Mika 7:3 - Kifuliiru

³ Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Mika 7:3 Iomraidhean Croise

Migani 16:30

Ngiisi úli mu lolana niꞌsu libi, ali mu ba keera ashungika igambo libi. Ngiisi úli mu kaaja imihondo, naye ali mu ba ashungisiri ukugira amabi.

Migani 17:23

Nangora-mabi ali mu yakiira ikitulire, gira agendi shobeka íbikwaniini.

Hisaaya 1:23

Abatwali baawe, si keera bahuna imbere lyani, banakola biira baꞌbazimba! Bakoli gweti bagayakiira imbuli, mbu bagire íbitali nga byo, banali mu tulirwa. Batakiri mu bulanira ifuuvi, batanakiri mu hahala banamufwiri.

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.

Hisaaya 32:7

Balya banangora-mabi bagweti bagateberezania. Kundu abakeni bangaba bo bakwiriiri ukulonga ukuli kwabo, yabo babi boohe, bali mu babangaaniza, lyo babanyage ibindu byabo.

Hisaaya 5:23

Si abanamahube bali mu kizi balekeerera, gira lyo balonga ikitulire. Kiri na ábakwaniini, bakola mu bayima ukuli kwabo.

Yeremiya 3:5

Aaho! Ka ugakizi turakarira halinde imyaka neꞌmyakuula?” E Bayuda, kundu muli mu deta kwokwo, si mugenderiiri naaho noꞌkukizi yifunda mu mabi, nga ngiisi kwo muloziizi.»

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Yeremiya 8:10

«Balya bandu, booshi bagweti bagakubirira ibindu, baba bato, kandi iri bakulu. Ngiisi muguma wabo agweti agayihahalira yenyene. Kiri naꞌbaleevi, naꞌbagingi, ubulyalya bubayisiri. Ku yukwo, bakaabo, ngabaheereza abandi bashosi. Kiri neꞌndalo zaabo, ngaziheereza abandi.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Hezekyeri 22:27

Balya batwali baabo, balyagagi nga mirunga íri mu janganula-janganula inyamiishwa. Bagweti bagakizi yitiisa abaabo, lyo balonga ukugala.

Hezekyeri 22:6

«E Yerusaleemu, abatwali booshi baꞌBahisiraheeri, bagweti bagakizi yitana.

Hezekyeri 34:21

Yibyo bibuzi íbijambiri, si mwe bishishiri mugweti mugabitumikirira mu mbavu na ku bitugo! Munagweti mugabitumita naꞌmahembe, binashabukire mu mbinga.

Hezekyeri 9:9

Naye, ti: «Amabi gaꞌBahisiraheeri naꞌBayuda, gakoli luguusiri bweneene! Hooshi mu kihugo, abandu bakola mu yitana. Na mu Yerusaleemu, abandu batakiri mu kulikira íbikwaniini. Si bakola mu deta, ti: “Nahano keera akatulekeerera. Aaho! Ataki tubwini.”

Hosheya 4:18

Yabo beene Hifurahimu, ikyanya bali mu ba keera bayusa ukunywa amaavu gaabo, banayami gendi yifunda mu bushule. Emwe! Basiimiri íbyangabateeza ishoni naaho.

Hosheya 7:3

«Abandu bagweti bagaagira amabi, gira lyo basimiisa mwami. Ikyanya bagweti bagabeesha, lyaꞌbakulu bali mu sheka.

Hamoosi 5:12

Ngoli yijagi inooka ngiisi kwo mugweti mugahuba. Nyiji na ngiisi kweꞌbyaha biinyu keera byaluguuka bweneene. Abandu, kundu bangabiiri balyagagi bazira buhube, mugweti mugabalibuza mu kubahuuna ikitulire. Neꞌkyanya abakeni bali mu looza ukuli imbere lyaꞌbatwi beꞌmaaja, muli mu kizi bahangirira.

Mika 2:8

Haliko Rurema adeta kwokuno: «Si mwehe, muki gweti mugalwisa abandu baani nga bagoma. Ikyanya abandu bali mu lenga mu mutuula, munayami bashulumula ibyambalwa byabo. Banakola nga bandu ábali mu shaaga mwiꞌzibo.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Mika 3:2

Kundu kwokwo, si mwe mushombiragi amiija, munakuuziri amabi. Mwe munagweti mugakizi shaaza uluhu ku bandu baani, munagweti mugalyosa neꞌminyofu ku mavuha gaabo, banakiri ho!

Mataayo 26:15

anababuuza: «Ulya Yesu, biki byo mwangambeereza, halinde nimútange imwinyu?» Banayami múheereza ibingorongoro makumi gashatu.

1 Bakorindo 4:5

Ku yukwo, mutalunguli twa ulubaaja lwoꞌmundu yeshi. Si mukizi lindira, halinde ku lusiku lwo Nahano agayija kwo. Mukuba, ngiisi íbiki bishirwi mu kihulu, agabitanguulira. Anabishuule na ngiisi byaꞌbandu bashungisiri mu mitima yabo. Ku lwolwo lusiku, iri abandu bangaba bakwaniini ukuhuuzibwa, lyo Rurema agabahuuza.