Hamoosi 6:12 - Kifuliiru

¹² Aahago! Keꞌfwarasi zangagirigimba ku lwajwe? Kandi iri, kaꞌbandu bangakoleesa ingaavu mu kululima kwo? Aahabi! Haliko mwehe, keera mwahindula ukuli, kube nga kolobwe. Na ngiisi íbikwaniini, mwabihindula bibe bilulu.

Hamoosi 6:12 Iomraidhean Croise

Hisaaya 48:4

Kundu kwokwo, nâli mùyiji-yiji kwo muli mindagabika. Amagosi giinyu, gatigaliiri nga kyuma. Naꞌmatwe giinyu, gali makomu nga mulinga.

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Hosheya 10:13

«Halikago mwehe, mwâli gweti mugakizi byala amabi, ganali gaago-gaago go mukayimbula. Ngiisi kwo mukabyala ikinyoma, keera mwalyagaga ibitumbwe byakyo. Mwâli kizi langaalira imisi yaꞌbasirikaani biinyu, iri munayitoneesa kwo bo bagakizi mùlanga.

Hosheya 10:4

Yabo Bahisiraheeri bagweti bagalagaania amagambo ga kwingi-kwingi, banali mu gabiika kweꞌndahiro zeꞌkinyoma. Kwokwo, mu kutwa imaaja, ukuli kukola mu bambalwa, nga kishuka íkimeziri mu ndalo mbinge, kinali mwo kolobwe.

Hamoosi 2:3

Kiri na mwami wabo, ngamúyita kuguma naꞌbatwali baage booshi.» Kwokwo, kwo Nahano adesiri!

Hamoosi 3:10

Nahano adetaga kwokuno: «Abandu baani, bataki yiji ngiisi kwo bangagira íbikwaniini! Inyumba zaabo ngomu, si ziyijwiragi mweꞌbindu byo bakanyaga!»

Hamoosi 5:7

Si mugweti mugashobania íbikwaniini, Na ngiisi íbiri byoꞌkuli, mugweti mugabinyanyaga haashi.

Mika 7:3

Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Yakobo 3:18

Abandu boꞌmutuula, ngiisi byo bali mu byala, bali mu yiji biyimbula mwo íbikwaniini imbere lya Rurema.