Nehemiya 2:1 - Kifuliiru

¹ Ku kyanya uyo mwami Serikisi âli kola neꞌmyaka makumi gabiri atwaziri, lusiku luguma, mu mwezi gweꞌNisani, nanamúleeteraga idivaayi, nanamúheereza yo. Kundu ndâli zindi jengeerwa imbere lyage, haliko leero nâli koli jengiirwi bweneene.

Nehemiya 2:1 Iomraidhean Croise

Ndondeko 40:11

Na bwo njubi fumbiiti urusoozo lwa Faraho, nanayabiira irya mizabibu, nanakizi gikamatulira mu rusoozo, nanamúfumbasa lwo.»

Ndondeko 40:21

Ulya mwimangizi woꞌkukizi múfumbasa ikinywebwa, anamúgalulira mu mukolwa, gira akizi shubi múheereza urusoozo.

Hizira 4:7

Ha nyuma, ikyanya uyo Serikisi âli ki twaziri, guvuruneeri Rehumu, bo noꞌmwandisi Shimeshayi, nabo banamúyandikira amaruba. (Gâli mayandike mu ndeto yeꞌkiharaamu, banagahindula mu ndeto ya mwami, gira agayuvwe.) Yago maruba, Bishilamu anamúleetera go, ali kuguma na Miteridaati, na Tabeeri, naꞌbiira baabo. Galya maruba, gâli leziri abandu beꞌYerusaleemu kwokuno:

Hizira 7:1

Ha nyuma, ikyanya mwami Serikisi weꞌPerisiya âli ki riiri ku butwali, Hizira anashaaga i Babeeri. Uyo Hizira, âli mugala Seraya. Seraya naye, âli mugala Hazariya. Hazariya naye, âli mugala Hirikiya.

Hizira 7:7

Iri mwami Serikisi akahisa imyaka irinda atwaziri, Hizira anazamuukira i Yerusaleemu, ali kuguma naꞌbandi Bahisiraheeri. Kuli kudeta abagingi, naꞌBalaawi, naꞌbimbi, naꞌbalaazi beꞌmiryango, naꞌbandi bakozi ba mu nyumba ya Rurema.

Nehemiya 1:1

Yaga magambo gali geꞌmwa Nehemiya mugala Hakaliya. Mwami Serikisi weꞌPerisiya, ikyanya akahisa imyaka makumi gabiri atwaziri, mu mwezi gweꞌKisirewi, niehe Nehemiya nâli tuuziri mu kaaya kahamu keꞌSusaani.

Nehemiya 1:11

Ee! Tuli bakozi baawe, tunashambaliiri ukukugingika. Kwokwo, yaga mahuuno giitu, ugayuvwirize. Na buno zeene, nakuhuuna ungashaanire, halinde ndonge ukuyemeererwa imbere lya mwami.» Ku kirya kyanya, nie wâli yimangiiri umukolwa gwoꞌkuheereza mwami ikinywebwa.

Hesiteeri 3:7

Mwami Serikisi, iri akahisa imyaka ikumi niꞌbiri atwaziri, Hamaani anagiriisa ikibare mu mwezi gwa mbere úguli mu detwa Nisani. Yikyo kibare kiri mu buuzibwa Puriimu, kyanagirwa imbere lya Hamaani, gira alonge ukumenya ulusiku noꞌmwezi gwo agaminika kwaꞌBayahudi. Yikyo kibare, kyanagwa ku mwezi gwiꞌkumi na kabiri, úguli mu detwa Hadaari.

Danyeri 9:25

«“Aaho! Umenyage, unasobanukirwe. Ukulyokera ku kyanya bagakyula kwaꞌkaaya keꞌYerusaleemu kashubi yubakululwa, halinde ku kyanya kyoꞌlya mutwali úkashiigwa amavuta agayijira kwo, hakwaniini habe imyaka makumi gana na mwenda. Hanakulikire neꞌgindi myaka magana gana na makumi gashatu niꞌna. Haaho ho yako kaaya keꞌYerusaleemu kagashubi yubakululwa, kanabe neꞌnjira mbamu, kanazitirwe. Kundu kwokwo, ku kyanya kagayubakwa, hagaaba hakola amakuba mingi.