Hesiteeri 9:1 - Kifuliiru

¹ Ngiisi kwo mwami akakyula hiꞌgulu lyaꞌBayahudi, byâli kwiriiri ukukoleka ku lusiku lwiꞌkumi na zishatu zoꞌmwezi gwiꞌkumi na kabiri, úguli mu detwa Hadaari. Ku lwolwo lusiku, abagoma baꞌBayahudi bâli kola bagaahima Abayahudi. Haliko lwanahinduka, lwanaba lusiku Abayahudi bo bagaahima.

Hesiteeri 9:1 Iomraidhean Croise

2 Samweri 22:41

Yabo bagoma baani, wanabapuumusa. Na ábâli njombiri, nanabaminika.

Hesiteeri 3:13

Ngiisi kihugo kya mu yubwo bwami, kyanatumirwa amaruba. Mu yago maruba, mwâli yandisirwi kwokuno: «Ulusiku lwiꞌkumi na zishatu, lwoꞌmwezi gwiꞌkumi na kabiri, úguli mu detwa Hadaari, mu lwolwo lusiku, Abayahudi booshi baminikwe, imisore naꞌbashaaja, kiri naꞌbakazi naꞌbaana. Neꞌbindu byabo byoshi, binashahulwe.»

Hesiteeri 3:7

Mwami Serikisi, iri akahisa imyaka ikumi niꞌbiri atwaziri, Hamaani anagiriisa ikibare mu mwezi gwa mbere úguli mu detwa Nisani. Yikyo kibare kiri mu buuzibwa Puriimu, kyanagirwa imbere lya Hamaani, gira alonge ukumenya ulusiku noꞌmwezi gwo agaminika kwaꞌBayahudi. Yikyo kibare, kyanagwa ku mwezi gwiꞌkumi na kabiri, úguli mu detwa Hadaari.

Hesiteeri 8:12

Bâli hangwirwi ukugira kwokwo mu poroveesi zooshi za mwami Serikisi. Noꞌlusiku úlukabiikwa, lwâli riiri mu siku ikumi na zishatu zoꞌmwezi gwiꞌkumi na kabiri, úguli mu detwa Hadaari.

Hesiteeri 8:6

Aaho! Kutagi kwo nangaki hebera, iri abandu boꞌmulala gwani bangayitwa? Na kutagi nangaloleera kwaꞌbandu beꞌmbaga yani bagashereezibwa?»

Hesiteeri 9:17

Yibyo byoshi, bikakoleka ku lusiku lwiꞌkumi na zishatu zoꞌmwezi Hadaari. Noꞌlusiku úlukalulonda lwiꞌkumi na zina, banaluluhuuka kwo. Lwanaba lusiku lukulu lwoꞌkushambaala kwo.

Zaburi 18:40

We kanjoboleesa, halinde ngizi gira izibo, wanafukamya abagoma baani mu magulu gaani.

Zaburi 30:11

E Nahano, unyuvwirize, unambonere ulukogo. Undabaale, maashi!»

Mikolezi 12:11

Peturu anayami hababuka, anayidesa, ti: «Ngoli yiji ku kasiisa kwo Nahamwitu ye wandumira umuganda wage. Ee! Âli loziizi ukungiza mu maboko ga Heroode, na mu byoshi byaꞌBayahudi batákoli langaliiri kwo bagangira.»

Bukengeeze 32:36

«Abahisiraheeri bagerwa naaho bo bagasigala. Imisi yabo, inabe keera yamala. Baguma baabo, banabe bakola baja. Haaho, Nahano agabayuvwirwa indengeerwa, anabaheereze íbibakwaniini.

Bwigule 11:18

Ibinyamahanga byâli kizi raakara. Halikago buno, we kola ugaaba noꞌburaakari! Kikola kyanya kyoꞌkutwa imaaja za abafwiri. Na booshi ábâli kizi shereeza ikihugo, buno nabo ukola ugabashereeza. Haliko, abakozi baawe abaleevi, ukola ugabahemba, kuguma naꞌbataluule baawe, bwo bali mu simbaha iziina lyawe, ukutondeerera ku bagunda, halinde ukuhisa ku banalushaagwa.»