Hobadiya 1:21 - Kifuliiru

²¹ Indwani zaꞌBahisiraheeri zigaahima, zinashonere ku mugazi Sayuni, banagendi twala imigazi yeꞌHedoomu. Nahano yenyene, ye gaaba mwami wabo!

Hobadiya 1:21 Iomraidhean Croise

Ndondeko 25:23

Naye, anamúshuvya: «Mu nda yawe, mulyagagi imilala ibiri. Iyo milala yombi, igayiji yihandulana kwo. Mulala muguma, gugayiji ba neꞌmisi bweneene ukuhima ugwabo. Ngulwe, ye gakizi kolera Butooto.»

2 Baami 13:5

Kwokwo, Nahano anaheereza Abahisiraheeri lukiza, anabaguluula mu maboko gaꞌBaharaamu, banatuula mu mutuula nga kwo bâli tuuziri kare.

Nehemiya 9:27

Iri ukabonaga kwokwo, wanababiika mu maboko gaꞌbagoma baabo, halinde yabo bagoma banabagira yondo-yondo. Kundu kwokwo, ikyanya bâli kizi libuuka, banakutabaaza. Na kwokwo utuuziri mwiꞌgulu, wanabayuvwiriza. Wanabayuvwirwa indengeerwa, wanabatumira abandu boꞌkubakiza. Yabo bandu, banakizi baguluula mu maboko gaꞌbagoma baabo.

Zaburi 102:15

Yako kaaya keꞌSayuni, abandu baawe bakuuziri kiri naꞌmabuye ágayubasirwi mweꞌnzitiro zaako. Noꞌlukungu lwako nalwo, bagweti bagaluhahalira.

Zaburi 22:28

Yibyo byoshi, ikyanya Nahano agabigira, abandu mu mahanga gooshi bagabikengeera, banayije imwage. Imilala yoshi ya mu kihugo, bagafukama imbere lyage.

Zaburi 22:29

Mukuba yago mahanga gooshi, Nahano ye gatwaziri.

Zaburi 47:7

Mukizi yimbira Rurema inyimbo zoꞌbwivuge. Ee! Mukizi múyimbira. Mukizi yimbira mwami inyimbo zoꞌbwivuge. Ee maashi! Mukizi múyimbira.

Zaburi 67:4

E Rurema, abandu beꞌmilala yoshi bakizi kuyivuga. Ukizi yivugwa mu bandu baꞌmahanga gooshi.

Hisaaya 19:20

Iyo nguliro, igakizi menyeesa abandu kwo Nahano woꞌbushobozi bwoshi akola mu kihugo kyabo kyeꞌMiisiri. Kwokwo, ikyanya bagateerwa naꞌbagoma, banabe bali mu tabaaza Nahano, haaho agayami batumira umundu woꞌkubakingira, anabaguluule.

Hisaaya 24:23

Ha nyuma, Nahano woꞌbushobozi bwoshi ye gakizi twala i Yerusaleemu, ku mugazi Sayuni. Abatwali beꞌYerusaleemu, bagayibonera ubulangashane bwage. Yubwo bulangashane, bwo bulangashiini bweneene, kinatume izuuba noꞌmwezi bigaboneka nga bifwifwitiiri.

Danyeri 12:3

Abitegeereza bagakizi langashana nga íbiri kwiꞌgulu. Na ábâli kizi yerekeza abandi kwo bagire íbikwaniini, nabo bagakizi langashana nga ndonde, halinde imyaka neꞌmyakuula!

Danyeri 2:35

Lyeryo, yibyo byuma, na yiryo ibumba, neꞌyo miringa, neꞌyo harija, neꞌyo nooro, byoshi byanavunguka-vunguka. Byanaboneka nga byula íbiri ha kiyeruuliro ku kyanya kyeꞌkikamo. Imbuusi yanayija, yanabiyehuula. Hatanasigala kiri neꞌhikoojoka. Halikago, lirya ibuye lyohe, lyanagangaala, lyanaba mugazi muhamu bweneene, halinde lyanakwira mu mahanga gooshi.

Danyeri 2:44

«Ku kyanya kya yabo baami, Rurema úli mwiꞌgulu, agayimika ubwami úbutâye minikwe, butanâye haabwe abandi-bandi bandu. Si galya gandi maami gooshi, bugagavungula. Ubwami bwa Rurema naaho, bwo bugayama ho imyaka neꞌmyakuula!

