Hamoosi 9:3 - Kifuliiru

³ Kwakundi, kundu bangayibisha kwiꞌrango lyoꞌmugazi Karimeeri, ngagendi bashakula yo, na mbabirigishe. Na kundu bangagendi bishama mu tulingi tweꞌnyaaja, ngahanguula kirya kihuume kyoꞌmujoka, kigendi bakoma mwo.

Hamoosi 9:3 Iomraidhean Croise

Ndondeko 3:8

Mwiꞌyo ndalo, iri hakaba kakola kabigingwe, uyo mushosi bo na mukaage banayuvwa ishwagala za Nahano Rurema. Iri bakayuvwa kwokwo, banayami gendi yifulika mu biti, gira atababone.

2 Samweri 22:46

Yabo bandu bakayija bakoli vunisiri imitima. Na ábâli bishamiri, banakizi yibishuula iri banalenga mweꞌkinyukura.

Hayubu 22:13

Si ugweti ugaadeta mbu: “Ngiisi byo ngweti ngaagira, Rurema atabibwini. Aaho! Kutagi kwo angasheshera mu bibungu, mbu atutwire ulubaaja?

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Zaburi 68:23

Nahano adetaga kwokuno: «Abagoma baani, ngabagalula ukulyoka i Bashaani, na mbashaaze na mu tulingi tweꞌnyaaja.

Hisaaya 27:1

Yulwo lusiku, Nahano agaahana ikingisho-ngisho kyoꞌmujoka Levyataani, gulya úgutuuziri mu nyaaja. Yugwo mujoka, kundu guli mu kizi puumuka, gunali mu yizonga-zonga, si Nahano agayomola ingooti yage, anayami guyita.

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Hamoosi 1:2

Uyo Hamoosi anadeta kwokuno: «Nahano agweti agalunduma ku mugazi Sayuni. Izu lyage ligweti ligayuvwikana mu Yerusaleemu. Kyo kitumiri indagiriro nyija zikola mu yuma. Kiri niꞌrango lyoꞌmugazi Karimeeri, nalyo keera lyahangaluka.»