Ndondeko 2:8 - Kifuliiru

⁸ Ha nyuma, Nahano Rurema anabyala indalo i Hedeni, uluhande lweꞌsheere, anagibiika mwoꞌyo mundu.

Ndondeko 2:8 Iomraidhean Croise

Ndondeko 13:10

Luutu, analangiiza-langiiza yizo mbande zooshi. Neꞌri akalangiiza indekeera yoshi ya ku lwiji Yorodaani, anabona kwo yâli kizi nywisibwa, nga kwokulya kweꞌndalo ya Nahano. Yanâli riiri ngeꞌkihugo kyeꞌMiisiri, mu mbande za mu kaaya keꞌSowari. (Yibyo, bikakoleka ku kyanya Nahano atâli zaazi shereeza akaaya keꞌSoodoma naꞌkeꞌGomora.)

Ndondeko 3:23

Kwokwo, Rurema anayami yimula Hadamu mu ndalo yeꞌHedeni, gira akizi gendi lima idaho. Lyo na lyeryo, akabumbwa mwo.

Ndondeko 3:24

Ha nyuma, Rurema anabiika bamakerubi uluhande lweꞌsheere lweꞌndalo. Anabiika neꞌngooti íri mu kyemula nga mbigi zoꞌmuliro. Iyo ngooti, yâli kizi langa injira yoꞌkugenda iwa kirya kiti kyoꞌbulamu.

Ndondeko 4:16

Kahini anashaaga imbere lya Nahano, anagendi tuula mu kihugo kyeꞌNoodi, uluhande lweꞌsheere lweꞌHedeni.

2 Baami 19:12

«“Si bashokuluza baani bakaminika ibindi bihugo, ngeꞌGozani, neꞌHarani, neꞌResefu, naꞌbandu beꞌHedeni ábâli tuuziri i Telasaari. Ewe! Imizimu yabo, ka ikabakiza? Aahabi!

Hisaaya 51:3

Kwokwo, naꞌkaaya keꞌSayuni, kundu kakashaka, haliko Nahano agaki kaholeeza, mu kushubi kashakuulula. Kundu kakoli ba ngiꞌshamba, halikago, agaki kahindula, kabe nga ndalo yeꞌHedeni, irya ndalo ya Nahano. Abandu bagakizi kashambaalira mwo, iri banatanga kongwa, mu kuyimba inyimbo zoꞌbwivuge.

Hezekyeri 27:23

Abatuulaga beꞌHarani, naꞌbeꞌKane, naꞌbeꞌHedeni, naꞌbeꞌSheeba, naꞌbeꞌHashuuri, naꞌbeꞌKirimadi, mwâli kizi dandalizanwa

Hezekyeri 28:13

Wâli jeberiiri bweneene, nga bandu ábâli i Hedeni, mwiꞌrya ndalo ya Rurema. Wâli limbisiibwi na ngiisi mabuye geꞌkishingo, ngiꞌbuye lyeꞌsaridwane, na lyeꞌtopaazi, na lyeꞌdyama, na lyeꞌkirisolite, na lyeꞌyasipi, na lyeꞌhonikisi, na lyeꞌsafiiri, na lyeꞌharija, na lyeꞌsikaribukile. Ubungeni-ngeni bwawe bwâli tuzirwi mu nooro naaho-naaho. Yibyo byoshi, bikagirwa hiꞌgulu lyawe ku lulya lusiku lwo ukalemwa kwo.

Hezekyeri 31:16

«Yikyo kiti, ikyanya kikayibudika haashi, buu! Nanayami kilindimulira i kuzimu. Ikyanya kikalindimukiraga yo, izu lyakyo lyanayami teera ibinyamahanga ikyoba. Haliko, ibiti byoshi byeꞌHedeni kuguma na birya biti biija byeꞌLebanooni, kwo byâli kizi nywisibwa, byoshi byanaholobezibwa i kuzimu, imunda abafwiri batuuziri.

Hezekyeri 31:18

«Kwokwo, e Miisiri! Mu biti byoshi bya mu ndalo yeꞌHedeni, ndaakyo íkiri nga we, ku bukalage bwawe, na ku bulangashane bwawe. Kundu kwokwo, naawe ulyagagi nga yibyo biti. Mukuba, naawe ugagendi lambama mu bafwiri, balya ábatatwaziizi Rurema, banayitwe mwiꞌzibo. Bigaanaba kwokwo kiri neꞌmwa mwami weꞌMiisiri, naꞌbandu baage booshi. Kwokwo, kwo nie Rurema Nahamwinyu ndesiri.»

Yuheeri 2:3

Yikyo kiso, umuliro guli mu singoola imbere lyakyo, kiri neꞌnyuma lyakyo. Ngiisi ho guli mu lenga, hanasigale bwanuula. Yibyo bizimu, ikyanya bitâli zaazi lenga, ikihugo kyâli riiri kiija ngana ngeꞌndalo yeꞌHedeni. Haliko, iri bikaba keera byalenga, kyanasigala ngiꞌshamba lya tema-ndime. Emwe! Ndaahyo íhiri mu fuuka imbere lyabyo.