Ndondeko 5:22 - Kifuliiru

²² Ha nyuma lyoꞌkumúbuta, analama igindi myaka magana gashatu. Mwiꞌyo myaka, Hinoki âli tuuziri neꞌngoome na Rurema. Anabuta abandi baana boꞌbutabana, na boꞌbunyere.

Ndondeko 5:22 Iomraidhean Croise

Ndondeko 17:1

Hiburamu, ikyanya akahisagya imyaka makumi galimwenda na mwenda, Nahano anashubi múhulukira kwo, anamúbwira: «E Hiburamu, nie Rurema woꞌbushobozi bwoshi. Aaho! Ukizi nzimbaha, iri unakizi yama utungiini imbere lyani.

Ndondeko 24:40

«Naye, ti: “Nahano ayamiri ali mu ndongoora. Na buno, agakulungikira umuganda wage, halinde ugenduukirwe mu lugeezi lwawe. Uloogeze mugala wani umukazi, mu mulala gwani, na mwiꞌkondo lyani, unamúndeetere hano.

Ndondeko 48:15

Yakobo, anagashaanira Yusefu, ti: «Bashokulu baani, Hiburahimu na Hisake, bâli tuuziri neꞌngoome nyiija na Rurema. Uyo Rurema, ye na yoyo úyamiragi ali mu ndongoora halinde zeene.

Ndondeko 5:21

Uyo Hinoki, iri akaba akola neꞌmyaka makumi galindatu niꞌtaanu, anabuta Metuseela.

Ndondeko 5:23

Hinoki, analama imyaka magana gashatu na makumi galindatu niꞌtaanu.

Ndondeko 5:24

Na bwo âli tuuziri neꞌngoome na Rurema, lusiku luguma Rurema anamútwala, atanakiboneka.

Ndondeko 6:9

Abandu ba mu mbaga ya Nuhu, umwazi gwabo gwo gwoguno: Ku kyanya kyage, yehe naaho, ye wâli kwaniini imbere lya Rurema, ndaanabwo buhube bwo âli hiiti. Âli tuuziri neꞌngoome nyiija na Rurema.

1 Baami 2:4

Nahano anakizi gira ngiisi kwo akandagaania, ti: “Abandu ba mwiꞌkondo lyawe, iri bangatuula nga kwo bikwaniini, banabe bali mu ngulikira ku bwemeera, kunabe ku mitima yabo yoshi, na ku menge gaabo gooshi, lyo hatâye bule úgakizi bwatala ku kitumbi kyoꞌbwami bwaꞌBahisiraheeri.”

2 Baami 20:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

Zaburi 116:9

Ku yukwo, ikyanya kyoshi ngaaba ngiri ho, ngakizi kukulikira.

Zaburi 128:1

Luli mu yimbwa na ábali mu zamuukira i Yerusaleemu. Bahiriirwi, ngiisi ábali mu simbaha Nahano, banakizi múkulikira.

Zaburi 16:8

Nyamiri ndi mu biika Nahano imbere lyani. Na bwo ali uluhande lwani lweꞌlulyo, ndaabyo íbyangaki njagania.

Zaburi 26:11

Haliko niehe, nduuziri mu kati koꞌkuli. Ku yukwo, unyuvwirwe indengeerwa, unangize.

Zaburi 56:13

E Rurema, ngiisi byo nꞌgakulagaania, ngola ngabigira. Ee! Mu kudeta kongwa, ngakutangira ituulo.

Zaburi 86:11

E Nahano, unyigirize ngiisi byo ngwaniini ukugira, halinde ngizi kulikira ukuli kwawe. Umbiike mwoꞌmutima mwija, halinde ngizi kusimbaha lwoshi-lwoshi.

Kulyoka 16:4

Kwokwo, Nahano anabwira Musa: «Yaba bandu, ngabatibulira imikate ukulyoka mwiꞌgulu. Ngiisi shesheezi, bagakizi toola imikate yo bagaalya ku lwolwo lusiku. Kwokwo, lyo ngabagera, ndonge ukumenya iri bangakulikira imaaja zaani, kandi iri nanga.

Lwimbo Lwija 1:4

Ngwatiraga ku kuboko gira tugendanwe. Tuvwaruke duba. E mwami, undwalage mu kisiika kyawe.» «E mwami, tugweti tugakushambaalira. Urukundo lwawe tugakizi luhuuza ukuhima idivaayi.» «Balya banyere, ndaabyo íbyangababuza kwo batakuvunikire.»

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Balaawi 26:12

Ngakizi mùzaatira-zaatira. Nie ngaaba Rurema winyu. Niinyu munabe bandu baani.

Hamoosi 3:3

E balya! Abandu babiri batangabalamanwa, bátanazi lagaana ho bali mu genda.

