Hamoosi 9:2 - Kifuliiru

² Kundu bangayihumbiraga halinde banahike i nakwere, ngayisa ukuboko, ninashubi bakulula. Na kundu bangashona mwiꞌgulu, ngabashungulula yo.

Hamoosi 9:2 Iomraidhean Croise

Hayubu 20:6

«Balya banangora-mabi, baki gweti bagayikangaata, halinde banabe nga bashoniri mwiꞌgulu. Emwe! Amatwe gaabo, gali mu huma ku bibungu.

Hayubu 22:13

Si ugweti ugaadeta mbu: “Ngiisi byo ngweti ngaagira, Rurema atabibwini. Aaho! Kutagi kwo angasheshera mu bibungu, mbu atutwire ulubaaja?

Hayubu 24:23

Kundu Rurema angabaleka bakizi tuula mu mutuula, haliko amasu gaage gayamiri gali mu baloleekeza.

Hayubu 26:6

Mukuba, iyo munda i kuzimu ndaabyo íbibishamiri imbere lya Rurema. Si byoshi biri ha bweruula imbere lyage.

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Hisaaya 2:19

Ikyanya Nahano agayiji jugumya ikihugo, agakangana ku bulangashane bwoꞌbukalage bwage. Haahago, abandu banagendi yifunda mu nyaala, banahumbe neꞌbishimo, gira bagendi yibisha mwo.

Yeremiya 49:16

We bwatiiri mu nyaala za mu migazi, we na twaziri amarango! Kundu wangayubaka inyumba hiꞌgulu bweneene, nga ngisha yoꞌtushuuta, ngaki kumanula ho. Keera mukayingiza abandu beꞌbindi bihugo mweꞌkinyukura. Kundu kwokwo, ubwikangaate keera bwakuteba.» Kwokwo, kwo Nahano adesiri.

Yeremiya 51:53

Akaaya keꞌBabeeri, kundu kanganunga halinde mwiꞌgulu, banagire mbu basikamye inzitiro zaako, zibe ngomu, halikago ngaki balungikira abagoma, bagendi kashereeza.» Kwokwo, kwo Nahano adesiri.

Hezekyeri 26:20

«Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hezekyeri 31:14

«Ikiti, kundu kyangalonga amiiji mingi, ndaakyo íkigashubi laaha kwokwo, halinde kinahike ku bibungu. Kundu kwokwo, hagaatama, byoshi bigaafwa, binalindimukire i kuzimu nga bandu.

Hobadiya 1:4

Na kundu mugweti muganunga nga nyunda, munagendi yubaka ingisha ziinyu hiꞌgulu bweneene, halinde ku ndonde, haliko, ngaki mùshungulula yo! Kwokwo, kwo nie Nahano ndesiri.

Luka 10:18

Anabashuvya: «Nꞌgabona kwo Shetaani ashunguluka mwiꞌgulu nga mulavyo!