Kimombo 1:16 - Kifuliiru

¹⁶ Bwo keera nꞌgalonga yago malibu gooshi, ngweti ngaliruuka. Imigenge ikola mu mbunguluka mwo. Ndaaye úwangamboleeza, ndaanaye úwangambeereza ikise. Bwaꞌbagoma bakoli tuhimiri, abaana baani bataki hiiti umulangaaliro.»

Kimombo 1:16 Iomraidhean Croise

Zaburi 106:42

Byanakizi bavindagaza, iri binakizi balibuza ku kahaati.

Zaburi 119:136

Si abandu batali mu simbaha imaaja zaawe! Kyo kitumiri imigenge igweti iganvukumuka mu masu nga migezi.

Zaburi 69:20

Abagoma baani, wenyene uyiji ngiisi kwo bali mu ndeta, na ngiisi kwo ndi mu teezibwa ishoni. Bagweti baganyamiriza, iri banandyoza,

Mwigiriza 4:1

Ha nyuma, nanabona ngiisi kwaꞌbakeni bagweti bagalibuzibwa mu kihugo. Nanabona kweꞌkyanya bagweti bagaalira, ndaaye mundu woꞌkubaholeeza. Si ábagweti bagabalibuza, bo bakoli hiiti ubushobozi bweneene. Ee! Byebyo byo bitumiri yabo bakeni babuziri woꞌkubaholeeza.

Hisaaya 54:11

«E Yerusaleemu, uli muhanya ngana. Yoho wee! Ukola mu yehuulwa-yehuulwa neꞌkihuhuuta, ndaanaye mundu úkakuholeeza. Kundu kwokwo, ngola ngakuyubakulula naꞌmabuye geꞌkishingo bweneene. Indaliro zaawe zigayubakwa naꞌmabuye miija geꞌsafiiri.

Yeremiya 13:17

Keera namùkengula. Haliko, iri mutangandwaza, munabe mukiri noꞌbwikangaate, iri ngakizi kungumira i mutima mu kumùlirira. Ikyanya mugatwalwa imbohe, mwe bandu ba Nahano, ngaliruuka ngana, imigenge yani inakereke.

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

Yeremiya 15:5

Nahano anashubi detaga kwokuno: «E batuulaga beꞌYerusaleemu, nyandi úgaki mùhahalira? Na nyandi úgamùtaaniza, mu kuyiji buuza imyazi yinyu?

Yeremiya 8:18

E Rurema, umutima gwani gukola mu siriira noꞌmwizingeerwe, ndaanaye woꞌkugungania.

Yeremiya 9:1

«Yaba bandu baani, balyagagi bahuni, banali bashule. Aahago! Nangaloziizi ukubajanda, na nyigendere, ngendi tuula haꞌbageezi bali mu shumbika mwiꞌshamba.

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Yeremiya 9:21

«E Yeremiya, ubwire abandu kwo Nahano adetaga kwokuno: “Ibirunda byaꞌbandu, bikoli lambamiri bwalaafwe. Biryagagi nga nagiira íyafukwa mu ndalo. Binakoli lambamiri nga mihuli yeꞌngano, ndaanaye mundu woꞌkugikuumania.”»

Kimombo 1:2

Emwe! Yerusaleemu ali mu laala ubushigi bwoshi, agweti agabululuka, halinde amatama gaage gakola mu hinga kweꞌmigenge. Mu bakundwa baage, ndaaye úwangamúholeeza. Kiri naꞌbiira baage booshi, bakoli múheziizi ingoto, banakoli ba bagoma baage.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Kimombo 2:11

Keera nabululuka bweneene, halinde amasu gaani ganayami konoka. Umutima gwani gutakiri mu yika mu nda. Ikyanya nabona ngiisi kwaꞌbandu baani bagweti bagaminikwa, emwe! Nanayabirwa ukuyihangirira. Si kiri noꞌtuboojo, tukola mu fwira mu njira!

Kimombo 2:18

Abandu beꞌSayuni banatabaaza Nahano! E luzitiro lweꞌSayuni! Leka imigenge ikizi kuhunguluka mwo nga lwiji. Ugire ukizi lira imbere lya Nahano ubushigi niꞌzuuba! Utakizi yoherera, si ukizi bululuka ngana-ngana!

Hosheya 9:12

Na kundu bangabiiri naꞌbaana, si yabo baana, booshi bagaafwa. Ikyanya ngabasigaga boonyene, agaaba yayewe imwabo!