Ndondeko 1:14 - Kifuliiru

¹⁴ Rurema anashubi kyula: «Kwiꞌgulu, kukizi ba imirengeerwe, gira ikizi handula ubukiiri noꞌbushigi. Iyo mirengeerwe ikizi ba kalangikizo koꞌkuyerekana ibyanya byeꞌsiku ngulu, na byeꞌmirege-rege, na byeꞌmyaka.

Ndondeko 1:14 Iomraidhean Croise

Ndondeko 1:13

Akabigingwe kanalenga, bwanakya shesheezi. Lwo lukaba lusiku lwa kashatu.

Ndondeko 1:15

Iyo mirengeerwe íri kwiꞌgulu, ikizi tanguulira ikihugo.» Kwanaba kwo bigaaba.

Ndondeko 8:22

Ku kyanya kyoshi ikihugo kigaaba kikiri ho, hagayama hali ikyanya kyoꞌkubyala, na kyoꞌkuyimbula. Hanabe neꞌkyanya kyeꞌmbeho, na kiꞌduutu. Hanabe neꞌkyanya kyeꞌkikamo, na kyeꞌmbondo. Hanabe neꞌkyanya kyoꞌbushigi, na kiꞌzuuba.»

Ndondeko 9:13

Ngola ngabiika umukuruzi mu bibungu. Yugwo mukuruzi, ko kagaaba kalangikizo keꞌkihango kyo ngaagira neꞌkihugo.

Hayubu 25:3

Aaho! Nyandi úwangaharuura abasirikaani baage? Si umulengeerwe gwage, guli mu moleka hooshi mu kihugo!

Hayubu 25:5

Rurema ali noꞌbulangashane ukuhima umwezi. Analangashiini bweneene ukuhima indonde.

Hayubu 3:9

Yulwo lusiku, indonde zoꞌmukyo, zibeerage mu kihulu. Kundu lwangayifwija ukubona ulukeera, haliko lubulikage. Lutabonage ngiisi kwo lukula agaatema.

Zaburi 119:91

Yizo maaja zaawe nazo, ziyamiri ziri ho, halinde zeene. Ibindu byoshi bikiri ho, hiꞌgulu lyoꞌkukukolera.

Zaburi 148:3

Izuuba noꞌmwezi, niinyu mukizi múhuuza. Kiri neꞌndonde, kwo ziyasiri, nazo zikizi múhuuza.

Zaburi 148:6

Ngiisi kiguma kyabyo, akakibiika ho kigabeera imyaka neꞌmyakuula. Kwokwo kwo akakyula, bitanâye here.

Zaburi 150:1

Tukizi huuza Nahano! Mukizi huugiza Rurema mu nyumba yage ndaluule. Mukizi múhuuza na mwiꞌgulu, kwo liri mwoꞌbushobozi bwage.

Zaburi 81:3

Aaho! Mutondeerage ukuyimba. Mukizi lasa ingoma, munakizi longeeza inzeeze neꞌbinubi.

Hisaaya 40:26

Muyinamulage amasu, gira mulangiize mwiꞌgulu! Aaho! Yizo ndonde zooshi, nyandi úkazibumba? Si Rurema ye mu yerekana ngiisi nguma yazo, anakizi gibuuza kwiꞌziina lyayo. Na bwo ye mwene ubushobozi bwaꞌkahebuuza, ndaayo íri mu teereka, kiri neꞌnguma.

Yeremiya 10:2

«Mutakizi hetwa neꞌbinyamahanga. Ikyanya mugaabona íbiri kwiꞌgulu, bitakizi mùkanga. Si muleke ibinyamahanga, babe bo gakizi kanguka hiꞌgulu lyabyo.

Yeremiya 31:35

Rurema, iziina lyage ye Nahano woꞌbushobozi bwoshi! Ye mu yasa izuuba ku bukiiri. Ye nali mu yasa umwezi neꞌndonde bushigi. Ali mu kizi yehuula imidunda, inakizi yipukula ku ngombe yeꞌnyaaja.

Yeremiya 33:20

kwo adetage kwokuno: «Keera nꞌganywana ikihango noꞌbukiiri, noꞌbushigi, kwo bikizi yija ku kyanya kyabyo. Yikyo kihango, kitanâye hongolwe.

