Ndondeko 49:1 - Kifuliiru

¹ Ha nyuma, Yakobo anatumira bagala baage booshi, anababwira: «Mweshi mukumanage. Ngamùmenyeesa íbigamùkoleka kwo, mu siku ízigayija.

Ndondeko 49:1 Iomraidhean Croise

Zaburi 105:15

«Yaba batoolwa baani, mutakolwe mbu mukizi balibuza. Mutanagirire abaleevi baani ubuligo.»

Zaburi 25:14

Ngiisi ábasimbahiri Nahano, ayamiri ali uluhande lwabo, anali mu bamenyeesa ikihango kyage.

Hisaaya 2:2

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene, ukuhima utugangazi twoshi, halinde aba mu mahanga gooshi banakizi gushololokera.

Hisaaya 22:14

Nahano woꞌbushobozi bwoshi, keera anyereka kwo kiri na ku lusiku lwo mugaafwa kwo, gano mabi giinyu gatâye kogwe! Kwokwo, kwo Nahano woꞌbushobozi bwoshi, adesiri.

Hisaaya 39:6

Mu siku ízigayija, yabo Bababeeri bagashaaza byoshi íbiri mu nyumba yawe, kiri neꞌbindu byoshi byo bashokuluza baawe bakakuumania, banabitwale imwabo. Ndaakyo kindu íkigasigala. Kwokwo, kwo Nahano adesiri.

Hisaaya 48:14

Mweshi mukuumanage, gira muyuvwirize. Nahano keera atoola Kiiro, abe mwira wage, gira agendi teera i Babeeri. Aaho! Mu mizimu yinyu, ka hali úgukagwanwa gwadeta kwokwo? Aahabi!

Hisaaya 53:1

Irya ndumwa, ikyanya tukagimenyeesa, ka hali úkagiyemeera? Neꞌkyanya ubushobozi bukayerekanwa, ka hali úkamenya kwo buli bweꞌmwa Nahano?

Yeremiya 23:20

Bulya buraakari bwa Nahano, butagahooha, átazi gira nga ngiisi kwo akoli shungisiri. Yibyo byoshi, mu siku ízigayija, lyo mwâye bisobanukirwe bwija.

Danyeri 10:1

Mwami Kiiro âli twaziri ikihugo kyeꞌPerisiya. Ku yikyo kyanya, Danyeri âli ki riiri ho. (Neꞌrindi iziina lyage, ye Beriteshaaza.) Neꞌkyanya Kiiro âli koli hisiizi imyaka ishatu atwaziri, uyo Danyeri anayigulirwa ubwigule úbudesiri hiꞌgulu liꞌzibo lyeꞌngunguula. Yubwo bwigule bwâli riiri bwaꞌkasiisa, na Danyeri âli sobanukiirwi noꞌmugeeza gwabwo.

Danyeri 10:14

Na buno, nayiji kumenyeesa ngiisi íbigakoleka ku bandu baawe mu siku ízigayija. Mukuba, yago mabone go wabona, gali hiꞌgulu lya íbigaaba mu siku ízâye yije.”

Danyeri 2:47

Mwami anabwira Danyeri: «Ku kasiisa, Rurema wawe alyagagi hiꞌgulu lyaꞌbaabo booshi. Ye na Nahano hiꞌgulu lyaꞌbaami booshi. Kundu utumbishwa tushubi bishamiri, haliko ye mu kizi tubishuula. Yaka kambishwa kaani, ye wakushoboleesa ukukasobanura!»

Hamoosi 3:7

Ku kasiisa, Rurema Nahamwitu atangagira igambo lyoshi, átazi menyeesa abakozi baage, abaleevi.

Mika 4:1

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene ukuhima utugangazi, halinde abandu booshi banakizi gushololokera.

Muharuuro 24:14

«Kwokwo buno, namu galukira mu bandu baani. Haliko, ku kyanya ndazi galuka, ngatee gwanwa nakubwira ngiisi byo yaba bandu bagagirira abandu baawe, mu siku ízigayija.»

Luka 2:26

gwanâli mali múmenyeesa kwo atagaafwa, átazi bona ngiisi kwo Nahano agaatuma Masiya.

Mikolezi 2:17

“Rurema adeta: Mu siku zeꞌmberuuka, nâye yonere Umutima gwani ku bandu booshi. Bagala biinyu na banyere biinyu, bagakizi tanga ubuleevi. Imisore yinyu, igakizi bona amabone. Naꞌbashaaja biinyu, bagakizi loota ibirooto.

Bukengeeze 31:12

«Mukuumanie abandu booshi, abashosi naꞌbakazi, kuguma naꞌbaana, kiri neꞌbinyamahanga byo mutuliinwi mu twaya twinyu. Yizo maaja, mukizi basomera zo, halinde balonge ukuziyuvwa, banakizi zisimbaha, halinde banagingike Nahano, Rurema winyu.

Bukengeeze 4:30

Mwe bakongwa mwe! Yaga malibu gooshi go namùbwira, iri gangayiji mùgwata, munabe mugweti mugalibuuka, haaho mukakengeere ukugalukira Nahano, munakizi músimbaha.

1 Timoteyo 4:1

Umutima Mweru, guli mu tubwira ku bweranyange kwo mu siku zeꞌmberuuka, abandu baguma batagaki yemeera Yesu. Banayitangage imweꞌmizimu, banabe bakoli kulikiiri amigirizo gaayo, kundu iyo mizimu iri ya kutebana naaho.

2 Timoteyo 3:1

Umenye bwija kwo mu siku zeꞌmberuuka, hagabaagaga amalibu makayu.

Baheburaniya 1:2

Halikago, mu zino siku zeꞌmberuuka, akoli gweti agaadeta na nyiitu ku njira yoꞌMwana wage yenyene. Kutanali kwokwo naaho. Si ku njira yoꞌyo Mwana wage, kwo akabumba mweꞌbindu byoshi. Ye na koli bihaabirwi.

Baheburaniya 13:1

Mugenderere ukukizi kundana nga baguma!

Bwigule 4:1

Ha nyuma, nanalangiiza, nanabona mwiꞌgulu, ulwivi lukola luyigule. Nanayuvwa lirya izu írikadihiriza nga lyeꞌkibuga. Lirya izu, lyanashubi mbwira: «Uyijage ino munda, gira nguyereke ngiisi íbigaki koleka!»