Hobadiya 1:16 - Kifuliiru

¹⁶ «E Bahisiraheeri, ikyanya mwâli ki tuuziri ku mugazi gwani mutaluule, nꞌgamùnywaniisa ku rusoozo lwoꞌburaakari bwani. Si leero, ibinyamahanga, byo bigakizi lunywera kwo. Bigalunywera kwo bweneene, halinde binalaluke. Noꞌbuzinda, binazimiire lwoshi-lwoshi.

Hobadiya 1:16 Iomraidhean Croise

Hisaaya 42:14

Nahano adetaga kwokuno: «Nâli yamiri ndi munyerere. Ee! Nâli hulisiri, shee! Haliko buno, ngolaga ngabanda akaluulu, ngoꞌmukazi úgweti úgaabuta, anabe agweti agayinekeera, iri anahemagira.

Yeremiya 49:12

Nahano adetaga kwokuno: «Abandu baguma, bâli kizi hanwa, kundu ndaabwo buhube bahiiti. Aahago! Mwe Bahedoomu, ka itali yo haahe, kwo niinyu mugaahanwa? Ukuhanwa, mugaahanwa ngana!»

Kimombo 4:21

E bandu beꞌHedoomu, mwe mutuuziri mu kihugo kyeꞌHuuzi! Kituma kiki mugweti mugashambaala? Si kiri na niinyu, mugaki nywa ku rusoozo lwoꞌburaakari bwa Nahano! Neꞌkyanya mugalunywera kwo, mugalaluka, halinde banamùhogole imirondo, munasigale bukondwe.

Habakuki 1:9

Yabo basirikaani booshi, bali balangi bweneene. Baloziizi naaho, kwo bayiji tulwisa. Abandu bo keera bakashweka, bali kandaharuurwa, ngoꞌmushenyu.

1 Peturu 4:17

Kikola kyanya kyoꞌkutwibwa kweꞌmaaja. Kuganatondeerera imwitu, twe bandu ba Rurema. Na bwo twe tugatondeererwa kwo, kutagi kwo bigaaba imwa ábali mu lahira ukusimbaha Imyazi Miija ya Rurema?