Ndondeko 3:19 - Kifuliiru

¹⁹ Mu kulonga ibyokulya, ugakizi shaha ikyuya, halinde ukuhisa ku kyanya ugagalukira mwiꞌdaho. Mukuba, mwiꞌdaho mwo ukalyosibwa, munali mwo ugashubi galukira.»

Ndondeko 3:19 Iomraidhean Croise

Ndondeko 18:27

Hiburahimu anashubi deta: «Ndi lukungu, na ndi munyota-kiiko. Kundu kwokwo, nayihangaana ukuganuuza Nahamwitu.

Ndondeko 2:7

Mu luvu, mwo Nahano Rurema akabumba umushosi, anamúfuuhira umuuka mu mazuulu. Uyo mushosi, anaba kiremwa kigumaana.

Ndondeko 23:4

«Bwo nimùtuuziri mwo nga kinyamahanga, munguliikize ahandu ho ngaziika mukaanie.»

Ndondeko 3:18

Hiꞌgulu lyawe, idaho likola ligakizi meza imigenge, neꞌmihanda-njovu. Kundu kwokwo, ugakizi yimbula, byo ugaalya.

Ndondeko 5:5

Hadamu, iri akalama imyaka magana galimwenda na makumi gashatu, anafwa.

Hayubu 1:21

«Nꞌgayija mu kihugo, ndi bukondwe. Na mu kulyoka mwo, ngagenda ndi bukondwe. Ngiisi byo nâli hiiti, Nahano ye kabimbeereza. Ye wanashubi binyaga. Ee! Iziina lya Nahano, likizi huuzibwa.»

Hayubu 10:9

We kongwa we! Ukengeere kwo ukandema mu luvu. Aaho! Ka ugalunguli ngalulira mwo duba-duba?

Hayubu 19:26

Kundu amagala gaani gakoli boziri, haliko ku gaagano magala, ngaki bona Rurema.

Hayubu 21:26

Kundu kwokwo, yabo bombi bali mu ziikwa, banali mu liibwa na byebyo bitwera.

Hayubu 34:15

ibiremwa byoshi byangaheziri. Kiri naꞌbandu nabo, bangagalukiiri mu luvu.

Hayubu 4:19

Aahago! Ka itali yo haahe kwo atangamùyemeera mwe bandu ngana, munali ba kufwa naaho? Abandu bali mu bumbwa mu luvu, banali mu vungulwa nga hishumbugulu.

Zaburi 103:14

Nahano ayiji bwija ngiisi kwo akatubumba, anakengiiri kwo tubumbirwi mu luvu naaho.

Zaburi 104:23

Haaho shesheezi, umundu naye anatondeere imikolwa yage, anakizi kola, halinde kabigingwe.

Zaburi 104:29

Si ikyanya uli mu bihindulira ingoto, biri mu yami yoboha. Ikyanya uli mu bilyosa mwoꞌmuuka, biri mu yami fwa, binashubi hinduka luvu.

Zaburi 127:2

Abandu, kundu bangazindukiri vyuka kare-kare, banagwejere makeereza mbu lyo bakolera byo bagaalya, bali mu yiluhiza ubusha. Mukuba ngiisi bo Nahano akuuziri, ali mu baheereza byo banaki gwejiiri.

Zaburi 22:15

Ngolaga nga miiji ágafukwa haashi. Iningo zaani, zitaki gwetiini. Kiri noꞌmutima, gukoli jongolosiri nga bulembo.

Zaburi 22:29

Mukuba yago mahanga gooshi, Nahano ye gatwaziri.

Zaburi 90:3

Ugweti ugakizi galulira abandu mu luvu, mu kudeta: «Ngahwe! Mushubire mu luvu.»

Migani 21:16

Ngiisi úgweti úgakulikira ubwitegeereze, anashubi buhabuka mwo, ali mu yiji kengeera akola mu bafwiri.

Mwigiriza 1:13

Nâli fitiirwi bweneene kwo nyige ngiisi íbiri mu koleka mu kihugo. Haliko yibyo nabyo, guli muluho muhamu. Emwe! Rurema akatuzidohera ngana.

Mwigiriza 1:3

Aaho! Ikyanya umundu agweti agashaha ikyuya mu kukoleereza mu kihugo, bikagi byo ali mu ba ayungusiri?

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

Mwigiriza 3:20

Booshi bali mu fwagaga, banalole i kuzimu. Ee! Booshi bakalyokaga mu luvu. Na mwomwo, mwo bagashubi galukira.

Mwigiriza 5:15

Yibi nabyo, biri mu tuvuniisa umutima. Ngiisi kwaꞌbandu bakayija, kwo na kwokwo bali mu galuka. Aaho! Bali mu ba balongaga bunguke buki? Bagweti bagakizi shaha ikyuya naaho, nga mundu woꞌkulooza ukugwata imbuusi.

Danyeri 12:2

«“Mu bandu keera ábakafwa, banakoli ziisirwi, abingi baabo bagazuuka. Baguma, banalonge ukulama imyaka neꞌmyakuula! Halikago, abandi banateezibwe ishoni, iri banateteerwa imyaka neꞌmyakuula.

1 Bakorindo 15:47

Uyo mundu wa mbere, akalyosibwa mu luvu. Si uwa kabiri, yehe akalyoka mwiꞌgulu!

Bahefeso 4:28

Iri umundu angaba akiri mu zimba, atwikire ku buzimba bwage, anakizi gira imikolwa íkwaniini naꞌmaboko gaage, halinde lyo akalonge ibindu byo agakizi tabaala mwo ábagoozirwi.

1 Batesaloniki 2:9

E beene witu! Ka mutakengiiri ngiisi kwo twâli kizi koleereza mu kati kiinyu, ubushigi niꞌzuuba? Ikyanya twâli kizi mùyigiriza Imyazi Miija ya Rurema, tutâli loziizi kwo tuzidohere umundu yeshi ku magoorwa giitu.

2 Batesaloniki 3:10

Ikyanya twâli ki riiri iyo munda imwinyu, tukamùbwira yulu luhango: Iri umundu angaba ataloziizi ukukola, atahanguulwe mbu alye!

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.