Danyeri 7:14

Uyo mwana woꞌmundu, anahaabwa ubushobozi, noꞌbulangashane, noꞌbuhagarusi, gira abandu booshi bakizi múyikumba, baba beꞌmilala yoshi, naꞌbaꞌmahanga gooshi, naꞌbeꞌndeto zooshi. Ubutwali bwage, bugayama ho imyaka neꞌmyakuula! Noꞌbwami bwage, butâye shereezibwe.

Danyeri 7:27

Haaho, abemeera ba Rurema úli hiꞌgulu lya byoshi banahaabwe ubutwali, noꞌbuhagarusi, noꞌbukulu bwaꞌmaami gooshi ga mu kihugo. Yubwo bwami bwabo, buganayama ho imyaka neꞌmyakuula. Na yabo batwali booshi, bagakizi múyikumba, iri banamúsimbaha.”

Mika 4:7

Ee! Balya ábakalemaha, ngakizi balanga. Na kundu bâli yimwirwi, ngashubi bakania, gube mulala gweꞌmisi. Nie Nahano ngaaba mwami wabo ku mugazi gweꞌSayuni, ukulyokera zeene, halinde imyaka neꞌmyakuula!

Zakariya 14:9

Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.

Mataayo 6:10

Noꞌbwami bwawe, buyije! Ngiisi byo uloziizi, bibe byo bigakizi koleka hano mu kihugo, nga kwo biri mu koleka mwiꞌgulu.

Mataayo 6:13

Utanakizi leka mbu tugezibwe, haliko, ukizi tukiza mu byoꞌlya Mubi. [Mukuba, we mwene ubwami, noꞌbukalage, noꞌbulangashane, halinde imyaka neꞌmyakuula! Bikizi ba kwokwo!]”»

Luka 22:30

Mu yubwo bwami bwani, tugakizi shangiira ibyokulya, iri tunanywera kuguma. Mugabwatala ku bitumbi byoꞌbwami, iri munatwa imaaja zaꞌBahisiraheeri, kwo iri milala ikumi niꞌbiri.»

1 Timoteyo 4:16

Ukizi loleekeza ngiisi kwo utuuziri. Neꞌkyanya uli mu yigiriza amagambo, nago ugaloleekeze bwija. Mukuba, ikyanya ugakizi yihangaana kwokwo, lyo ugayikiza. Unakize na ábali mu kuyuvwa kwakundi.

Yakobo 5:20

Haaho, mumenyage bwija kweꞌri umundu angaba keera alyosa umunabyaha mu mahube, ali mu ba akiza umutima gwoꞌyo wabo mu lufu. Neꞌbyaha byage kundu biri bingi, biri mukogwa.

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Bwigule 19:6

Haaho, nanayuvwa izu lihamu íriri nga lya kizimya-izuuba kyaꞌbandu. Lyâli gweti ligabubula nga miiji mingi ágali mu hona ku shalalo. Lyanâli gweti ligaturagaza nga milavyo! Yabo bandu, bâli gweti bagaadeta kwokuno: «Haleluya! Nahamwitu Rurema woꞌbushobozi bwoshi, ye twaziri.

Bwigule 20:4

Haaho, nanabonaga ibitumbi byoꞌbwami. Na ábâli bibwatiiri kwo, bâli haabirwi ubushobozi bwoꞌkutwa imaaja. Nanabona neꞌrya mitima yaꞌbandu ábakatolwa amatwe hiꞌgulu liꞌGambo lya Rurema, na hiꞌgulu lyoꞌkukizi tangira Yesu ubumasi. Balya bandu, batâli riiri mu bâli kizi yikumba kirya kirara na gulya mugisi gwakyo. Batakanabiikwa kwo kalya kamangu kaakyo ku malanga gaabo, kandi iri ku maboko gaabo. Yabo bandu banashubi longa ubugumaana. Banahisagya kwiꞌyo myaka kihumbi, bagweti bagatwala kuguma na Kirisito.

Batwi beꞌmaaja 2:16

Ha nyuma, ikyanya yabo bagoma bakagenderera ukukizi bashamba ibindu, Nahano anabaheereza abatwi beꞌmaaja, gira bakizi bakiza.

Batwi beꞌmaaja 3:9

Ha nyuma, ikyanya bakatakiraga Nahano, anabatumira umundu woꞌkubaguluula, iziina lyage ye Hotinyeri, mugala Kenaazi. Noꞌyo Kenaazi, âli riiri mulumuna wa Kalebu.