Ndondeko 10:9 - Kifuliiru

⁹ Kyâli kikalage kiri na mu kuhiiva. Kyo kitumiri biri mu detwa kwokuno: «Ukizi ba nga Nimuroodi. Mukuba, mu bashosi booshi, ye wâli kikalage mu kuhiiva imbere lya Nahano.»

Ndondeko 10:9 Iomraidhean Croise

Ndondeko 10:10

Mu kihugo kyeꞌShinaari, utwaya two akatee twala, tuli i Babeeri, neꞌHereki, neꞌHakaadi, neꞌKaline.

Ndondeko 10:8

Uyo Kuushi, ye kabuta na Nimuroodi. Uyo Nimuroodi, ye wâli kikalage bweneene mu ndwani za mu kihugo.

Ndondeko 13:13

Neꞌyo munda i Soodoma, abandu baayo bâli riiri banangora-mabi, banâli koli bihuusiri bweneene imbere lya Nahano.

Ndondeko 25:27

Yabo batabana bombi, banakula. Hesahu âli komiiri ukugenda mu kishuka, anayiji ba kikalage mu kuhiiva. Si Yakobo yehe, âli riiri mutuudu, anâli kombiiri imikolwa ya ha kaaya.

Ndondeko 27:30

Hisake, mbu ayuse ukugashaanira Yakobo, Yakobo anayami lyoka yaho ali. Lyeryo, Hesahu naye anaba keera alyoka iwa kuhiiva,

Ndondeko 6:11

Rurema anabona ngiisi kwaꞌbandu bakoli bihuusiri bweneene, na ngiisi kwo bakola mu yitana.

Ndondeko 6:4

Mu yizo siku, kiri na ha nyuma lyazo, hâli riiri ibihagange byaꞌbandu mu kihugo. Yibyo bihagange, yabo baana ba Rurema, bâli kizi bibuta ku yabo banyere baꞌbandu. Yaho keera, yibyo bihagange byo byâli riiri ndwani, byo byanâli lumbuusiri bweneene.

2 Kutondobola 28:22

Kundu mwami Ahaazi âli mali shundeera, si akakaviiriza ukugayiriza Nahano.

Zaburi 52:7

Ku kasiisa, Rurema agakunyanyaga haashi, utanâye yinamuke. Agakulyosa mu kaaya kaawe, anakulashe imbuga. Agakushikula mu bagumaana, unagendi beera mu bafwiri.

Hisaaya 18:2

Muli mu lungika indumwa mu lwiji Niire, mu bwato úbukalinganizibwa mu kaliri. E ndumwa, musuulage umulindi. Mugende mu bifigisi byaꞌbandu, balya boꞌmwego gukeruusiri. Birya bifigisi, abandu booshi bayamiri babiyobohiri, halinde mu mahanga gooshi. Biryagagi bilangi ngana, binali mu minika abagoma. Ikihugo kyabo, kiri mu golomba mweꞌnyiiji.

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Hezekyeri 13:18

kwo Rurema Nahamwitu adetaga kwokuno: “E bakazi! Ali yayewe imwinyu! Si muli mu lukira ibiheeko mu mugozi, munabiyambale ku maboko, munali mu hangira ibindi mu bihunika bya ngiisi kitirimo, lyo mulonga ukukizi kubika mwaꞌbandu. Aaho! Ka mutoniragi kwo mu kukizi kubika abandi, lyo mwehe mugayikiza? Aahabi!

Mika 7:2

Yabo booshi ábâli simbahiri Rurema, batakiri ho. Mu kihugo kyoshi, mutakiri mundu mwija. Si abandu booshi bakola mu yitana. Banagweti bagakizi tegana umubashu.