Hobadiya 1:3 - Kifuliiru

³ E Bahedoomu, si mwayibona, mbu bwo mutuuziri mu maala ga mu migazi, na bwo muyubasiri inyumba ziinyu áhayinamusiri bweneene. Mugweti mugayikangaata, ti: “Nyandagi úwangatushungulula hano?” Kundu mugweti mugaadeta kwokwo, si mutebesiri!

Hobadiya 1:3 Iomraidhean Croise

Ndondeko 36:8

Kwokwo, Hesahu (irindi iziina lyage Hedoomu) anagendi tuula mu migazi ya mu kihugo kyeꞌSeyiri.

2 Baami 14:7

Ulya Hamaziya anagenda mu ndekeera yoꞌMuloba, anateera Abahedoomu, anayita abandu bihumbi ikumi. Anagwata naꞌkaaya keꞌSeela, anakayinika iziina Yokiteeri. Kwokwo, kwo kali mu buuzibwa halinde zeene.

2 Kutondobola 25:11

Ulya Hamaziya anayiha ikise, anarongoora abasirikaani baage, halinde mu ndekeera yoꞌMuloba. Haaho, anakunguza izibo, anayita abatuulaga beꞌSeyiri, bihumbi ikumi.

2 Kutondobola 25:12

Naꞌbandi bihumbi ikumi, anabagwata, anabateramana ku maala, anakizi balasha iꞌfwo, banakizi twika bitolo-bitolo.

Hayubu 20:6

«Balya banangora-mabi, baki gweti bagayikangaata, halinde banabe nga bashoniri mwiꞌgulu. Emwe! Amatwe gaabo, gali mu huma ku bibungu.

Migani 16:18

Ikyanya umundu ali mu yiheemya, iri akola agashereezibwa. Ee! Ikyanya ali mu yikangaata, iri akola agayihongoleka haashi.

Migani 18:12

Ngiisi úli mu yikangaata, akola agashereezibwa. Si abatuudu, boohe, bali mu longa ulushaagwa.

Migani 29:23

Ikyanya umundu ali mu yikangaata, ali mu tindimazibwa. Si ngiisi úli mu yibiika haashi yehe, bali mu múgingika.

Hisaaya 16:6

Keera tukayuvwa kwaꞌBamohabu bali mu yikangaata, na kwo bali banabihayo, banali mu gayirizania. Kundu kwokwo, yubwo bwikangaate, bulyagagi bwa busha.

Yeremiya 21:13

E bandu beꞌYerusaleemu, nie Nahano kwokwo kwo nadeta: Mutuuziri ku marango, ku lwala úluli hiꞌgulu lyeꞌndekeera, munali mu yihaya, mbu: “Ndaaye úwangayiji tuteera, mbu anayihandalike mu kaaya kiitu kazitire!” Kundu muli mu deta kwokwo, nienyene ngakizi mùlwisa.

Yeremiya 37:9

«Nahano adetaga kwokuno: “E bandu beꞌYerusaleemu! Mutatebeke mu kudeta kwaꞌBababeeri keera balyoka lwoshi. Nanga, maashi! Ku kasiisa bagaki galuka.

Yeremiya 48:28

«Mwe batuulaga beꞌMohabu! Mushaagage mu twaya, munagendi tuula mu nyaala. Ee! Mugendi tuula nga mahumba, bwo go gali mu yubaka ingisha mu nyaala.

Yeremiya 49:16

We bwatiiri mu nyaala za mu migazi, we na twaziri amarango! Kundu wangayubaka inyumba hiꞌgulu bweneene, nga ngisha yoꞌtushuuta, ngaki kumanula ho. Keera mukayingiza abandu beꞌbindi bihugo mweꞌkinyukura. Kundu kwokwo, ubwikangaate keera bwakuteba.» Kwokwo, kwo Nahano adesiri.

Yeremiya 49:4

Mugweti mugayiyuvwa hiꞌgulu lyeꞌndekeera ziinyu, mbu zikoli yeziri bweneene. Kundu kwokwo, mulyagagi nga baana ábatatwaziizi Rurema, iri munalangaalira kweꞌbindu biinyu bigamùkiza. Munadete, ti: “Nyandagi úgayiji gira mbu andeere?”

Hezekyeri 28:16

Iri ukabonaga kweꞌbindu byawe byakugaza bweneene, wanatondeera ukulangama, halinde wanayifunda mu byaha. Na bwo wâli kola mubi, nanakuyimula ku mugazi gwani mweru. Noꞌlya makerubi úwâli kizi kulanga, naye anakuyimula mu yago mabuye ágakeyengiini nga muliro.

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.