Nehemiya 4:7 - Kifuliiru

⁷ Haaho, nanatee tanduula yulwo luzitiro. Na ngiisi áhâli ki yisiri, hatanazi yubakululwa, nanahabiika abandu boꞌkuhalanga. Yabo booshi, bâli fumbiiti ingooti, naꞌmatumu. Bâli hagasiri neꞌmiheto. Nanabatengeka ukukulikirana neꞌmilala yabo.

Nehemiya 4:7 Iomraidhean Croise

Ndondeko 3:15

Mwe noꞌyu mukazi, ngolaga ngabiika ubugoma ha kati kiinyu, kiri na ha kati keꞌkibusi kyawe neꞌkyeꞌmwage. Agakizi kufutira kwiꞌtwe. Naawe, unakizi múkomera ku kasiizira.»

2 Baami 24:2

Kyanatuma Nahano agaatuma abanyazi beꞌBabeeri, naꞌbeꞌHaraamu, naꞌbeꞌMohabu, naꞌbeꞌHamooni, banayiji teera ikihugo kyeꞌBuyuda, gira bakishereeze, ukukulikirana na ngiisi kwo Nahano akadeta ku njira yaꞌbakozi baage abaleevi.

2 Kutondobola 20:1

Uyo Yehoshafaati anateerwa naꞌBamohabu, naꞌBahamooni, kuguma naꞌBamehuni.

Hizira 5:8

E mwami witu, twakumenyeesa kwo tukagendi tanduula ikihugo kyeꞌBuyuda, twanahika halinde ha nyumba ya Rurema mukulu. Emwe! Balya bandu, baki gweti bagagiyubakulula, banali mu koleesa amabuye mahamu bweneene. Banali mu biika-biika inguliro zeꞌbiti mu bigo. Yugwo mukolwa, guli mu girwa ku mwete bweneene, banagushishikiiri mwo.

Nehemiya 2:10

Sanibalati, ulya Muhoronayimu, bo noꞌmutabaazi wage Tobiya, Umuhamooni, banamenya kwo nayija. Emwe! Balya bashosi, banayami bona buligo, mbu bwo hali umundu úwayiji tabaala Abahisiraheeri.

Nehemiya 2:19

Haliko, ikyanya twâli gweti tugaakola, uyo Sanibalati Umuhoronayimu, anamenyeesibwa, kuguma noꞌmutabaazi wage Tobiya Umuhamooni, kiri na Geshemu Umuharaabu. Yabo booshi banakizi tunegura, ti: «Haliibwi! Makagi gano mugweti mugaagira? Ka keera mwayihindulira mwami?»

Nehemiya 4:1

Abandu banayiji menyeesa Sanibalati na Tobiya kwaꞌBahisiraheeri bagenderiiri naaho noꞌkuyubakulula lulya luzitiro lweꞌYerusaleemu, na kwo bakola mu maniiriza hooshi ho lushubi hongosiri. Banamenyeesa kiri naꞌBaharaabu, naꞌBahamooni, naꞌBahashidoodi. Yabo bandu, iri bakayuvwa kwokwo, yehee! Booshi banashavura ngana.

Nehemiya 4:6

Abayahudi baguma ábâli tuuziri hoofi-hoofi na yabo bagoma, banatuhikira ubugira kali ikumi, mu kuyiji tukengula, ti: «Kundu twangatibita, yabo bagoma bagayiji tuteera naaho.»

Nehemiya 4:8

Iri nꞌgaba keera nabatanduula, nanabwira abimangizi, kuguma naꞌbatwali, kiri naꞌbandi booshi, kwokuno: «E balya, balya bagoma, mutabayobohe. Mukengeere kwo Nahano ye mukulu, anali wa kahebuuza. Emwe! Mulwirage beene winyu, kuguma na bagala biinyu, na banyere biinyu, na bakiinyu, kiri noꞌtwaya twinyu.»

Nehemiya 6:16

Ikyanya abagoma biitu bakayuvwa kwokwo, ibinyamahanga byoshi íbyâli tuuziri mu bihugo ha butambi liitu banayoboha, banakizi yuvwa ishoni. Mukuba, yugwo mukolwa, bâli yiji kwo gukakoleka ku butabaazi bwa Rurema.

Yeremiya 25:20

kiri neꞌbinyamahanga íbyâli koli tuuziri yo. Nanalunywesa naꞌbaami booshi ba mu kihugo kyeꞌHuuzi, naꞌbandu ba mu twaya twaꞌBafirisiti, naꞌbeꞌHashikelooni, naꞌbeꞌGaza, naꞌbeꞌHekurooni na ábakasigala mu Hashidoodi,

Yeremiya 41:10

Iyo munda i Misipa, hâli ki sigiiri abandi bandu bo Nebuzaradani âli mali sikiiriza Gedaliya. Yabo booshi, Hishimaheeri anabatwala imbohe, kiri naꞌbaluzi-nyere, anabalengana mu Bahamooni.

Hamoosi 1:13

Nahano adetaga kwokuno: «Beene Hamooni bagweti bagayifunda mu byaha. Aahago! Ukubahana, ngola ngabahana ngana-ngana! Si bakateera beene Giryadi, mbu lyo bayajabula ikihugo kyabo! Haaho-haaho, banakizi gwata abakazi ábâli kola neꞌnda, banazibunduule.

Hamoosi 1:8

Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Mikolezi 5:33

Yabo bakulu, mbu bayuvwagwe kwokwo, arara-rara! Banalooza kwo babayite.

Bwigule 12:17

Ulya mukazi, iyo daragooni yanamúrakarira bweneene! Yanayikuutuza, gira igendi gira izibo naꞌbandu booshi ba mwiꞌkondo lyage ábâli sigiiri. Yabo bandu baage, bo bali mu simbaha imaaja za Rurema, banali bemeera ku bumasi bwo bali mu tangira Yesu.

1 Samweri 11:2

Uyo Nahaashi, ti: «Nayemeera kwo tunywane. Haliko hali igambo liguma lyo ngabiika. Ngiisi muguma winyu, nimújobolage isu lyeꞌlulyo, lyo mbonia Abahisiraheeri booshi ishoni.»