Hamoosi 8:11 - Kifuliiru

¹¹ Rurema Nahamwitu adetaga kwokuno: «Mu siku ízigaki yija, ngaleeta umwena mu kihugo. Yugwo mwena, gutagaaba gwa kubula ibyokulya, kandi iri miiji. Si mugaabula amagambo ga Nahano.

Hamoosi 8:11 Iomraidhean Croise

2 Kutondobola 15:3

«Abahisiraheeri bakahisa imyaka mingi bajaaziri Rurema woꞌkuli. Banatuula buzira imaaja zaage, na buzira umugingi woꞌkubayigiriza zo.

Zaburi 74:9

Tutaki bwini ibyereso, kwo Rurema agaki tukiza, ndanakiye muleevi úkiri ho. Yubwo buhanya, ndaaye úyiji ngiisi kwo bugaaheka.

Migani 29:18

Ikyanya abandu batali mu yerekwa ukuli, ndaakyo bali mu yiyubaara kwo. Si ahiriirwi ngiisi úli mu simbaha imaaja.

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Hezekyeri 7:26

Bagakizi teerwa neꞌnguuke, halinde abandu banakizi balomboojera umwazi gwa kundi-kundi. Bagalooza umuleevi woꞌkubatangira ubuleevi. Banabe keera bateera amigirizo gaꞌbagingi. Kiri naꞌmahano gaꞌbashaaja, gagaaba gateereka.

Hosheya 2:3

Rurema anabwira Hosheya kwokuno: «Ku kirya kyanya, ugakizi buuza beene winyu Hami, (kuli kudeta: bandu baani). Na baali biinyu, mugakizi babuuza Ruhama, (kuli kudeta: bandu bo nguuziri).»

Mika 3:6

Ku yukwo, mukolaga mugayirirwa, ndaakigo mabone mugalonga. Ikyanya ikihulu kigamùzinga, mutagaki longa ukulagula ku bigaaba. Mwe baleevi, izuuba ligamùsookeraga, halinde munabaagage mukola mu mamaata mu kihulu.

Mataayo 9:36

Balya bandu booshi, iri Yesu akababona, anabayuvwirwa indengeerwa bweneene. Mukuba, bâli kizi hahazibwa, banabe babuziri woꞌkubatabaala, nga bibuzi bizira mungere.

1 Samweri 28:15

Samweri anabuuza: «E Sahuli, si wanzuuza! Kituma kiki washubi ndeeta igulu?» Sahuli, ti: «Ngola mu libuuka bweneene. Mukuba, Abafirisiti bagweti bagandwisa, na Rurema keera amba ingoto. Atakiri mu njuvya, kuba ku njira yaꞌbaleevi, kandi iri ku yeꞌbirooto. Kyo kyatuma nayiji kuhamagala, gira umbwire ngiisi kwo ngaagira.»

1 Samweri 28:6

Ikyanya akahanuusa Nahano, Nahano atakamúshuvya, kuba ku njira yeꞌbirooto, kandi iri ku yaꞌmabuye geꞌHurimu, kandi iri ku yaꞌbaleevi.

1 Samweri 3:1

Samweri âli kizi kolera Nahano, mu kutabaala Heri. Haliko mu yizo siku, Igambo lya Nahano, lyâli kola nga ndaalyo. Kiri naꞌmabone, gâli keehiri.