Hobadiya 1:17 - Kifuliiru

¹⁷ Mu bandu baani, baguma bagafushukira ku mugazi Sayuni. Ho hagashubi ba handu haani heeru. Abandu ba mu kibusi kya Yakobo bagashubi galukira mu kihugo kyabo.

Hobadiya 1:17 Iomraidhean Croise

Zaburi 69:35

Igulu neꞌkihugo bikizi yivuga Rurema, kuguma neꞌnyaaja, na íbiziri mwo byoshi.

Hisaaya 1:27

Akaaya keꞌSayuni, mango kashubi giraga íbikwaniini, lyo kagaguluulwa. Ikyanya abatuulaga baamwo bagashubi gira amiija, banabe bakulikiiri Nahano, lyo bagashwekuulwa.

Hisaaya 4:2

Ku yikyo kyanya, mu kihugo, Nahano agaameza mweꞌshibwe liija, linabe lyoꞌbulangashane. Ee! Abahisiraheeri ábagaaba basigiiri, bagakizi siima ibitumbwe byalyo, banabiyihayire.

Hisaaya 46:13

Ngiisi íbikwaniini, ngola ngabigira. Bitaganaki tinda, si ngola ngamùkiza bwobuno. Ngola ngakiza akaaya keꞌSayuni. Na mbiike ubulangashane bwani mu Bahisiraheeri.»

Hisaaya 60:21

«Mweshi mugakizi gira íbikwaniini, munahyane ikihugo imyaka neꞌmyakuula! Mugaaba ishibwe lyo nꞌgayibyalira. Mukuba, nꞌgamùbumba naꞌmaboko gaani, gira mukizi mbuuza.

Hisaaya 65:9

Ngakizi gashaanira Abahisiraheeri, beene Yakobo. Abaana baabo bagahyana ikihugo kyani. Yikyo kihugo, ngiisi bo nꞌgatoola, bo bagakihyana. Balyagagi bakozi baani, bo baganakituula mwo.

Yeremiya 31:23

Nahano woꞌbushobozi bwoshi, Rurema waꞌBahisiraheeri adetaga kwokuno: «Yabo Bayuda, ikyanya ngabagalula mu kihugo kyabo, na mu twaya twamwo, lyaꞌbandu bagashubi kizi deta kwokuno: “Nahano akizi gashaanira umugazi Sayuni! Ee! Haaho, ho atuuziri.”

Yeremiya 44:14

Mu misigala yaꞌBayuda ábakagendi tuula i Miisiri, ndaaye úgafuushuka. Si booshi, ngabahaniiriza. Na kundu bangalooza ukushubi galukira imwabo, ndaaye úgaahasha, bátali bandu bagerwa naaho.”»

Yeremiya 44:28

«“Hali bagerwa naaho ábagafuushuka, banagalukire mu kihugo kyeꞌBuyuda. Haaho, lyo bagasobanukirwa ngiisi úgweti úgaadeta amagambo goꞌkuli, iri angaba ali niehe, kandi iri boohe.

Yeremiya 46:28

E beene Yakobo! Si muli bakozi baani! Tunayamiinwi. Aaho! Mutakizi yoboha! Kundu nꞌgamùshaabula mu bihugo bingi-bingi, haliko, ngaki bishereeza lwoshi-lwoshi. Si mwehe, ndagamùminika lwoshi. Ukumùhana, ngamùhana. Ndanganaleka ukumùhana. Haliko, kugaaba naaho ku lugero úlumùkwiriiri.» Kwokwo, kwo Nahano adesiri.

Hezekyeri 36:12

«E migazi, abandu baani, Abahisiraheeri, ngabahanguula bakizi mùzaataga kwo, banamùhyane. Ee! Mugaaba bindu byabo. Kwokwo, mutagashubi leka, mbu bashalike.

Hezekyeri 7:16

Ngiisi ábakafuushukira mu migazi, ikyanya bagayiganyira hiꞌgulu lyeꞌbyaha byabo, abandu bagabayuvwa bali nga ngunde za mu kabanda.

Danyeri 7:18

Kundu kwokwo, abataluule ba Rurema úli hiꞌgulu lya byoshi, bagayimikwa mu bwami bwage, banakizi twala, halinde imyaka neꞌmyakuula!”

Yuheeri 3:5

Haaho, ngiisi úgahuuna ubutabaazi kwiꞌziina lya Nahano, agakizibwa. Mukuba, ku mugazi Sayuni, bandu baguma bagafuuka mwiꞌyo nguuke, nga kwo Nahano âli mali agwanwa alagaania. Ee! Ngiisi ábagasigala ha nyuma lya lulya lusiku, baabo bo Nahano akahamagala.

Hamoosi 9:8

«Nie Rurema Nahamwinyu, ngweti ngadetaga kwokuno: Yaba Bahisiraheeri, beene Yakobo, si balyagagi banabyaha! Kwokwo, ngweti ngabalangiiza, na mbaminike mu kihugo. Haliko, ndagayami baminika lwoshi-lwoshi.

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»

Bwigule 21:27

Haliko, mu bidwakiiragi, ndaakyo íkyâye yingire mwo. Ndaanaye umunabihigo yeshi, úwâye fine mwo, kandi iri umutebani. Ábagakayingira mwo naaho, bali baabalya baꞌmaziina gaabo gali mayandike mu kitaabo kyoꞌbulamu kyeꞌKyanabuzi.