Ndondeko 15:6 - Kifuliiru

⁶ Birya byo Rurema akabwira Hiburamu, Hiburamu anabiyemeera, kyanatuma Nahano agamúharuura kwo akoli kwaniini imbere lyage.

Ndondeko 15:6 Iomraidhean Croise

Nehemiya 9:8

Wanabona kwo ali mundu mwemeera imbere lyawe. Ikyanya mukanywana ikihango, wanamúlagaania, kuguma naꞌbeꞌkibusi kyage, kwo ugabaheereza ikihugo kyeꞌKaanani, neꞌkyaꞌBahiti, neꞌkyaꞌBahamoori, neꞌkyaꞌBapereesi, neꞌkyaꞌBayebuusi, neꞌkyaꞌBagirigaashi. Yugwo muhango, keera wanagukwiza. Mukuba, uli mwemeera.

Zaburi 106:31

Kyanatuma uyo Finehaasi, ukushaagira ku yikyo kyanya, agakizi haruurwa kwo akwaniini imbere lya Nahano.

Barumi 4:11

Kwokwo, yukwo kutenguulwa kwa Hiburahimu, kyâli riiri kyereso naaho, kyoꞌkuyerekana ku kasiisa kwo âli mali kwanana imbere lya Rurema ku kyanya atâli zaazi tenguulwa, bwo âli kola noꞌbwemeere. Ku yukwo, Hiburahimu ye yishe wa booshi ábabiisiri Rurema kwoꞌbwemeere buzira kutenguulwa, halinde lyo nabo, balonga ukukwanana imbere lyage.

Barumi 4:9

Aahago! Yabo bahiirwa, ka bali mu ba mu batengwirwi naaho? Nanga! Bali mu ba kiri na mu batatengwirwi kwakundi. Mukuba, keera twadeta kwo Hiburahimu akaharuurwa kwo akoli kwaniini imbere lya Rurema hiꞌgulu lyoꞌkumúbiika kwoꞌbwemeere.

2 Bakorindo 5:19

Na bwo Rurema keera akayinywaniisa naꞌbandu ku njira ya Kirisito, atakiri mu baharuurira amahube gaabo. Kwokwo, nyiitu, keera akatuheereza umukolwa gwoꞌkuyereka abandu ngiisi kwo banganywana bo naye.

Baheburaniya 11:8

Hiburahimu naye, âli biisiri Rurema kwoꞌbwemeere, kyanatuma agamúsimbaha, mu kugenda ho atâli yiji. Mukuba, Rurema âli mali múhamagala, anamúbwira kwo agende mu kihugo kyeꞌmahanga, anamúlagaania kwo agamúheereza kyo, kibaagage kyeꞌmwage.

Yakobo 2:23

Bikakoleka, nga kwokulya byâli mali gwanwa byayandikwa mu Mandiko Meeru kwokuno: «Hiburahimu âli yemiiri Rurema, kyanatuma Rurema agamúharuura kwo akoli kwaniini imbere lyage.» Hiburahimu ye wanâli kizi detwa kwo ali mwira wa Rurema.