Hesiteeri 7:8 - Kifuliiru

⁸ Uyo mwami, iri akalyoka mwiꞌyo ndalo, anashubi yingira mu kisiika kyo bâli kizi nywera mweꞌdivaayi, anagwanana Hamaani keera ajongama ha butambi lyeꞌkitumbi kya Hesiteeri. Mwami, mbu abonage kwokwo, anayishoza, anadeta: «Makagi gano! Uno mundu, ka aloziizi ukuhigulira ku mugoli imbere lyani, tunaliriinwi mu nyumba?» Uyo mwami, iri akaba akiri mu deta, lyeryo abatungule banayiji bwikira Hamaani amalanga, mu kuyerekana kwo agayitwa.

Hesiteeri 7:8 Iomraidhean Croise

Hesiteeri 1:5

Yizo siku ngulu, iri zikamala, mwami anayushuula izindi, analaalika abakulu, kiri naꞌbagunda booshi ba mu kaaya keꞌSusaani. Yabo booshi, banashubi hisa isiku zirinda, bavwagariiri ha bwami, bagweti bagashambaala.

Hesiteeri 1:6

Mu luzitiro lwage, mwâli manisirwi imirondo myeru yoꞌmulimbo, neꞌgindi mirondo miija yeꞌkituku-tuku. Iyo mirondo, yâli mishweke neꞌmigozi yeꞌkitaani. Miguma yâli riiri myeru, neꞌgindi yeꞌkituku-tuku. Iyo migozi nayo ikashwekerwa ku mbete zeꞌharija, ízâli nanisirwi ku nguliro. Yizo nguliro, zikayubakwa naꞌmabuye goꞌmulimbo ágatyeriiri bweneene. Hâli riiri neꞌbitumbi íbikatulwa mu nooro, na mu harija. Yibyo bitumbi, byâli teresirwi ku mabuye ágakeyengiini bweneene, kuguma naꞌgandi mabuye geꞌkishingo.

Hesiteeri 6:12

Ha nyuma, Moredekaayi anashubi galukira ha mulyango gwaꞌkajumiro. Si Hamaani yehe, anakwabadukira imwage mu mwizingeerwe, akoli yibwisiri itwe, hiꞌgulu lyeꞌshoni.

Hesiteeri 7:10

Kwokwo, Hamaani anakimanikwa kwo, kundu âli mali gwanwa akilingaaniza Moredekaayi. Ikyanya Hamaani akaba keera afwa, uburaakari bwa mwami bwanahooha.

Hayubu 9:24

Neꞌkyanya ikihugo kiri mu biikwa mu maboko ga banangora-mabi, Rurema ali mu ziba amasu gaꞌbatwi beꞌmaaja. Aaho! Ákibe atali ye mu gira kwokwo, iri nyandagi gundi úli mu kugira?

Hisaaya 22:17

Ewe! Kundu uli mutasumbwa, Nahano agaki kugwata, anakuzuuze-zuuze, anakushulugute.

Hisaaya 49:23

Yabo baana biinyu, abaami bagamùlerera bo. Abagoli bagakizi bahahalira. Yabo baami bagayiji mùfukamira, banahise amalanga haashi mu kulamba ulukungu ku magulu giinyu. Haaho, mugaamenya kwo nie Nahano. Ábambiisiri kwoꞌmulangaaliro, yugwo mulangaaliro gwabo gutâye be gwa busha.»

Hamoosi 3:12

Nahano adetaga kwokuno: «Indare, ikyanya igweti ikibuzi mu kanwa kaayo, umungere ali mu fuusa amagulu gabiri naaho, kandi iri ikihande kyoꞌkutwiri. Kwokwo, kwaꞌBahisiraheeri bagakizibwa mu kaaya keꞌSamariya. Biryagagi kwokwo, kundu baki gweti bagavwagarara ku bitumbi biija, naꞌbandi ku ngingo. Si ábagasigala, bagaaba bagerwa naaho.»

Mariko 14:65

Mu balya bakulu, baguma banatondeera ukutwira Yesu amate, banamúbwikira amalanga noꞌkukizi mútitimba ibifune. Abalaliizi nabo, banamútitimba byebyo bifune, iri banamúbwira: «Utangage ubuleevi! Nyandi úwakushulika?»