Kimombo 1:11 - Kifuliiru

¹¹ Abandu beꞌYerusaleemu, booshi bakola mu genda bagalooza byo bagaalya, iri banagongeera. Keera bakanatanga ibindu byabo byeꞌkishingo, mbu lyo babilonge, halinde bahembuluke. Banakola mu banda akashiba, ti: «E Nahano, utulolage kwo we kongwa! Si tukola mu negurwa bweneene!»

Kimombo 1:11 Iomraidhean Croise

2 Baami 6:25

Mu yako kaaya, umwena gwanagunuuza mwo, halinde itwe lya punda, lyanagulwa ku bingorongoro makumi galimunaana byeꞌharija. Neꞌgarama igana zaꞌmazongoroko geꞌngunde, zikagulwa ku bingorongoro bitaanu byeꞌharija.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Zaburi 79:4

Buno, yibyo binyamahanga, bikiri mu tuhonyoleza, wa honyo. Bikiri mu tuhonyoleza, iri binatushekeereza.

Yeremiya 15:19

Nahano naye, ti: «Iri wangangalukira, lyo ngashubi kugalulira mu mukolwa gwawe. Neꞌri wangaleka amadambwi-dambwi, unakizi deta íbitungiini, lyo ugagaluka, unashubi ba muleevi wani. Kwokwo, lyaꞌBayuda bagakugalukira, si utali we gakizi bagwana.

Yeremiya 19:9

«Abagoma ba kano kaaya, bagaaba bakasokaniini, gira bayite mwaꞌbandu. Ibyokulya byamwo, bigaamala. Kwokwo, abatuulaga baamwo bagatondeera ukukizi lya bagala baabo na banyere baabo, kiri naꞌbiira baabo.»

Yeremiya 38:9

«E nahamwitu, balya bandu bagira ibikoleere. Keera balasha umuleevi Yeremiya mu kirimbi-rimbi. Na mu kano kaaya, ndaabyo byokulya íbikiri mwo. Angakengeera afwira mwo niꞌshali.»

Yeremiya 52:6

Mu lusiku lwoꞌmwenda, lwoꞌmwezi gwa kana, mu kaaya keꞌYerusaleemu umwena mukayu gwanagunuuza mwo, halinde hatanaboneka kiri na íhyangaliibwa.

Kimombo 1:8

Yerusaleemu âli kizi yifunda mu byaha bweneene, na buno, akoli yulubiiri. Kundu âli kizi huuzibwa, halikago leero, akola mu negurwa! Abagoma keera bakabona ngiisi kwo akola bukondwe. Buno, akola mu gongeera, iri anayibisha hiꞌgulu lyeꞌshoni.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Kimombo 2:11

Keera nabululuka bweneene, halinde amasu gaani ganayami konoka. Umutima gwani gutakiri mu yika mu nda. Ikyanya nabona ngiisi kwaꞌbandu baani bagweti bagaminikwa, emwe! Nanayabirwa ukuyihangirira. Si kiri noꞌtuboojo, tukola mu fwira mu njira!

Kimombo 2:12

Abaana bagweti bagalirira banyina, iri banabatakira, ti: «E maashi maawe, ibyokulya neꞌbinywebwa, biryagagi hayi?» Balya baana, bakola mu lenguka mu kaaya, nga musirikaani úwakomeresibwa mwiꞌzibo. Yoho wee! Bakola mu fwira mu maboko ga banyina.

Kimombo 2:20

E Nahano! Lolaga ngiisi kwo ugweti ugalibuza abandu baawe. Si abakazi bakola mu lya abaana baabo, kundu bo bakabayibutira, banabakuuziri bweneene! Emwe! Kiri naꞌbagingi naꞌbaleevi, ka byangaziziragi kwo bayitirwe mu nyumba yawe?

Kimombo 5:1

E Nahano! Ukengeerage ngiisi kwo twâli kizi libuuka! Utuloleekeze maashi! Unabonage ngiisi kwo bagweti bagatuteeza ishoni.