Ndondeko 13:10 - Kifuliiru

¹⁰ Luutu, analangiiza-langiiza yizo mbande zooshi. Neꞌri akalangiiza indekeera yoshi ya ku lwiji Yorodaani, anabona kwo yâli kizi nywisibwa, nga kwokulya kweꞌndalo ya Nahano. Yanâli riiri ngeꞌkihugo kyeꞌMiisiri, mu mbande za mu kaaya keꞌSowari. (Yibyo, bikakoleka ku kyanya Nahano atâli zaazi shereeza akaaya keꞌSoodoma naꞌkeꞌGomora.)

Ndondeko 13:10 Iomraidhean Croise

Ndondeko 11:27

Abandu ba mu mbaga ya Teera, umwazi gwabo gwoguno: Teera ye kabuta Hiburamu, na Nahoori, na Harani. Harani naye, anabuta Luutu.

Ndondeko 13:11

Kwokwo, Luutu anayitoolera indekeera yoshi ya ku lwiji Yorodaani, uluhande lweꞌsheere, hanaba ho agagendi shumbika. Ikyanya yabo bombi bakayihandulana kwo,

Ndondeko 13:9

Langiiza imbere lyawe, kweꞌkihugo kiyajabusiri. Aahago! Leka tuyihandulane kwo. Iri wangagenda ilumosho, niehe ngagenda ilulyo. Kandi iri wagenda ilulyo, niehe ngagenda ilumosho.»

Ndondeko 14:2

yabo baami kwo bali bana, bakagendi lwisa Beera mwami weꞌSoodoma, na Birisha mwami weꞌGomora, na Shinaabu mwami weꞌHadima, na Shemebeeri mwami weꞌSeboyimu, na mwami weꞌBeela (kuli kudeta: Sowari).

Ndondeko 14:8

Haaho, ulya mwami weꞌSoodoma, na weꞌGomora, na weꞌHadima, na weꞌSeboyimu, na weꞌBeela (kuli kudeta: Sowari), banayitundira mu ndekeera yeꞌSidimu,

Ndondeko 3:6

Uyo mukazi, anabona kweꞌbitumbwe bya kirya kiti bibuyahiri bweneene, anabona kwo byanganuna mu kanwa. Na kwakundi, byanganabaleetera ubumenyi. Nguye, ku yibyo bitumbwe, anadotola kiguma, anakilya kwo. Na bwo âli riiri na yiba, kyanatuma agamúfumbadika kyo, naye analya.

Ndondeko 47:6

Mu kino kihugo kyoshi kyeꞌMiisiri, we kola mutwali mwo. Aahago! Utoole ahandu hiija ho ugababiika. Wangabalekiiri kiri na haaho i Gosheni. Mu kati kaabo, iri wangabona mweꞌbikalage byaꞌbashosi, banabe bayiji umukolwa gwoꞌkuragira, ubabiike babe bimangizi beꞌbitugwa byani.»

Ndondeko 6:2

Yabo banyere, abaana ba Rurema banababona kwo banonosiri bweneene, banatoola mwo ngiisi bo basiimiri, banabayanga.

1 Baami 7:46

Yibyo birugu byoshi, mwami akabituliikiza mu ndekeera yeꞌYorodaani, mwiꞌbumba lya ha kati keꞌSukooti neꞌZaretani.

Hayubu 40:23

«Yulwo lwiji, kundu luli mu yijula, iyo nvubu itangayoboha. Itanali mu kangwa, kundu ulwiji Yorodaani lwangayijula bulembe-rembe.

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Hisaaya 15:5

Yabo Bamohabu, umutima gwani gukoli jengiirwi hiꞌgulu lyabo. Keera batibita halinde i Sowari, kiri neꞌHegulaati-Sherishiya. Banakola mu zamuukira i Luhiti, iri banalira. Bwo keera bakashereezibwa, bakola mu genda i Horonayimu bali mu lira.

