Hobadiya 1:11 - Kifuliiru

¹¹ Ikyanya ibinyamahanga bikayingira i Yerusaleemu, byanashahula yeꞌbindu byoshi, byanabigabaana mu kutaara ikibare. Ku yikyo kyanya, mwanayisunga hala naaho, mwanayigira nga muguma waꞌbagoma.

Hobadiya 1:11 Iomraidhean Croise

2 Baami 25:11

Uyo Nebuzaradani anatwala imbohe abandu ábâli ki sigiiri i Yerusaleemu, kiri naꞌbandi booshi ábâli koli yitaaziri boonyene imwa mwami weꞌBabeeri.

Zaburi 137:7

E Nahano, i Yerusaleemu, ulusiku abagoma bakagigwata imbohe, ukengeere ngiisi kwaꞌBahedoomu bâli kizi honyoleza, ti: «Yako kaaya, mukahongole. Ee! Mukunyule kiri neꞌndaliro zaako.»

Zaburi 50:18

Ikyanya ugweti ugaabona umuzimba, uli mu yami múyibiika kwo. Unali mu komeerana naꞌbashule.

Zaburi 83:5

Balya bagoma bali mu naaka mbu: «E balya, muyije, tuzimiize abandu baage, halinde iziina lyaꞌBahisiraheeri, litaki shubi detwa.»

Zaburi 83:6

Banagweti bagaagira igambi libi hiꞌgulu lyawe, keera banayibiika kuguma, gira bakuhangirire.

Hezekyeri 35:10

«E Bahedoomu, ikihugo kyeꞌBuyuda, na kyeꞌHisiraheeri, mwâli gweti mugaadeta kwo bikola bigaaba byeꞌmwinyu, mbu mwe mugabihyana. Si nie Nahano! Na mu yibyo bihugo byombi, mwo nduuziri.

Yuheeri 3:3

Ngakizi yerekana ibitangaaza ku biri kwiꞌgulu, na ku biri mu kihugo. Hagaboneka umuko, noꞌmuliro, halinde ikyusi kinakizi tutumuka hiꞌgulu.

Hamoosi 1:6

Nahano adetaga kwokuno: «Abandu beꞌGaza bagweti bagayifunda mu byaha. Aahago! Ukubahana, ngola ngabahana ngana-ngana! Si bakagwata abandu booshi mu twaya tulebe, banabatwala imbohe, gira bagendi ba baja i Hedoomu.

Hamoosi 1:9

Nahano adetaga kwokuno: «Abandu beꞌTiiro bagweti bagayifunda mu byaha. Aahago! Ukubahana, ngola ngabahana ngana-ngana! Kundu bakanywana ikihango naꞌBahisiraheeri, si bakakihongola! Banagwata abandu booshi mu twaya tulebe, banabatwala imbohe, gira bagendi ba baja i Hedoomu.

Nahumu 3:10

Kundu kwokwo, yabo bandu beꞌTebeesi nabo bakagwatwa imbohe, banatwalwa i mahanga. Kiri naꞌbaana baage baanuke, abagoma baabo bakabatenga-tenga, halinde banafwira mu ngiisi mashangaaniza. Abanalushaagwa baabo booshi, bakabagaba mu kubataarira ikibare. Abatwali baage booshi, bakabashweka iminyororo.

Sefaniya 2:10

Yabo Bamohabu, naꞌBahamooni, si bâli kizi yikangaata. Kyanatuma bagaahanwa nga kwo byâli bakwaniini. Bâli kizi shekeereza abandu ba Nahano woꞌbushobozi bwoshi.