Hamoosi 5:5 - Kifuliiru

⁵ Mutakizi gendi njakulira i Beteeri, kandi iri i Girigaali. Mutanakizi manukira i Beeri-Sheba, mbu mundogeze yo. Yabo bandu beꞌGirigaali, si bagagendi twalwa imbohe! Kiri naꞌkaaya keꞌBeteeri, si kagasigala mushaka!»

Hamoosi 5:5 Iomraidhean Croise

Ndondeko 21:31

Kyanatuma kigabuuzibwa Beeri-Sheba. Mukuba, ho bakabikirana indahiro.

Ndondeko 21:33

Haaho i Beeri-Sheba, Hiburahimu anabyala heꞌkivumu. Anahuuna kwiꞌziina lya Nahano, anali ye Rurema weꞌmyaka neꞌmyakuula.

Ndondeko 26:23

Ha nyuma, Hisake analyoka yaho, anagenda i Beeri-Sheba.

Ndondeko 26:33

Kirya kirigo, Hisake anakiyinika iziina Shiiba, (kuli kudeta: ndahiro). Halinde zeene, yako kaaya kali mu buuzibwa Beeri-Sheba.

1 Baami 12:28

Ulya Yerobwamu, ikyanya akahanuusania, anatuliisa imigisi yeꞌnyana zibiri mu nooro, anabwira abandu: «E Bahisiraheeri, nabona kwo keera mwagagara ukukizi zamuukira-zamuukira i Yerusaleemu. Aaho! Imigisi yinyu, iyi! Ye kamùshaaza mu kihugo kyeꞌMiisiri.»

1 Baami 12:29

Irya migisi yombi, Yerobwamu anabiika muguma mu kaaya keꞌBeteeri. Noꞌgundi, anagubiika mu kaaya keꞌDaani.

2 Baami 23:8

Abagingi booshi ábâli tuuziri mu twaya tweꞌBuyuda, Yosiya anabagalulira i Yerusaleemu. Anayulubaza imbeero zoꞌkuyikumbira imigisi, kulyoka i Geba, halinde Beeri-Sheba. Mukuba, haaho, haꞌbagingi bâli kizi yokera umubadu. Anahongola neꞌmbeero zeꞌmigisi, ízâli riiri ku Lwivi lwa Yoshwa, umutwali weꞌYerusaleemu. (Yulwo lwivi, lwâli uluhande lweꞌlumosho lwoꞌlwivi lwaꞌkaaya, ku mulyango gwoꞌkuyingira mwo.)

Hayubu 8:22

Kundu abagoma bangaba bakushombiri, si bagaki teezibwa ishoni. Yabo banangora-mabi, inyumba zaabo zigaashaka ngana-ngana.»

Zaburi 33:10

Ikyanya ibinyamahanga biri mu gira igambi, Nahano ali mu lishaabula. Ee! Ngiisi byo bagweti bagashungika, ali mu bihangirira.

Hisaaya 29:20

Si banangora-mabi boohe, bagaahera ngana. Na ábali mu honyolezania, bagaamala. Bwo bakuuziri ukugira amabi, bagaminikwa duba.

Hisaaya 8:10

Kundu mugakuumana mbu mugire igambi libi, haliko shoobe! Ukuhimwa, mugaahimwa ngana-ngana! Mukuba, Rurema tutuliinwi.

Yeremiya 48:13

Abahisiraheeri bâli kizi tabaaza umuzimu gwa mu kaaya keꞌBeteeri. Neꞌkyanya gutakabatabaala, banagwatwa neꞌshoni. Kwo na kwokwo, Abamohabu nabo bagateezibwa ishoni, hiꞌgulu lyoꞌmuzimu gwabo Kemooshi.”

Hosheya 10:8

Na bwo bâli kizi yifunda mu byaha mu mbeero ku marango, yizo mbeero zooshi, Rurema agazihongola. Kiri noꞌtutanda twazo tugamera kweꞌmigenge neꞌbigunga. Banatondeere ukubwira imigazi, ti: «Mutubindikire!» Banakizi bwira noꞌtugangazi, ti: «Mutuhongokerage kwo!»

Hosheya 12:11

Nâli kizi ganuula naꞌbaleevi, nanakizi mùyigiriza ku njira yaꞌmabone.

Hosheya 4:15

«E Bahisiraheeri, kundu keera mwayifundaga mu bushule, haliko Abayuda batakwaniini ukubuyifunda mwo! Nanga, maashi! Mutakolwe kwo mwagenda i Girigaali, mutanazamuukire i Beeti-Haweni. Mutanakolwe kwo mwabiika indahiro yeꞌbibeesha, mbu: “Kwiꞌziina lya Nahano úyamiri ho!”»

