumiri ibindu byoshi biri ho! Ye na tumiri tuli ho.

Bahefeso 3:9

Rurema, ye kabumba ibindu byoshi. Kundu kwokwo, ngiisi byo akashungika, byâli yamiri bibishirwi. Halikago yako kambishwa kaage, anambeereza umukolwa, gwoꞌkumenyeesa abandu ku bweranyange ngiisi kwo agakakoleesa.

Baheburaniya 11:3

Ku njira yoꞌbwemeere, kwo tuyijagi kweꞌbindu byoshi bikabumbwa mu kukyula kwa Rurema. Ee! Byoshi íbiri mu boneka, akabibumba mu bitâli bonesiri.

1 Yohana 5:1

Umundu, iri angaba ayemiiri kwo Yesu ye ulya Masiya, iri akola mwana wa Rurema. Neꞌri angaba akuuziri yishe woꞌmwana, iri akuuziri noꞌmwana wage kwakundi.

Bwigule 3:14

«Neꞌmwoꞌmuganda wiꞌshengero lya mu kaaya keꞌLahodikiya, uyandikage kwokuno: Yaga magambo, galyosiri imwoꞌlya úli mu buuzibwa “Bibe kwokwo”. Ye kamasi kemeera, kanali koꞌkuli. Anali ye shyoko ya byoshi byo Rurema akabumba:

Bwigule 4:11

«E Rurema, Nahamwitu, we kwaniini ukuhaabwa ubulangashane, noꞌlushaagwa, noꞌbushobozi. Mukuba, byoshi íbiri ho, we kalooza kwo bibaagage ho, we kanabibumba.»