Nehemiya 1:6 - Kifuliiru

⁶ Aaho! Undege amatwiri, uyuvwe ngiisi kwo ngweti ngahuunira abakozi baawe, Abahisiraheeri. Ndyagagi mukozi wawe. Na buno, ndi mu kutakira úbwakya-úbwayira. «E Nahamwitu, nayaga maashi kwo tukakuhubira. Twe na bashokuluza biitu, twâli kizi yifunda mu byaha.

Nehemiya 1:6 Iomraidhean Croise

1 Baami 8:30

Ndi mukozi wawe. NaꞌBahisiraheeri nabo, bali bandu baawe. Kwokwo, ikyanya tugakizi hindukira hano handu, iri tunakuyinginga, ukizi tuyuvwiriza. Kundu utuuziri mwiꞌgulu, ukizi tuyuvwiriza, unatukoge.

1 Baami 8:47

«Iyo munda i mahanga, hali ikyanya abandu baawe bangayitoneesa boonyene, banatwikire ku byaha byabo, banakuyinginge, ti: “Yayewe! Keera twayifunda mu byaha. Twanahabuka, twanagira ibitalaalwe.”

2 Kutondobola 28:10

«Na kwakundi, mukoli shungisiri kwo mulonge abaja mu bashosi naꞌbakazi beꞌYerusaleemu, kiri na mu Buyuda hooshi. Ka mutayiji kwo niinyu keera mukagira ikyaha bweneene imbere lya Nahano Rurema winyu?

2 Kutondobola 29:6

«Balya bashokuluza biitu, si keera bakahuna, banavujuuka mu bitali nga byo imbere lya Nahano Rurema witu. Bakamúheereza ingoto, batanakiri mu lola ku nyumba yage.

2 Kutondobola 6:40

E Rurema wani, unyuvwirize! Na ngiisi byo nakuhuuna hano zeene, ubingwigize.

Hizira 10:1

Uyo Hizira, âli ki gweti agahuuna Rurema imbere lyeꞌnyumba yage. Anayemeera ibyaha byaꞌBahisiraheeri, anakizi yibulaga haashi iri analiruuka. Ku kyekyo kyanya, Abahisiraheeri banayiguga yaho. Hâli riiri abashosi, naꞌbakazi, kiri naꞌbaana. Yabo booshi, banamúsokanana, iri nabo banakizi bululuka.

Hizira 10:11

Buno, muyemeerage amahube giinyu imbere lya Nahano, Rurema wa bashokuluza biinyu, munagire ngiisi kwo aloziizi. Ibinyamahanga byoshi bya mu kino kihugo, muyami biyihandula kwo. Kiri na balya bakiinyu beꞌmahanga, mugirage muyami bayimula.»

Nehemiya 1:11

Ee! Tuli bakozi baawe, tunashambaliiri ukukugingika. Kwokwo, yaga mahuuno giitu, ugayuvwirize. Na buno zeene, nakuhuuna ungashaanire, halinde ndonge ukuyemeererwa imbere lya mwami.» Ku kirya kyanya, nie wâli yimangiiri umukolwa gwoꞌkuheereza mwami ikinywebwa.

Zaburi 102:17

Kalya kaaya keꞌSayuni, ugashubi kayubakulula, unakayerekane mwoꞌbulangashane bwawe.

Zaburi 106:6

Nga kwo bashokuluza biitu bâli kizi yifunda mu byaha, kwo na nyiitu, tukola mu biyifunda mwo. Ee! Twâli kizi huba ngana, twanakizi gira amabi.

Zaburi 130:2

Kwokwo, unyuvwirwe indengeerwa. Unandegage amatwiri, uyuvwe ngiisi kwo ndi mu deta.

Zaburi 32:5

Birya byaha byani, iri hakatama, ndanaki gira mbu ngubishe byo, si nanabiyilega imbere lyawe. Nanahiga kwokuno: «Ngolaga ngayilega ibyaha byani imbere lya Nahano.» Ikyanya nꞌgabiyilega imbere lyawe, wanangoga. Haaho, umwama gweꞌbyaha byani gwanayami hera.

