Ndondeko 20:5 - Kifuliiru

⁵ Si Hiburahimu yenyene ye wadeta kwoꞌyu mukazi alyagagi mwali wage! Saara naye, anandeba kwo Hiburahimu ali mushija wage. Ngiisi byo nagira, ndabigiriirira. E waliha, amaboko gaani, gali shululu.»

Ndondeko 20:5 Iomraidhean Croise

Ndondeko 12:13

Ku yukwo, ukababwire kwo uli mwali wani, gira lyo bakangirire amiija hiꞌgulu lyawe, na mbe nalonga ukukira.»

Ndondeko 20:13

Ikyanya Rurema akambwira kwo njaage imwitu, na ngendi tuula i mahanga, nanayinginga mukaanie kwo ngiisi ho tugakizi lenga hooshi, akizi nyereka kwo anguuziri, mu kukizi deta kwo ndi mushija wage.»

Ndondeko 20:16

Ha nyuma, Habimereki anabwira Saara: «Lolaga! Bwobuno, naheereza mushija wawe ibingorongoro kihumbi, mu kuyereka yutu tumasi twoshi kwo utahiiti ubuhube. Kwokwo, ndaabyo wangaki shembwa kwo.»

1 Baami 9:4

«Naawe, ukwaniini ukizi ngulikira ku mutima úgushenguusiri, na mu kati koꞌkuli, nga kwo yisho Dahudi âli kizi gira. Iri wangakizi simbaha imaaja zaani, unakizi kulikiriza byoshi byo nꞌgakukomeereza,

2 Baami 20:3

«E Nahano, nakuyinginga ukengeerage ngiisi kwo nâli kizi kukolera mu kati koꞌbwemeera, na ku mutima gwani gwoshi. Ee! Ukengeere ngiisi kwo nâli kizi gira íbikwaniini imbere lyawe.» Haaho, Hezekiya anagwatwa neꞌkifufu, analira.

1 Kutondobola 29:17

E Rurema wani, nyiji kwo weꞌri mu geza umutima, unali mu siima abandu boꞌkuli. Kwokwo, naani, natanga yibi bindu byoshi ku mutima úgushenguusiri, na buzira kuhidikwa. Na buno, mbwini ngiisi kwo bano bandu baawe, nabo keera bakutangira mu kati koꞌbushambaale.

Hayubu 33:9

Keera wayihumeera mu kudeta kwokuno: “Niehe ndi mweru. Ndaabyo nangalezirwi kwo, ndaanabyo byaha ngweti, ndaanabwo buhube.

Zaburi 24:4

Ábahangwirwi ukugenda yo naaho, babe bandu baꞌmaboko gaabo gali shululu, neꞌmitima yabo, inabe iyeruusiri. Batagweti bagayikumba imigisi, batanali mu biika indahiro zeꞌbibeesha.

Zaburi 25:21

Niehe, ngwaniini, na ndi mundu woꞌkuli. Na ngubiisiri kwoꞌmulangaaliro. Kwokwo, ukizi ndanga, maashi!

Zaburi 26:6

E Nahano, keera nakaraba amaboko gaani, mu kuyerekana kwo ndahiiti ubuhube. Na buno, ngola imbere lyaꞌkatanda kaawe.

Zaburi 7:8

Abandu baꞌmahanga gooshi, ubakumanize ha butambi lyawe. Na bwo utuuziri hiꞌgulu lyabo, ukizi batwala.

Zaburi 7:9

E Nahano, we riiri hiꞌgulu lya booshi. We nali mu twa imaaja zaꞌbandu booshi. Aahago! Bwo ndaabwo buhube mbiiti, undwirage imaaja mu kati koꞌkuli.

Zaburi 73:13

Niehe, ikyanya ndi mu kizi yihangaana, na mbonage naaho kwo ndaabyo nagira. Kiri neꞌkyanya ndi mu kizi yilanga, mbu ndagire ubuligo, ndaako kamaro kooshi nalonga.

Zaburi 78:72

Dahudi anakizi balanga noꞌmutima mwija, anakizi barongoora ku bulenga.

Migani 11:3

Abandu biija, ubutuudu bwabo bwo buli mu kizi barongoora. Si abanabibeesha boohe, bagashereezibwa hiꞌgulu lyoꞌmujina gwabo.

Migani 20:7

Abandu ábakwaniini bali mu kizi gira íbitungiini. Kiri neꞌkyanya bakoli fwiri, abaana baabo bali mu yama bagashaniirwi.

Danyeri 6:22

Danyeri anayitaba, ti: «E mwami, ulame imyaka neꞌmyakuula!

2 Bakorindo 1:12

Twehe, halyagagi byo tuli mu yiyuvwa kwo. Mukuba, imitima yitu igweti igatutangira ubumasi kwo tutuuziri ku njira íkwaniini imbere lya Rurema. Tutanali balyalya. Kwokwo, kwo tutuuziri mu kihugo, neꞌngingwe mu kati kiinyu. Tutali mu koleesa ubwenge bweꞌkihugo. Si tulangaliiri kwo tugakizi gashaanirwa na Rurema yenyene!

1 Batesaloniki 2:10

Mwe Bakirisito, mulyagagi tumasi twitu, kwo twâli tuuziri mu kati kiinyu ku njira nyeeru, ínakwaniini. Ndaabwo buhube bwoshi bwo tukamùgirira. Kiri na Rurema, ali kamasi kiitu.

1 Timoteyo 1:13

Kundu ubwa mbere nâli kizi mútuka, nanâli kizi libuza abandu baage mu kukizi bakayira, haliko Rurema akangejeerera. Ikyanya nꞌgagiraga kwokwo, ndâli biyiji, bwo ndâli zaazi yemeera Yesu.

Yoshwa 22:22

«Nahano, ye Rurema úli hiꞌgulu lya íbiri mu yikumbwa byoshi. Anali ye yiji íbyatuma twagira kwoku. Kiri naꞌBahisiraheeri, nabo bagabimenya. Iri twangaba twakeneka Nahano mu buhuni, mwangatuminika zeene.