Yeremiya 33:25

«Kundu kwokwo, Nahano adetaga kwokuno: “Keera nꞌganywana ikihango noꞌbukiiri noꞌbushigi! Keera nꞌgategeka imaaja ízigakizi twala igulu neꞌkihugo.

Hezekyeri 46:1

Rurema Nahamwitu adetaga kwokuno: «Mu siku zooshi zoꞌmukolwa, kwo ziri ndatu, umulyango gwoꞌbululi bweꞌkati gugakizi yama guli muyigale. Si gugakizi yigulwa naaho ku lusiku lweꞌSabaato na ku lweꞌmbaluko yoꞌmwezi.

Hezekyeri 46:6

Ku lusiku lukulu lweꞌmbaluko yoꞌmwezi, agakizi tanga ishuuli yeꞌnjuuke, neꞌbyanabuzi birindatu, neꞌkipanga kiguma, byoshi bizira kashembo.

Yuheeri 2:10

Ikyanya biri mu yegeera, idaho liri mu yami jugumba, di-di-di! Kiri niꞌgulu, liri mu lenga mweꞌkinyukura. Izuuba noꞌmwezi, binazinge ikihulu, Kiri neꞌndonde, zinayami zima.

Hamoosi 5:8

Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!

Hamoosi 8:9

Rurema Nahamwitu adetaga kwokuno: «Yulwo lusiku, ngasoosagya izuuba, kanakiri kalenge-renge. Haaho mu kalenge-renge, ikihulu kinayidike mu kihugo.

Mataayo 2:2

Yabo bahinga, banayiji buuza: «Umwana úkabutwa kwo agaaba mwami waꞌBayahudi, alyagagi hayi? Si keera tukabona ngiisi kweꞌndonde yage ikatunduuka uluhande lweꞌsheere. Na buno twayija, gira tuyiji múyikumba.»

Mataayo 24:29

«Yizo siku za kahenabwera, mango zamala, izuuba ligayami yidika mweꞌkihulu, noꞌmwezi gutagaki tanguula. Kiri neꞌndonde zigakizi tibuka! Ee! Íbiri kwiꞌgulu byoshi bigajugumbana.

Mariko 13:24

«Mu yizo siku, ha nyuma lyeꞌkyanya kyaꞌkahenabwera, izuuba ligayami yidika mweꞌkihulu. Noꞌmwezi gutagaki tanguula.

Bukengeeze 4:19

Ikyanya mugakizi lola hiꞌgulu, munabone izuuba, noꞌmwezi, neꞌndonde, neꞌbindi biremwa bya kwiꞌgulu, mutakolwe mbu mukizi biyikumba, kandi iri kukizi bifukamira. Yibyo byoshi, Nahano, Rurema winyu akalekera igindi milala, mbu ibe yo igakizi biyikumba.

Bwigule 6:12

Ha nyuma, Ikyanabuzi kyananunguula inungu ya kalindatu. Lyeryo mu kihugo, mwanalenga sizigirye woꞌmusisi. Izuuba lyanayulubala, lyanashushaga nga busuuzu úbukalukwa mu bwoya bwoꞌmukara. Noꞌmwezi gwanadukula nga muko.

Bwigule 8:12

Umuganda wa kana naye, anadihiriza ikyeꞌmwage. Lyeryo ikihande kiguma kya kashatu kiꞌzuuba kyanatutumbwa, halinde ikihande kiguma kya kashatu kyoꞌmulege-rege kyanaba kihulu. Ikihande kiguma kya kashatu kyoꞌmwezi na kyeꞌndonde nabyo byanatutumbwa! Halinde ikihande kiguma kya kashatu kyoꞌbushigi kyanabula umulengeerwe gwakyo.

Bwigule 9:2

Iri ikakifuunulaga, mwanayami tutumuka ikyusi kingi bweneene, nga kya kiberekaana kyoꞌmuliro. Kirya kyusi, kyanazinga mu kyanyaanya, halinde izuuba neꞌkyanyaanya, byanayidika kweꞌkihulu.