Mika 4:5

Ibinyamahanga, kundu bagweti bagakulikira imizimu yabo, haliko twehe tugakizi kulikira Rurema Nahamwitu, halinde imyaka neꞌmyakuula!

Mika 6:8

E mundu! Si keera Nahano akubwira ngiisi íbiri biija, na ngiisi byo akuloziizi kwo. Aloziizi ukizi girirana íbikwaniini, unabaagage ukuuziri ukukejererana, unakizi yerekana ubutuudu imbere lyage.

Malaki 2:6

Bâli kizi yigiriza mu kati koꞌkuli, buzira kushobania. Banâli kizi gira íbikwaniini, mu kati koꞌkuli, iri banayagiisa abandu bingi, halinde batwikire ku mabi.

Luka 1:6

Bombi, bâli kwaniini imbere lya Nahano Rurema, banâli simbahiri imaaja zaage zooshi, iri banakizi gira ngiisi kwo akababwira.

Mikolezi 9:31

Mu yizo siku, ishengero lyanaba noꞌmutuula hooshi mu poroveesi yeꞌBuyahudi, kiri na mu yeꞌGalilaaya, na mu yeꞌSamariya. Abandu biꞌshengero banakizi kanibwa, iri banakizi simbaha Nahano. Umutima Mweru, gwanakizi batabaala, halinde umuharuuro gwabo gwanakizi yushuuka.

Barumi 8:1

Ikyanya abandu bali mu ba bakoli tuuziri mu kati ka Yesu Kirisito, batagaki twirwa ulubaaja kwo bahanwe!

1 Bakorindo 7:17

Ngiisi mundu akwiriiri ayame nga ngiisi kwo akagwanwa ku kyanya Nahano Rurema akamúhamagala. Yukwo, kukulikiriini na ngiisi kwo Rurema âli mali gwanwa amúshungikira. Luno luhango, ndi mu lubiika mu mashengero gooshi.

2 Bakorindo 6:16

Inyumba ya Rurema úli mugumaana, ka yangagira mbu ihuugize kuguma neꞌmigisi? Neꞌyo nyumba yage, twe twehe! Biryagagi nga kwo Rurema yenyene adesiri kwokuno: «Ngatuula mu kati kaabo, na ngizi balenga-lenga mwo. Na mbe Rurema wabo. Nabo banabe bandu baani.»

Bahefeso 5:15

Ku yukwo, mukizi lolaga bwija ngiisi kwo mutuuziri! Mutakizi tuula nga bahwija. Si mukizi tuula mu bwitegeereze.

Bukengeeze 13:4

Iri bangadeta kwokwo, hatagire úgabayuvwiriza. Mukuba, Nahano, Rurema winyu agabakoleesa mu kumùgeza, gira amenye iri mumúkuuziri ku mutima gwinyu gwoshi, na ku nzaliro ziinyu zooshi.

Bukengeeze 28:9

«Iri mwangakizi simbaha imaaja za Nahano, Rurema winyu, munabe mutuuziri nga kwo aloziizi, agamùsikamya, munabe mulala gwage mutaluule, nga kwo keera akamùlagaania.

Bukengeeze 5:33

Si mukizi kulikira injira zooshi zo akamùyereka, halinde lyo mulonga ukugenduukirwa, munatuule siku nyingi mu kihugo kyo mugagendi gwata.»

Bakolosaayi 1:10

Kwokwo, lyo mulonga ukutuula ku njira íkwaniini imbere lyage. Munalonge noꞌkukizi músimiisa mu kati ka byoshi. Munabe muli mu tabaala abandu baage, iri munakaviiriza ukumenya Rurema.

Bakolosaayi 4:5

Mukizi yitegeereza ngiisi kwo mugatuula mu batali Bakirisito, halinde lyo mulonga ukukoleesa bwija ngiisi bulyo bwo muhiiti.

1 Batesaloniki 2:12

Twâli kizi mùkania imitima, iri tunamùholeeza. Twanakizi mùyinginga kwo mutuule ku njira íkwaniini imbere lya Rurema. Mukuba, agweti agamùhamagala kwo muyingire mu bwami bwage, na mu bulangashane bwage.

1 Batesaloniki 4:1

E beene witu! Mu kuyusagya, twamùyinginga bweneene mu kati ka Nahano Yesu kwo mukizi tuula ku njira yoꞌkusimiisa Rurema. Kwokwo, kwo tukamùyigiriza, kunali kwo mukoli tuuziri. Na buno tugweti tugamùyinginga kwo mukaviirize ukutuula kwokwo.

1 Yohana 1:7

Haliko, iri twangaba tutuuziri mu mulengeerwe, nga kwo Rurema agutuuziri mwo, lyo tugaaba neꞌngoome twenyene kwa twenyene. Noꞌmuko gwoꞌMwana wage Yesu, gunayeruuse ibyaha biitu byoshi.