Yakobo 3:2 - Kifuliiru

² Tweshi tuli mu huba ku njira nyingi-nyingi. Kundu kwokwo, iri umundu angaba atali mu huba ku byo ali mu deta, uyo, iri atungiini lwoshi! Anabe akoli shobwiri ukuyihangirira ku magala gaage gooshi.

Yakobo 3:2 Iomraidhean Croise

1 Baami 8:46

«Tuyiji-yiji kwaꞌbandu booshi bali mu yifunda mu byaha. Kiri naꞌbandu baawe, hali ikyanya bangakuhubira. Kwokwo, hali ikyanya ugaaba ukoli barakariiri, unababiike mu maboko gaꞌbagoma baabo. Yabo bagoma, banabagwate imbira, banabatwale imbohe, haba hala, kandi iri hoofi.

2 Kutondobola 6:36

«Tuyiji-yiji kwaꞌbandu booshi bali mu yifunda mu byaha. Kiri naꞌbandu baawe, hali ikyanya bangakuhubira. Kwokwo, hali ikyanya ugaaba ukoli barakariiri, unababiike mu maboko gaꞌbagoma baabo. Yabo bagoma, banabagwate imbira, banabatwale imbohe, haba hala, kandi iri hoofi.

Hayubu 15:13

Kituma kiki ugweti ugamúrakarira ku magambo mwene yago? Na kituma kiki gali mu folomboka mu kanwa kaawe?

Zaburi 34:13

Mu kati kiinyu, ka hali úloziizi ukutuula bwija? Anabe ali mu yifwija ukubona isiku nyingi nyiija?

Zaburi 39:1

Imwoꞌmwimangizi waꞌbimbi. Izaburi ya Dahudi. Luli mu yimbwa ngeꞌnyimbo za Yedutuni.

Migani 10:19

Ngiisi úli mu tyabiriza ululimi, ali mu yami yifunda mu byaha. Haliko, iri wangahangirira akanwa kaawe, lyoki uli mu ba mwitegeereza.

Migani 13:3

Ngiisi úli mu yitonda mu kudeta, ali mu yikingira atafwe. Si ngiisi úli mu yami vujuuka mu bitali nga byo, ali mu yishereeza.

Migani 20:9

Ndaaye úwangadeta: «Umutima gwani, keera naguyeruusa. Ngoli yerusiibwi lwoshi, ndaabyo byaha byo mbiiti!»

Migani 21:23

Ngiisi úli mu deta ku bwitonde, ali mu ba ayiyeka amakayu.

Mwigiriza 7:20

Ku kasiisa, mu kihugo kyoshi, ndaaye mundu úkwaniini úyamiri ali mu gira amiija, buzira kukola ibyaha.

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Balaawi 13:39

umugingi agamúloleekeza. Neꞌri angabona kwo lyo bikiri mu tondeera, yibyo bigaaba luhere naaho. Noꞌyo mundu anabe akiri mugumaana.

Mataayo 12:34

«Si mwehe muli baana boꞌmujoka! Aahago! Bwo muli babi, kuti kwo mwangadeta amagambo miija? Si amagambo goꞌmundu agweti agaadeta, gali mu lyoka mu biyijuliiri mu mutima gwage!

Mataayo 12:37

Amagambo gaabo boonyene, go gagaatuma bagaahanwa, kandi iri ukukira.»

Barumi 3:10

nga kwo biyandisirwi kwokuno: «Ndaaye mundu úkwaniini, kiri noꞌmuguma.

Barumi 7:21

Ku yukwo, keera nabonaga kwo hali igambo íriri mu ngoleesa, lyo lyeri: ikyanya ndi mu looza ukugira amiija, amabi ganabaagage go gagayami yitangiriza.

1 Bakorindo 9:27

Ndi mu himbiisa amagala gaani bweneene, gabe nga ga muja, gira Rurema atayiji kengeera andahira, na ndi nie shuba mu menyeesa abandi hiꞌgulu lyage.

Bagalatiya 3:22

Haliko, biyandisirwi mu Mandiko Meeru kwaꞌbandu booshi bashwesirwi mu bushobozi bweꞌbyaha. Kwokwo, halyagagi injira nguma naaho yoꞌkulonga byo Rurema akatulagaania. Kuli ku njira yoꞌkuyemeera Yesu Kirisito naaho.

Bagalatiya 5:17

Si yago mifwije mabi, gali mu hangana noꞌMutima Mweru. NoꞌMutima Mweru nagwo, guli mu hangana naꞌmifwije mabi. Yibyo byombi, bwo biri mu hangana kwokwo, kyo kitumiri ngiisi byo muloziizi ukugira, bitali byo muli mu gira.

Bakolosaayi 1:28

Kyo kitumiragi tuli mu menyeesa abandu booshi hiꞌgulu lya Kirisito. Tuli mu bayigiriza ku bwitegeereze bwoshi, iri tunabahanuula. Kwokwo, lyo booshi, tukalonge ukubaleeta imbere lya Rurema, bakoli tungiini mu kati ka Kirisito.

Bakolosaayi 4:12

Hepafura, umundu weꞌmwinyu, amùlamusa kwakundi. Naye ali mukozi wa Yesu Kirisito, anayamiri agagiiri bweneene mu kumùhuunira imwa Rurema, gira Rurema amùsikamye mu ngiisi byo aloziizi, halinde munakizi bitungaana mwo.

Baheburaniya 13:21

Kwokwo na niinyu, Rurema akizi mùtungaania mu miija gooshi, halinde lyo mulonga ukukizi kola ngiisi byo aloziizi. Yehe yenyene, abe ye gakizi tukola mwo, halinde tukizi gira íbimùsimisiizi mu kati ka Yesu Kirisito. Yesu akizi yama ali mu huuzibwa imyaka neꞌmyakuula! Bikizi ba kwokwo!

Yakobo 1:26

Iri umundu angayibona kwo ali mundu wa Rurema, anabe atagweti agalanga ululimi lwage, uyo ali mu yiteba. Ee! Kundu ali mu yigira mbu akulikiiri Rurema, si kuli kwa busha.

Yakobo 1:4

Kwokwo, mukizi yihangaana, halinde ku mbeka, lyo mulonga ukutungaana mu kati ka byoshi. Munabe mukoli kwaniini, buzira kubulirwa neꞌkindu kyoshi.

Yakobo 2:10

Umundu iri angasimbaha Imaaja zooshi, anabe akiri mu hubira luguma lwazo, iri agaharuurwa kwo ahubira zooshi.

1 Peturu 3:10

Mukuba, «Iri umundu angalooza ukutuula bwija, anakizi bona isiku nyiija, akwiriiri akizi hangirira akanwa kaage katakizi deta amabi, atanakizi lyalyania.

1 Peturu 5:10

Rurema ye mwene ulukogo lwoshi. Ye kanamùhamagala kwo mulamage mu bulangashane bwage bweꞌmyaka neꞌmyakuula mu kati ka Kirisito! Neꞌkyanya mugaaba keera mwalibuuka ku kyanya kiniini, yenyene agamùgira mushubi ba bagumaana. Anamùkanie halinde musikame, munabe mukoli dediiri.