Mikolezi 7:45 - Kifuliiru

⁴⁵ «Lyanasigirwa bashokuluza biitu ábâli riiri kuguma na Yoshwa, ikirongoozi kyabo. Nabo, banaliyingirana mu kihugo kyo bakanyaga abandu beꞌgindi milala. (Mukuba, Rurema yenyene akabayimulira bo.) Lyanabeera mwomwo mu kihugo kyabo, halinde ukuhisa ku kyanya kya Dahudi.

Mikolezi 7:45 Iomraidhean Croise

1 Baami 8:4

Yabo bagingi naꞌBalaawi banakabungiisa kuguma niꞌheema lyeꞌmihumaanano, kiri neꞌbirugu byoshi bitaluule.

1 Kutondobola 16:39

Mwami Dahudi anabiika umugingi Saadoki naꞌbaabo bagingi, gira bakizi kola imbere liꞌheema lya Nahano iyo munda Gibyoni.

1 Kutondobola 21:29

Ku yikyo kyanya, lirya iheema lyeꞌmihumaanano lyo Musa akalingaaniza Nahano mwiꞌshamba, kiri na kalya katanda kaꞌmatuulo goꞌkusiriiza, byâli ki riiri ahandu hoꞌkuyikumbira i Gibyoni.

1 Kutondobola 7:27

Herishama naye, anabuta Nuuni. Nuuni naye, anabuta Yoshwa.

Nehemiya 9:24

Bagala baabo banakiyingira mwo, banakihyana. Ikyanya bakagwana mwaꞌBakaanani, wanabahimira bo. Yabo bandu, kuguma naꞌbaami baabo, wanababiika mu maboko gaabo. Banakizi bayogogoza, nga ngiisi kwo baloziizi.

Zaburi 44:2

E Rurema, bashokuluza biitu bakatuganuulira ngiisi kwo wâli kizi bagirira ku kyanya kyabo. Yago magambo gooshi, keera tukagayiyuvwirwa.

Zaburi 78:55

Anayimula abandu beꞌgindi milala imbere lyabo. Yikyo kihugo, anakiheereza Abahisiraheeri, bube buhyane bwabo, anabiika ngiisi mulala gwabo mu kaaya keꞌmwabo.

Zaburi 80:8

E Rurema woꞌbushobozi bwoshi, utugalulire imwawe. Utuyerekage ubwija bwawe, halinde lyo tukizibwa.

Mikolezi 13:19

Neꞌri akaba keera ashereeza imilala irinda mu kihugo kyeꞌKaanani, anabaheereza kyo, kibe kihugo kyabo.

Bukengeeze 32:49

«Ugendi shona ku mugazi Habariimu, mu kihugo kyeꞌMohabu. Guli i kajabo kaꞌkaaya keꞌYeriko. Ushone kwiꞌrango lyoꞌmugazi Nebo, unalangiize ikihugo kyeꞌKaanani. Mukuba, yikyo kihugo, kyo ngaheereza Abahisiraheeri, bukizi ba ubuhyane bwabo.

Baheburaniya 4:8

Bashokuluza biitu ba keera, Yoshwa atakabayingiza mu buluhuukiro. Ákibayingize mwo, nga Rurema atakaki detaga hiꞌgulu lyoꞌlundi lusiku lwoꞌkuluhuuka.

Yoshwa 18:1

Ikyanya Abahisiraheeri bakaba keera bagwata ikihugo kyoshi, booshi banakuumana i Shiilo, banashinga yiꞌheema lyeꞌmihumaanano.

Yoshwa 23:9

«Yibyo binyamahanga, kundu bashuba bakulu, banashuba noꞌbushobozi bwingi bweneene, haliko Nahano keera akamùyimulira bo. Halinde zeene, ndaaye kiri noꞌmuguma úshobwiri ukuhagana na niinyu.

Yoshwa 24:18

Nahano, ye kanatuyimulira abandu baꞌmahanga gooshi. Kiri naꞌBahamoori, ye katuyimulira bo. Ku yukwo, nyiitu tugakizi kolera Nahano. Bwo nyiitu, ye Rurema witu.»

Batwi beꞌmaaja 18:31

Yabo beene Daani, banagenderera ukuyikumba yugwo mugisi gwo Mika akatula, ku kyanya kyoshi iheema lyeꞌmihumaanano lya Rurema lyâli riiri i Shiilo.

1 Samweri 4:4

Kwokwo, banatuma abashosi baguma i Shiilo, gira bagendi leeta Akajumba keꞌKihango kya Nahano woꞌbushobozi bwoshi. Kalya Kajumba, kâli riiri kwo bamakerubi. Na Nahano yenyene âli kizi beera ha kati kaabo. Yako Kajumba, kakayija kakulikiirwi na bagala Heri bombi, Hofini na Finehaasi.