Zaburi 34:15

Atwikirage ku mabi, anakizi gira amiija. Akizi fiitirwa ku byangaleeta umutuula, binabe byo agakizi kulikiriza.

Zaburi 55:17

Haliko niehe, ngakizi tabaaza Nahano Rurema, halinde anangize.

Zaburi 88:1

Imwoꞌmwimangizi waꞌbimbi. Izaburi yaꞌbaana ba Koora, na Hemani, Umuhizira. Luli mu yimbwa ngoꞌlwimbo lwoꞌmwizingeerwe.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Kimombo 5:7

Ala twe! Bashokuluza biitu, bo bâli kizi yifunda mu byaha. Na bwo batakiri ho, twe tukolaga mu bibetuzibwa.

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Danyeri 9:20

«Kwokwo, kwo nâli gweti ngahuuna Rurema Nahamwitu mu kuyilega ibyaha byani, kuguma neꞌbyaha byaꞌbiitu Bahisiraheeri. Nanâli kizi huunira kiri noꞌmugazi gwage mutaluule.

Danyeri 9:4

«Nanayilega imbere lya Rurema kwokuno: «“E Rurema Nahamwitu! Utuuziri hiꞌgulu bweneene, unali wa kahebuuza! Ngiisi ábakukuuziri, banakusimbahiri, uli mu nywana ikihango mwe nabo mu kati koꞌrukundo, unali mu kizi kikengeera.

Danyeri 9:5

«“Haliko twehe, tukoli bihuusiri bweneene, tunakoli hubiri imbere lyawe. Tugweti tugayifunda mu byaha, iri tunakuhindulira ingoto. Keera tukajanda imaaja zaawe, neꞌmigeeza yawe.

Danyeri 9:8

«“E maashi Nahano! Tweshi tukoli teziibwi ishoni, kiri naꞌbaami biitu, naꞌbatwali biitu, na bashokuluza biitu. Mukuba, twâli kizi yifunda mu byaha imbere lyawe.

Luka 18:7

Kiri naꞌbandu bo Rurema akatoola, ka itali yo haahe kwo agabaheereza ukuli kwabo! Si bayamiri bagweti bagamútakira úbwakya-úbwayira, kwo abatabaale. Aaho! Ka agashubi tindiriza mu kubatabaala? Nanga!

Luka 2:37

Anasigala akola namufwiri, halinde anahisa imyaka makumi galimunaana niꞌna. Âli kizi beera mwomwo mu nyumba ya Rurema, agweti agamúhuuna úbwakya-úbwayira, mu kati koꞌkuyishalisa.

Bahefeso 2:3

Kiri na nyiitu tweshi twâli tuuziri kwokwo, mu kukizi koleesa amifwije mabi gaꞌmagala giitu, na geꞌmitono yitu. Twâli tugahanirizibwa ku buraakari bwa Rurema, kuguma naꞌbandi bandu booshi.

1 Timoteyo 5:5

Haliko, iri namufwiri angaba atahiiti imbere neꞌnyuma, yehe ali mu ba akoli biisiragi umulangaaliro gwage imwa Rurema naaho, anali mu mútabaaza úbwakya-úbwayira.

2 Timoteyo 1:3

Mu kukolera Rurema, ngweti ngayiyeka ku mabi, nga kwo bashokuluza baani nabo bâli kizi gira. Kwokwo, na naawe, ngweti ngakukengeera mu mahuuno gaani, ubushigi niꞌzuuba. Na ndi mu tanga kongwa imwage hiꞌgulu lyawe.

1 Yohana 1:9

Haliko, iri twangayilega ibyaha biitu, Rurema agatukoga. Na ngiisi mabi giitu, anatuyeruuse go. Mukuba, ali mwemeera, anali mu gira íbikwaniini.

1 Samweri 15:11

«Nayishuhiza, bwo nꞌgayimika Sahuli kwo abe mwami. Lolaga, ngiisi kwo keera anjanda. Ngiisi byo ngweti ngamúbwira, atakiri mu bisimbaha.» Iri Samweri akayuvwa kwokwo, anashenguka bweneene, anatondeera ukuhuuna Nahano, bwanakya aki gweti agamútakira.