Ndondeko 8:1 - Kifuliiru

¹ Gulya mwijulire, ikyanya gukahisa isiku igana na makumi gataanu, Rurema âli ki kengiiri Nuhu, neꞌbitugwa byoshi, neꞌnyamiishwa zooshi, nga kwo byâli riiri mu mashuba. Kyanatuma Rurema agalungika imbuusi, yanahuusa bweneene mu kihugo, halinde amiiji ganatondeera ukuyema.

Ndondeko 8:1 Iomraidhean Croise

Ndondeko 19:29

Rurema, ikyanya akajigiivya yutwo twaya twa mu ndekeera, akakengeera Hiburahimu. Kiri na Luutu kwakundi, kundu âli tuuziri i Soodoma, haliko atanafwa.

Ndondeko 30:22

Ha nyuma, Laheeri naye, Rurema anamúkengeera. Anashuvya amahuuno gaage, mu kumúheereza ibuta.

Ndondeko 9:10

Na bwo mukalyoka neꞌbiremwa mu mashuba, ngakigira twe nabyo kwakundi. Kuli kudeta utunyuni, neꞌbitugwa, neꞌnyamiishwa zooshi, na ngiisi kindi kiremwa íkiri mu kihugo.

Nehemiya 13:14

«E Rurema wani, bwo nagira kwokwo, ungengeere, maashi! Utayibagire ngiisi kwo nâli kizi kukolera mu kati koꞌrukundo, kiri na mu nyumba yawe.»

Nehemiya 13:22

Haaho, nanabwira Abalaawi kwo batee yiyeruusa, babuli gendi langa imiryango yaꞌkaaya, gira ulusiku lweꞌSabaato lukizi simbahwa. «E Rurema wani, bwo nâli kizi gira kwokwo, ungengeere, maashi! Ungejeerere, ukukulikirana noꞌrukundo lwawe.»

Nehemiya 13:29

«E Rurema wani, utayibagire ngiisi kwo bayulubaza umukolwa gwoꞌbugingi. Kiri neꞌkihango kyo ukanywana naꞌbagingi naꞌBalaawi, nakyo bakiyulubaziizi.»

Nehemiya 13:31

Nanababwira ngiisi kwo baganakizi leeta ishaali iwa katanda ku kyanya íkishungisirwi. Bakizi kuumania niꞌtomola lyeꞌmimbu. E Rurema wani, ungengeere maashi! Ndonge ukukizi gashaanirwa.

Hayubu 12:15

Nga angahangika invula, itangaki nia. Neꞌri angagihangamula, ikihugo kinalonge imigezi.

Hayubu 14:13

Bwangabiiri bwija utee mbisha i kuzimu, halinde uburaakari bwawe butee hooha. Ha nyuma kandi, unabiike ulusiku lwoꞌkushubi ngengeera.

Zaburi 105:42

Mukuba, gulya muhango mutaluule gwo akalagaania umukozi wage Hiburahimu, âli ki gukengiiri.

Zaburi 106:4

E Nahano! Ikyanya ugakizi tabaala abandu baawe, na naani, ukangengeere, unandabaale.

Zaburi 115:12

Nahano ayamiri atukengiiri, ye nali mu tugashaanira. Agakizi gashaanira Abahisiraheeri, kuguma na beene Harooni.

Zaburi 132:1

Luli mu yimbwa na ábali mu zamuukira i Yerusaleemu. E Nahano, ukengeere mwami Dahudi. Ukengeerage naꞌmakuba gaage gooshi.

Zaburi 136:23

Ikyanya twâli kizi gayirizibwa, anatukengeera. Urukundo lwage, luyamiri ho, halinde imyaka neꞌmyakuula.

Zaburi 137:7

E Nahano, i Yerusaleemu, ulusiku abagoma bakagigwata imbohe, ukengeere ngiisi kwaꞌBahedoomu bâli kizi honyoleza, ti: «Yako kaaya, mukahongole. Ee! Mukunyule kiri neꞌndaliro zaako.»

Zaburi 29:10

Nahano atwaziri hiꞌgulu lyoꞌmwijulire. Yenyene alyagagi mwami, anatwaziri imyaka neꞌmyakuula.

Zaburi 36:6

E Nahano, wehe, urukundo lwawe luhisiri halinde mwiꞌgulu. Ubwemeera bwawe, buhisiri ku bibungu.

Kulyoka 14:21

Ha nyuma, Musa anagololera ukuboko kwage ku nyaaja. Nahano analeeta ikihuhuuta ukulyoka uluhande lweꞌsheere, kyanakizi huusa bukayu, halinde shesheezi. Irya nyaaja yanabunduuka mwo kubiri, halinde haashi hanakama.

