Hobadiya 1:1 - Kifuliiru

¹ Gano mabone, Rurema Nahamwitu akagayigulira Hobadiya, ganaloziri abandu beꞌHedoomu. Keera tukalonga indumwa ukulyoka imwa Nahano, nga kwo akagituma mu binyamahanga, ti: «Yimuki! Tugendi teera Abahedoomu.»

Hobadiya 1:1 Iomraidhean Croise

Ndondeko 25:30

Anadeta: «E Yakobo, we kongwa! Ishali likola bu nyita. Aaho! Umbanguulage ndye ku yibi byokulya byawe íbidukumbusiri, gira bimbembuule.» (Kyo kikatuma bagamúyinika iziina Hedoomu, kuli kudeta: mudukula).

Ndondeko 36:8

Kwokwo, Hesahu (irindi iziina lyage Hedoomu) anagendi tuula mu migazi ya mu kihugo kyeꞌSeyiri.

Ndondeko 36:9

Abandu ba mu mbaga ya Hesahu, umwazi gwabo gwo gwogu: Hesahu, ye shokuluza waꞌBahedoomu, abatuulaga ba mu migazi yeꞌkihugo kyeꞌSeyiri. Guno gwo muharuuro gwaꞌbandu ba mu kibusi kyage:

Zaburi 137:7

E Nahano, i Yerusaleemu, ulusiku abagoma bakagigwata imbohe, ukengeere ngiisi kwaꞌBahedoomu bâli kizi honyoleza, ti: «Yako kaaya, mukahongole. Ee! Mukunyule kiri neꞌndaliro zaako.»

Hisaaya 21:11

Ino ndumwa iri hiꞌgulu lyeꞌDuma. Nayuvwa umundu ali mu mberangira, ukulyoka i Seyiri, ti: «E mulaliizi, ka butaziba bugaakya? Ewe! Ka butaziba bugaakya?»

Hisaaya 21:12

Uyo mulaliizi anamúshuvya: «Bukola bugaakya! Kundu kwokwo, bugaki shubi yira. Neꞌri wangashubi buuza, bwija naaho! Ukashubi yiji mbuuza.»

Hisaaya 30:4

Uyo Faraho, biri ukuli kwo atwaziri ahandu hingi, ukulyoka i Sowani, halinde kiri neꞌHanesi.

Yeremiya 25:17

Ikyanya nꞌgayuvwa kwokwo, nanayabiira yulwo rusoozo lwo Nahano âli fumbiiti, nanalunywesa abandu beꞌmilala yoshi, nga kwo akanduma.

Yeremiya 25:21

naꞌBahedoomu, naꞌBamohabu, naꞌBahamooni,

Yeremiya 51:46

Ikyanya mugayuvwa kwo mwami muguma agendi teera uwabo, mutakanguke, mutanatwike indege. Mukuba, umwazi mwene yugwo, guli mu kizi yija ngiisi mwaka.

Hezekyeri 35:1

Nahano anashubi mbwira kwokuno:

Mika 2:13

Kundu mushuba mu gwatwa imbohe mu mahanga, haliko ikirongoozi kiinyu kigahongola inyiivi zaꞌbagoma, anamùlyose yaho. Ee! Mwami winyu, agakizi mùrongoora. Na Nahano yenyene, agakizi mùshokolera injira.»

Mataayo 24:6

Mugakizi yuvwa imyazi yaꞌmazibo, noꞌlunganga lwago. Kundu kwokwo, mutakizi hemuka! Yibyo byoshi, bikwiriiri bitee ba. Haliko itagaaba yo mberuuka.

Mariko 13:7

«Ku yikyo kyanya, mugakizi yuvwa imyazi yaꞌmazibo, noꞌlunganga lwago. Kundu kwokwo, mutakizi hemuka! Yibyo byoshi, bikwiriiri bitee ba. Haliko itagaaba yo mberuuka.