Nehemiya 5:4 - Kifuliiru

⁴ Abandi nabo, ti: «Nyiitu, ikyanya tuli mu looza ibitoolo byeꞌmwa mwami, tuli mu tee kizi kaaba ifwaranga, mu kukizi tanga indalo ziitu, kuguma neꞌmizabibu yitu, zikizi ba ngwati.

Nehemiya 5:4 Iomraidhean Croise

1 Baami 9:21

Neꞌbibusi byabo, Abahisiraheeri batakahasha ukubiminika mu kihugo kyabo. Kundu kwokwo, Sulumaani anagenderera ukukizi bakoleesa ku kahaati halinde zeene.

Hizira 4:13

«E mwami witu, ukwaniini umenye kwokuno: Kano kaaya, iri kangayubakululwa, neꞌnzitiro zaako zinashakuululwe, yabo bandu batagaki tanga ikitoolo, kandi iri murambu, kandi iri ibindu byoꞌkubajabusa imbibi. Kinatume ikihinda kyeꞌbwami kigayondobera.

Hizira 4:20

Yaho keera mu yako kaaya, mwâli riiri ibikalage byaꞌbatwali. Bo bâli twaziri ikihugo íkiri uluhande lweꞌmuga lwoꞌlwiji Hefuraati. Abandu bâli kizi batangira ikitoolo, noꞌmurambu, neꞌbindu byoꞌkubajabusa imbibi.

Hizira 7:24

Na kwakundi, mwe balaazi beꞌbihinda, mumenyage kwo mutahangwirwi ukulibuza abagingi, kandi iri Abalaawi, kandi iri abimbi, kandi iri abalaliizi beꞌmiryango, kandi iri abandi bakozi, kandi iri ngiisi mushosi yeshi úyimbwa kwo agweti agaakola mu nyumba ya Rurema. Mutanakizi batangiisa ibitoolo, kandi iri umurambu, kandi iri ibindi bindu byoꞌkubajabusa imbibi.

Nehemiya 5:3

Abandi, ti: «Ikyanya tuli mu ba tukoli shalisiri, tuli mu tanga indalo ziitu, neꞌmizabibu yitu, kiri neꞌnyumba ziitu, bibe ngwati.»

Nehemiya 9:37

Kundu tuli mu yeza bweneene mu kino kihugo, haliko abaami beꞌmahanga bali mu yiji tunyaga byo. Yoho wee! Ikyanya twâli kizi yifunda mu byaha, lyo ukababiika hiꞌgulu liitu. «Buno yabo baami, bagweti bagatukoleesa nga ngiisi kwo baloziizi, kiri neꞌbitugwa biitu. Tunakoli hanyagiiri bweneene.»

Migani 22:7

Umugale ali mu twala umukeni. Na úli mu mwenda gwoꞌwabo, ali mu ba muja wage.

Yoshwa 16:10

Abakaanani ábâli tuuziri i Gezeeri, yabo beene Hifurahimu banageregeza ukubayimula, shoobe! Banaki genderiiri ukutuulanwa halinde zeene. Haliko, Abahisiraheeri bayamiri bali mu bakoleesa ku kahaati.