Mikolezi 5:39 - Kifuliiru

³⁹ Haliko, iri byangaba bilyosiri imwa Rurema, mutagaahasha ukubahangirira. Munayiji kengeera mukola mu hagana na Rurema yenyene!»

Mikolezi 5:39 Iomraidhean Croise

Ndondeko 24:50

Labaani, bo na Betweri banadeta: «Lino igambo, keera twabona kwo lyashaaga imwa Nahano yenyene. Ndaalyo lindi twangaki deta.

2 Samweri 5:2

Yaho keera, kundu Sahuli âli mwami witu, si we wâli kizi turongoora mwiꞌzibo. Kiri na Rurema Nahamwinyu, keera akakubwira: “We gaaba mungere waꞌbandu baani Abahisiraheeri. We gaaba mwimangizi wabo”»

1 Baami 12:24

kwo nie Nahano nadeta kwokuno: “Mutakolwe kwo mwagendi lwisa beene winyu, Abahisiraheeri. Si ngiisi muguma winyu ataahe. Ngiisi íbyakoleka, nie mbishungisiri.”» Ikyanya Nahano akadeta kwokwo, yabo booshi banamúsimbaha, banataaha.

2 Baami 19:22

E Senakeribu, nyandi ye ugweti ugagayiriza? Nyandi ye ugweti ugatuka? Keera wateerera umulaga hiꞌgulu lya nyandi? Ugweti ugahenekera nyandi ku bwikangaate? Si ali Rurema, Umutaluule waꞌBahisiraheeri!

Hayubu 34:29

Nga Rurema angayihulikira, nyandi úwangamúshumuza? Nga angabisha amalanga gaage, nyandi úwangaki múbona? Kundu kwokwo, ali mu kizi langa ikihugo, kiri naꞌbandu kwakundi.

Migani 21:30

Buba bwitegeereze, kandi iri kusobanukirwa, kandi iri shungi, byoshi, ndaabyo íbyangahimana na Nahano.

Hisaaya 43:13

«Niehe nyamiri ndi ho, ukulyokera ku ndondeko. Ikyanya ndi mu ba ngweti ngaakola, ndaaye úwangambangirira. Ndaanaye úwanganyugutula umundu mu maboko gaani.»

Hisaaya 45:9

Yayewe imwa ngiisi ábagweti bagahagana noꞌMulemi wabo. E balya! Si tuli nga kirugu kiꞌbumba! Aaho! Kiꞌbumba lyangabuuzagya umubuuvi: «Bikagi ugweti ugaagira? Si ndaabyo wahanya!»

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Mataayo 16:18

Nakubwiraga kwo we Peturu. Na ku yiri ibuye, kwo ngayubakira ishengero lyani! Na lirya ishengero, Narufu atanâye lisinde!

Luka 21:15

Nienyene, ngamùheereza ubwitegeereze, kiri naꞌmagambo go mugaadeta. Kwokwo, lyaꞌbagoma biinyu batalonge ukumùyagiisa, kandi iri ukumùshona kwo.

Mikolezi 11:17

«E balya, yikyo kigabi kyo Rurema akatuheereza ku kyanya tukayemeera Nahamwitu Yesu Kirisito, kyo na kyekyo nabo keera abaheereza. Aahago! Niehe, nâli riiri nga nyandi, halinde nangahagiini na Rurema?»

Mikolezi 23:9

Mu yabo bakulu, mwanaba ulujongo bweneene! Abigiriza baguma beꞌmaaja ba mu Bafarisaayo, banayimuka, banayikuutuza mu kudeta: «Uyu mundu, ndaabwo buligo bwo twamúbona kwo! Ngaba kisigo, kandi iri muganda, byo byamúdesa!»

Mikolezi 6:10

haliko anakizi bayumuusa, anakizi deta ku bwitegeereze na ku bushobozi bwoꞌMutima Mweru.

Mikolezi 7:51

Setefaano anagenderera noꞌkudeta: «Si muli mindagabika! Imitima yinyu, kiri naꞌmatwiri giinyu, biri nga bya kipagaani. Muyamiri muli mu gahaasa-haasa ku byoꞌMutima Mweru, nga kwo bashokuluza biinyu nabo bâli kizi gira!

Mikolezi 9:5

Sahuli, ti: «E Nahano, we nyandi?» Anamúshuvya: «Nie Yesu, nie ugweti ugalibuza.

1 Bakorindo 1:25

Ngiisi byaꞌbandu bali mu bona kwo bwoꞌbuhwija bwa Rurema, byebyo, byo biri mwoꞌbwitegeereze ukuhima ubweꞌmwabo. Na ngiisi byo bali mu bona kwo bwo bukaholwe bwa Rurema, byebyo byo biri mwoꞌbushobozi ukuhima ubweꞌmwabo.

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?