Hobadiya 1:19 - Kifuliiru

¹⁹ Abandu boꞌluhande lweꞌkisaka kyeꞌBuyuda, bagagendi gwata imigazi yeꞌHedoomu. Naꞌbandu ba ku higangazi bagagendi gwata ikihugo kyeꞌBufirisiti. Ee! Bagagendi gwata iporoveesi yeꞌHifurahimu, na yeꞌSamariya. Beene Binyamiini nabo, bagagendi gwata iporoveesi yeꞌGiryadi.

Hobadiya 1:19 Iomraidhean Croise

2 Baami 17:24

Mwami weꞌHasuriya analyosa abandi bandu mu kihugo kyeꞌBabeeri, na mu kyeꞌKuuta, na mu kyeꞌHava, na mu kyeꞌHamaati, na mu kyeꞌSefarwayimu. Yibyo binyamahanga byoshi, anabibungiikiza mu kihugo kyeꞌSamariya, byanayiji tuula mu twaya twamwo. Kwokwo, yikyo kihugo kitakiri kyo kihugo kyeꞌHisiraheeri.

1 Kutondobola 5:26

Kwokwo, Rurema waꞌBahisiraheeri anahidika mwami Puuli weꞌHasuriya (irindi iziina lyage ye Tigilati-Pireseeri), anayiji shereeza ikihugo kyabo. Uyo mwami anabungiisa beene Rubeni, na beene Gaadi, neꞌkimaanye kyoꞌmulala gwa Manaasi, anabatwala i mahanga. Bakatwalwa iyo munda i Hala, neꞌHabori, neꞌHara, kiri na iwa lwiji Gozani. Neꞌyo munda, yo baki tuuziri halinde zeene.

Hizira 4:17

Yago maruba, iri Mwami Serikisi akagalonga, anashuvya kwokuno: «Imwa guvuruneeri Rehumu, na imwoꞌmwandisi wage Shimeshayi, neꞌmwa abiinyu batuulaga beꞌSamariya, kiri neꞌmwinyu mweshi mwe mutuuziri uluhande lweꞌmuga lwoꞌlwiji Hefuraati. Namùlamusa.

Hizira 4:2

Kyanatuma yabo bagoma bagayijira Zurubaberi, kuguma naꞌbimangizi ba ngiisi mbaga, banababwira: «Emwe! Iyi nyumba, leki tutabaalanwe ukugiyubakulula. Mukuba, nyiitu tuli mu yikumba yoyo Rurema winyu. Ee! Si tuyamiri tuli mu mútangira amatuulo goꞌkusiriiza, ukulyokera ku kyanya mwami Hesari-Hadoni weꞌHasuriya akatuleeta hano.»

Zaburi 69:35

Igulu neꞌkihugo bikizi yivuga Rurema, kuguma neꞌnyaaja, na íbiziri mwo byoshi.

Yeremiya 32:44

Banakizi shubi yandikirana amaruba geꞌngulo, banagabiike kweꞌnungu, kiri naꞌkamangu. Bagakizi tumira noꞌtumasi, ukulyoka i mahanga, na mu kihugo kya Binyamiini, na mu Yerusaleemu, na mu twaya tweꞌBuyuda, na mu bihugo bya mu migazi, na mu twaya tweꞌShefela, noꞌtwa mwiꞌshamba lyeꞌNegebu. Mukuba abandu beꞌyo munda booshi, ngaki shubi bagenduusa. Kwokwo, kwo Nahano adesiri.»

Yeremiya 49:1

Nahano adetaga hiꞌgulu lyaꞌBahamooni kwokuno: «Abahisiraheeri, bakolaga hayi? Ka ndaaye úsigiiri, mbu ahyane ikihugo kyabo? Aahago! Kituma kiki bakaleka Abahamooni bayabiire ikihugo kyeꞌGiryadi? Yabo Bahamooni, bagweti bagayikumba umuzimu Mirikomu, bo banakoli tuuziri mu twaya twaꞌBagaadi!»

Hezekyeri 25:16

Ku yukwo, nie Rurema Nahamwinyu nadetaga kwokuno: Yabo Bafirisiti, ngola ngabahaniiriza ku bushobozi bwani. Ngayita Abakereeti, kuguma na booshi ábasigiiri ku ngombe yeꞌnyaaja.

Hezekyeri 36:28

«Kirya kihugo kyo nꞌgaheereza bashokuluza biinyu, niinyu mugakizi kituula mwo. Mwehe, mugaaba bandu baani. Naani ngaaba nie Rurema winyu.

Hamoosi 1:13

Nahano adetaga kwokuno: «Beene Hamooni bagweti bagayifunda mu byaha. Aahago! Ukubahana, ngola ngabahana ngana-ngana! Si bakateera beene Giryadi, mbu lyo bayajabula ikihugo kyabo! Haaho-haaho, banakizi gwata abakazi ábâli kola neꞌnda, banazibunduule.

Hamoosi 1:8

Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

Hamoosi 9:12

Haaho, Abahisiraheeri bagashubi hyana ngiisi twaya útukasigala mu kihugo kyeꞌHedoomu. Banahyane kiri noꞌtwaya twaꞌgandi mahanga gooshi. Yaga gooshi, nie Nahano nie wagadeta, nganagakoleesa.»

Mika 7:14

E Nahano! Ukizi langa abandu baawe. Si biryagagi bibuzi byawe. Na bwo bikoli rambiri byonyene mu lubako, ukizi bilanga neꞌngoni yawe. Leka bikizi ragirira ubwasi, áhayeziri i Bashaani neꞌGiryadi nga kwo byâli kizi gira yaho keera.

Muharuuro 1:32

Na boꞌmulala gwa Hifurahimu mugala Yusefu, bâli bihumbi makumi gana na magana gataanu.

Yoshwa 13:25

Ibihugo byabo, byâli tonderiiri mu kaaya keꞌYazeeri, halinde mu twaya twoshi tweꞌGiryadi, neꞌkimaanye kyeꞌkihugo kyaꞌBahamooni, naꞌkaaya keꞌHaroweri, hoofi neꞌRaba.

Yoshwa 13:31

neꞌkimaanye kyeꞌGiryadi, neꞌHashitarooti, naꞌkaaya keꞌHedireyi ko mwami Hoogi kandi weꞌBashaani âli twaziri. Yikyo kimaanye, kyâli riiri kya beene Makiiri, wa mu mulala gwa Manaasi, kikanahaabwa yabo bandu ukukulikirana naꞌmakondo gaabo.

Yoshwa 15:21

Utwaya twamwo útwâli riiri uluhande lweꞌkisaka, hoofi noꞌlubibi lweꞌHedoomu, tuli: i Kabuzeeri, neꞌHedeeri, neꞌYaguuri,

Yoshwa 15:33

Utwaya útwâli riiri mu kabanda, tuli i Heshitaholi, neꞌZoora, neꞌHashina,