Mikolezi 7:2 - Kifuliiru

² Setefaano, anashuvya: «E beene witu na badaata! Munyuvwirize! Rurema woꞌbulangashane, akahulukira ku shokuluza witu wa Hiburahimu mu poroveesi yeꞌMezopotamiya, ku kyanya atâli zaazi bungira i Harani.

Mikolezi 7:2 Iomraidhean Croise

Ndondeko 11:31

Teera anayabiira mugala wage wa Hiburamu, na mwali-kazi wage wa Sarayi, muka Hiburamu, na mwijukulu wage wa Luutu mugala Harani. Kwo bali booshi, banalyoka i Huuri, mu kihugo kyaꞌBakalidaayo, banashokola injira, halinde mu kihugo kyeꞌKaanani. Haliko, iri bakahika mu poroveesi yeꞌHarani, banatee beera mwo.

Ndondeko 12:1

Nahano anabwira Hiburamu kwokuno: «Ushaagage mu kino kihugo kyawe. Usige mwaꞌbandu bo muyimbanwa umulala, naꞌba mu mbaga ya yisho, unagende mu kihugo kyo ngakuyereka.

Ndondeko 12:5

Kwokwo, Hiburamu anayabiira mukaage Sarayi, na Luutu mugala wa mwene wabo Harani. Anayabiira naꞌbaja baage bo akagula iyo munda i Harani, neꞌbindu byoshi byo akalonga yo. Yibyo byoshi, anabigendana mu kihugo kyeꞌKaanani. Iri Hiburamu neꞌyo mbaga yage bakahika i Kaanani,

Ndondeko 15:7

Rurema anashubi múbwira: «Niehe, nie Nahano. Nie kakulyosa i Huuri, mu kihugo kyaꞌBakalidaayo, gira nguheereze kino kihugo, bube buhyane bwawe.»

Ndondeko 29:4

Yabo bangere, Yakobo anababuuza: «E beene witu, hayi mwalyoka?» Nabo, ti: «Twalyoka i Harani.»

Nehemiya 9:7

E Nahano Rurema, we katoola Hiburamu. Ukamúshaaza i Huuri, mu kihugo kyeꞌBukalidaayo, wanamúyinika iziina lya Hiburahimu.

Zaburi 24:10

Uyo mwami woꞌbulangashane, ali nyandagi? Ali Nahano woꞌbushobozi bwoshi. Yoyo, ye mwami woꞌbulangashane.

Zaburi 24:7

E nyiivi zaꞌkaaya, mwe muyamiri ho, muyiguke. Muyigukage, gira mwami woꞌbulangashane ayingire.

Zaburi 29:3

Izu lya Nahano Rurema, liri mu yuvwikana ku miiji. Na bwo ali mwoꞌbulangashane, ali mu kizi kungula. Ee! Ali mu kizi kungula hiꞌgulu lyeꞌnyaaja.

Hisaaya 37:12

Si bashokuluza baani bakaminika ibindi bihugo, ngeꞌGozani, neꞌHarani, neꞌResefu, naꞌbandu beꞌHedeni ábâli tuuziri i Telasaari. Ewe! Imizimu yabo, ka ikabakiza? Aahabi!

Hisaaya 6:3

Yibyo biremwa, byâli kizi koobezania kwokuno: «Nahano woꞌbushobozi bwoshi ali mweru bweneene! Ee! Ali mweru! Ali mweru! Ikihugo kyoshi kiyijwiri mwoꞌbulangashane bwage.»

Mataayo 6:13

Utanakizi leka mbu tugezibwe, haliko, ukizi tukiza mu byoꞌlya Mubi. [Mukuba, we mwene ubwami, noꞌbukalage, noꞌbulangashane, halinde imyaka neꞌmyakuula! Bikizi ba kwokwo!]”»

Luka 2:14

«Rurema úli mwiꞌgulu akizi huuzibwa! Kiri na mu kihugo, umutuula gukizi ba mwo, imwaꞌbandu bo asiimiri!»

Yohana 1:14

Ulya Igambo, akayiji ba mundu, anayiji tuula mu kati kiitu. Twanabona ubulangashane bwage. Mukuba, âli kininga kya Yishe, anâli yijwiri mwoꞌbugashaane, noꞌkuli.

Yohana 12:41

Na íbikatuma Hisaaya agaadeta kwokwo, bwo âli mali gwanwa abona ubulangashane bwa Yesu, anadeta hiꞌgulu lyage.

Mikolezi 22:1

«E beene witu, na badaata! Munyuvwirize! Ngola ngayidetera imbere liinyu.»

Mikolezi 23:7

Pahulu mbu adetage kwokwo, hanayami ba imbamba mu Bafarisaayo naꞌBasadukaayo. Kyanatuma bagagabulikana mwo kubiri.

Mikolezi 7:1

Uyo mukulu waꞌbagingi, anabuuza Setefaano: «Ewe! Yibi byoshi byo bakulega kwo, ka kwokwo kwo biri?»

1 Bakorindo 2:8

Yubwo bulangashane, mu batwaziri ikihugo, ndaaye kiri noꞌmuguma wabo úkabusobanukirwa. Báki busobanukirwe, nga batakayitira Nahano woꞌbulangashane ku kibambo.

Bahefeso 1:17

Ndi mu mùhuunira imwa Rurema wa Nahamwitu Yesu Kirisito, anali Daata woꞌbulangashane, kwo akizi mùbiika mwoꞌMutima gwoꞌbwitegeereze, halinde munabe mukoli sobanukiirwi, munalongage ukumenya Rurema nga ngiisi kwo ali.

Tiito 2:13

Tunalangaliiri kwo Yesu Kirisito agagaluka mu kati koꞌbulangashane bwingi. Ee! Ye Lukiza witu, anali ye Rurema witu mukulu!

Baheburaniya 1:3

Na bwoꞌyo Mwana aki gweti agaadeta ku bukalage, kyo kitumiri ibindu byoshi bikiri ho. Uyo Mwana, alyagagi mwoꞌbulangashane bwa Yishe, anamúshushiri ku byoshi. Uyo Mwana, ikyanya akaba keera ayeruusa abandu mu byaha byabo, anagendi bwatala mwiꞌgulu, uluhande lweꞌlulyo lwa Yishe. Noꞌyo Yishe, ye riiri noꞌbushobozi bwoshi.

Baheburaniya 11:8

Hiburahimu naye, âli biisiri Rurema kwoꞌbwemeere, kyanatuma agamúsimbaha, mu kugenda ho atâli yiji. Mukuba, Rurema âli mali múhamagala, anamúbwira kwo agende mu kihugo kyeꞌmahanga, anamúlagaania kwo agamúheereza kyo, kibaagage kyeꞌmwage.

Yakobo 2:1

E beene witu! Bwo mukoli yemiiri Nahamwitu Yesu Kirisito woꞌbulangashane, hataki gire ndoola yo mugakizi gira mu bandu!

Yoshwa 24:2

Uyo Yoshwa anababwira: «Nahano Rurema waꞌBahisiraheeri, agweti agaadeta kwokuno: “Ukulyokera yaho keera, bashokuluza biinyu bâli tuuziri ku ngombe yoꞌlwiji Hefuraati. Neꞌyo munda, bâli kizi kolera imigisi. Mu kati kaabo, mwâli riiri Teera, yishe wa Hiburahimu na Nahoori.

Bwigule 4:11

«E Rurema, Nahamwitu, we kwaniini ukuhaabwa ubulangashane, noꞌlushaagwa, noꞌbushobozi. Mukuba, byoshi íbiri ho, we kalooza kwo bibaagage ho, we kanabibumba.»