Hisaaya 51:3

Kwokwo, naꞌkaaya keꞌSayuni, kundu kakashaka, haliko Nahano agaki kaholeeza, mu kushubi kashakuulula. Kundu kakoli ba ngiꞌshamba, halikago, agaki kahindula, kabe nga ndalo yeꞌHedeni, irya ndalo ya Nahano. Abandu bagakizi kashambaalira mwo, iri banatanga kongwa, mu kuyimba inyimbo zoꞌbwivuge.

Yeremiya 48:34

«Yabo Bamohabu, bakola mu bululuka mu twaya twabo, ukulyokera i Heshibooni, halinde i Heryari neꞌYahasa, noꞌkulyoka i Sowari halinde i Horonayimu, neꞌHegulaati-Sherishiya. Emwe! Kiri naꞌmiiji geꞌNimurimu, keera gakama.

Hezekyeri 16:46

«Mukulu winyu, iri i Samariya, uluhande lweꞌmbembe, kuguma noꞌtwaya twayo. Na mulumuna winyu, iri i Soodoma, uluhande lweꞌkisaka kuguma noꞌtwaya twayo.

Hezekyeri 16:49

Uyo Soodoma naꞌbanyere, ubuligo bwabo bwâli bwobu: ikyanya bâli kizi gashaanirwa ibyokulya, banatondeere ukuyikangaata, batanaki twaze ukukizi tabaala abakeni na ábatashobwiri.

Hezekyeri 28:13

Wâli jeberiiri bweneene, nga bandu ábâli i Hedeni, mwiꞌrya ndalo ya Rurema. Wâli limbisiibwi na ngiisi mabuye geꞌkishingo, ngiꞌbuye lyeꞌsaridwane, na lyeꞌtopaazi, na lyeꞌdyama, na lyeꞌkirisolite, na lyeꞌyasipi, na lyeꞌhonikisi, na lyeꞌsafiiri, na lyeꞌharija, na lyeꞌsikaribukile. Ubungeni-ngeni bwawe bwâli tuzirwi mu nooro naaho-naaho. Yibyo byoshi, bikagirwa hiꞌgulu lyawe ku lulya lusiku lwo ukalemwa kwo.

Hezekyeri 31:8

Kiri na mu biti byeꞌmyerezi ya mu ndalo ya Rurema, ndaakyo kindi íkyangakiyigera. Amatavi gaakyo, kiri naꞌmatavi geꞌbiti byeꞌshindano gatagashushiri. Kiri neꞌbiti íbiri mu detwa misunobari, bitâli hiiti mwene yago matavi. Ee! Mu ndalo ya Rurema, ndaakyo kiti, íkibuyahiri nga kyo.

Hezekyeri 31:9

Mukuba, nꞌgakibuyahiisa bweneene, mu kukiheereza amatavi mingi. Ibindi byoshi bya mu ndalo ya Rurema, byanakiyuvwirwa uluugi.”

Hezekyeri 47:18

«Ulubibi lweꞌsheere, lugatondeerera yaho ha kati keꞌDamasiki neꞌHahurani, lunagenderere halinde mu ndekeera yeꞌYorodaani, íri ha kati keꞌporoveesi yeꞌGiryadi neꞌkihugo kyeꞌHisiraheeri. Na kwakundi, lunalenge i Tamaari, iwa nyaaja yoꞌMuunyu. Kwokwo, kwoꞌlubibi lweꞌsheere luli.

Yuheeri 2:3

Yikyo kiso, umuliro guli mu singoola imbere lyakyo, kiri neꞌnyuma lyakyo. Ngiisi ho guli mu lenga, hanasigale bwanuula. Yibyo bizimu, ikyanya bitâli zaazi lenga, ikihugo kyâli riiri kiija ngana ngeꞌndalo yeꞌHedeni. Haliko, iri bikaba keera byalenga, kyanasigala ngiꞌshamba lya tema-ndime. Emwe! Ndaahyo íhiri mu fuuka imbere lyabyo.

Bukengeeze 34:3

Anashubi múyereka ikihugo kyeꞌNegebu, neꞌndekeera yeꞌYorodaani, neꞌndeegu yeꞌYeriko (akaaya keꞌbigazi), halinde i Sowari.