Kulyoka 15:10

Kundu bakadeta kwokwo, wanafuuha umuuka, inyaaja yanababwikira. Banaholobera mwo nga kyuma kyoꞌrusasi, amiiji ganababindikira.

Kulyoka 2:24

Neꞌri akagayuvwa, anakengeera kirya kihango kyo akagira na bashokuluza baabo, Hiburahimu, na Hisake, na Yakobo.

Migani 25:23

Nga kweꞌmbuusi yeꞌmbembe iri mu leeta invula, kwo noꞌlugamba luli mu leeta ubushombani.

Hisaaya 44:27

Amabenga gaꞌmiiji, ngagahamuliza, ti: “Mukame! Kiri neꞌnyiiji ziinyu, ngazikamya.”

Yeremiya 50:38

Zeezo ngooti, zikizi teera invula ihangame, halinde amiiji gaamwo gakame. Ikihugo kyeꞌBabeeri, si kiyijwiri mweꞌmigisi! Iyo migisi ikola mu teera abandu ikyoba bweneene, halinde banabe nga basire.

Hamoosi 8:7

Nahano agweti agashiikiza kwokuno kwiꞌziina lyage: «Yibyo byaꞌBahisiraheeri bagweti bagaakola, ndâye biyibagire!»

Yona 4:11

«Haliko yaka kaaya keꞌNinaawi, lolaga kwo kali kahamu bweneene! Kali mwaꞌbandu ingingwe yeꞌbihumbi igana na makumi gabiri. Yabo booshi, batasobanukiirwi neꞌbiija neꞌbibi. Mulyagagi neꞌnyamiishwa nyingi kwakundi. Aahago! Ka bitashubi ngwaniini kwo nyuvwirwe abandu baako indengeerwa?»

Nahumu 1:4

Ikyanya ali mu kyula, inyaaja neꞌnyiiji zinayami kama. Kiri neꞌndagiriro nyija zeꞌBashaani, na zeꞌmigazi yeꞌKarimeeri zinagubuuke. Noꞌtwaso tweꞌLebanooni, tunaholoke.

Habakuki 3:2

E Nahano! Keera nꞌgayuvwa hiꞌgulu lyeꞌmikolezi yawe ya kahebuuza. Ngiisi byo ukagira, keera byanzoomeza bweneene! Aahago! Yibyo byoshi, ushubi bikolaga mu siku ziitu, halinde nyiitu tubimenye bwija. Kundu uki turakariiri, utuyuvwirwe indengeerwa, maashi!

Zakariya 10:11

Bagalengaga mu makuba, nga bandu ábajabuka inyaaja. Nie Nahano, ngashuuta imidunda yayo, kiri noꞌtulingi twoꞌlwiji Niire, ngatuyumya. Kundu Abahasuriya bagweti bagayikangaata, si bagaki goka. Kiri naꞌBamiisiri kwakundi, ubutwali bwabo bugaasiba.

Muharuuro 10:9

«Neꞌkyanya mugaaba keera mwayingira mu kirya kihugo kiinyu, naꞌbagoma biinyu banayiji mùteera, muyami dihiriza ibibuga mu kukengulana. Lyeryo, Rurema Nahamwinyu agamùkengeera, anamùkize mu maboko gaabo.

Muharuuro 22:32

Ulya muganda, anamúbuuza: «Ewe! Kituma kiki washulika uyu punda wawe ubugira kashatu? Si nakuyijira, gira nyiji kuhangirira. Si yulu lugeezi lwawe, luli lwa buhwija!

Bwigule 16:19

Lyeryo, kalya kaaya kahamu kanapwamuuka mweꞌbihande bishatu. Kiri noꞌtundi twaya twa mu mahanga gooshi, natwo twanayihongoleka haashi. Yako kaaya kahamu keꞌBabeeri, Rurema akakakengeera, mu kukanywesa ku rusoozo úluyijwiri mwoꞌburaakari bwage. Yubwo buraakari bwage, bwanakalalusa nga maavu geꞌngangu!

Bwigule 18:5

Mukuba, ibyaha byako, keera byayilunda-lunda halinde ukuhika mwiꞌgulu. Halinde buno, Rurema aki bikengiiri.

1 Samweri 1:19

Iri bukakya shesheezi, Herikana neꞌmbaga yage banavyuka kare-kare. Neꞌri bakaba keera bayikumba Nahano, banataahira mu kaaya kaabo keꞌRama. Uyo Herikana, ikyanya akamenyana na mukaage Haana, leero Nahano anayami heereza Haana ibuta.