Hamoosi 7:7 - Kifuliiru

⁷ Ha nyuma, Nahano anashubi nyereka agandi mabone. Nanamúbona kwo ayimaaziri ha kibambaazi, afumbiiti inevu yaꞌbuubasi.

Hamoosi 7:7 Iomraidhean Croise

Ndondeko 28:13

Nahano anayimanga ha butambi lya Yakobo, anamúbwira kwokuno: «Niehe, nie Nahano Rurema wa shokulu wawe Hiburahimu. Nie na Rurema wa yisho Hisake. Lino idaho lyo ugwejiiri kwo, ngakuheereza lyo, mwe naꞌbandu beꞌkibusi kyawe.

2 Samweri 8:2

Dahudi anashubi lwa naꞌBamohabu. Nabo, anabahima. Ngiisi bo akagwata imbira, anabakona, anababiika ku miziizi, anabagwejeza haashi, anakyula kwo bakizi yita abandu babiri-babiri, banakizi leka uwa kashatu. Kwokwo, kwaꞌBamohabu bakaba bakozi ba Dahudi, anakizi barambuliisa.

2 Baami 21:13

Ngaahana i Yerusaleemu nga kwo nꞌgahana i Samariya, kiri neꞌmbaga ya mwami Ahabu. Ngashuka i Yerusaleemu, nga kwo bali mu shuka umukongo, banaguyubike.

Hisaaya 28:17

Ngakizi koleesa íbikwaniini, lukizi ba nga lugero lwani. Na ngoleese noꞌkuli, kukizi ba nga nevu yaꞌbuubasi.» Si ubutibitiro bwinyu, buli mu yubakwa ku binyoma. Kwokwo, invula yoꞌlugungu igayiji bushereeza. Umwijulire gunayiji buhongoleka haashi.

Hisaaya 34:11

Kirya kihugo, banakasare bo bakola bagakituula mwo, kuguma na banafufulu, na banamujongo. Nahano agakishereeza lwoshi, kinasibe.

Kimombo 2:8

Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Hezekyeri 40:3

Iri Rurema akaba keera andwala yaho, nanabona umundu ayimaaziri mu mulyango, akeyengiini nga mulinga, anafumbiiti umugozi gweꞌkitaani, niꞌsanga. Yibyo byombi, âli kizi bikoleesa mu kugera.

Hamoosi 7:6

Kwokwo, Nahano anashubi yishuhiza, anadeta, ti: «Byo njuba ngaagira, ngatee bileka.»

Hamoosi 7:8

Anambuuza: «E Hamoosi, biki wabona?» Na wa naani, ti: «Mbwini inevu yaꞌbuubasi.» Anashubiza, ti: «Abandu baani, Abahisiraheeri, keera nabonaga kwo bakoli hengamiri. Ku yukwo, ngabagera neꞌnevu yaꞌbuubasi, mu kubayereka ngiisi kwo bali. Ndagaki gooyera ibyaha byabo.

Zakariya 4:10

Mutakwaniini ukukizi gayiriza umukolwa, mbu bwo mwagutondeera ku bushobozi buniini. Si Nahano ashambiiri ukubona ngiisi kwo Zurubaberi akatondeera ukuyubakulula inyumba ya Rurema. Haaho ulya muganda anambwira kwokuno: «Galya matara galinda, gayerekiini amasu galinda ga Nahano, ganali mu kizi langiiza hooshi mu kihugo.»

Bwigule 11:1

Nanahaabwa umulonge gwoꞌkugera mwo. Nanabwirwa: «Ugendi gera inyumba ya Rurema! Ugere naꞌkatanda kaayo koꞌkutangira kwaꞌmatuulo. Na ngiisi ábali mu yikumba mwo Rurema, ubaharuure.

Bwigule 21:15

Uyo muganda úwâli kizi nganuuza, âli fumbiiti ingoni íkatulwa mu nooro, gira agere yako kaaya, kuguma neꞌmiryango yako, noꞌluzitiro lwako.