Hosheya 9:15

Nahano adetaga kwokuno: «Bakatondeerera ukugira amabi i Girigaali. Haaho, ho nꞌganatondeerera ukubashomba. Na bwo baki gweti bagakizi gira amabi, ngabayimula booshi mu kihugo kyabo. Bwaꞌbimangizi baabo bakoli huniri booshi, ndagaaba ngi bakuuziri.

Hamoosi 1:5

Kiri neꞌmigaliro yeꞌmiryango yaꞌkaaya keꞌDamasiki, ngagitwisa-twisa. Ninaminike abandu ba mu ndekeera yeꞌHaweni. Na nzimiize noꞌmutwali weꞌBeeti-Hedeni. Kiri naꞌBaharaamu bagatwalwa imbohe i Kiiri.» Kwokwo, kwo Nahano adesiri!

Hamoosi 3:14

Ngaki mùhana hiꞌgulu lyaꞌmahube giinyu. Ku lwolwo lusiku, ngashereeza noꞌtutanda útuli i Beteeri. Yutwo tutanda, utugongo twatwo tugatolwa, tunatibukire haashi.

Hamoosi 4:4

Mwe Bahisiraheeri! Mugendi tanga amatuulo imweꞌmigisi i Beteeri. Mugendererage ukukizi gatanga kiri neꞌGirigaali. Yago matuulo giinyu goꞌkusiriiza, mukizi gatanga ngiisi shesheezi. Na ha nyuma lya ngiisi siku zishatu, munatange neꞌkihande kiꞌkumi.

Hamoosi 7:10

Haaho, umugingi Hamaziya, wa mu kaaya keꞌBeteeri, anatumira mwami Yerobwamu waꞌBahisiraheeri ino ndumwa, ti: «E mwami, ulya Hamoosi, keera akayibiika kuguma naꞌBahisiraheeri, banagweti bagaagira igambi libi hiꞌgulu lyawe. Naꞌmagambo go agweti agaadeta, ndaaye úwangagayigenderera.

Hamoosi 7:13

Si hano i Beteeri, hali handu heꞌbwami. Hanali haꞌbandu bali mu yikumbira. Aahago! Yubwo buleevi bwawe, ugendi butangira handi-handi.»

Hamoosi 7:17

Kundu kwokwo, Nahano adetaga kwokuno: “Mu kaakano kaaya, mukaawe agakizi gira mwoꞌbushule. Bagala baawe na banyere baawe, nabo bagayitwa ku ngooti. Kiri naꞌmatongo gaawe, bagaganyaga, banagagabulire abandi. Na wenyene, ugagendi fwira ku mbinga. Abahisiraheeri, ku kasiisa bagatwalwa imbohe, hala neꞌkihugo kyabo.”»

Hamoosi 7:9

Ha yizo mbeero zeꞌmizimu, heꞌkibusi kya Hisake bali kizi gendi yikumba ku marango, ngazishereeza lwoshi-lwoshi. Kiri neꞌnyumba zaabo ndaluule, nazo ngazihongola. Ee ma! Imbaga yoshi ya mwami Yerobwamu, ikolaga igaminikwa.»

Hamoosi 8:14

Kundu imizimu yeꞌSamariya igweti igateezania ishoni, si bagweti bagabiika indahiro ku maziina gaayo! Baguma bali mu kizi deta: “Nga kwoꞌmuzimu gweꞌDaani ayamiragi ho!” Abandi, ti: “Nga kwoꞌmuzimu gweꞌBeeri-Sheba ayamiragi ho!” Yabo bandu, bagayitimbaga haashi, batanaki vyuke.»

1 Bakorindo 1:28

Akanatoola na íbiri mu shembwa kwo biri bya kabusha-busha, na íbiri mu gayirizibwa, na íbiri mu bonerwa kwo ndaabyo. Kwokwo, lyo alonga ukuyerekana kwo íbiboniirwi mu kihugo byo biri naꞌkamaro.

1 Bakorindo 2:6

Halikago, ikyanya tuli mu ba mu bakoli kaniri, lyoki lyo tuli mu yigiriza amagambo goꞌbwitegeereze. Si butali nga bwenge bwa kino kihugo, kandi iri nga bwenge bwaꞌbatwali baakyo. Mukuba, boohe, bakola mu mala lwoshi-lwoshi.

Bukengeeze 28:41

«Na kundu mugaabuta abaana bo batabana, na boꞌbunyere, haliko mutali mwe mugabalera. Si bagatwalwa imbohe i mahanga.

Yoshwa 5:9

Ha nyuma, Nahano anabwira Yoshwa: «Ikyanya mwâli riiri baja i Miisiri, mwâli kizi teezibwa ishoni. Haliko buno, namùlyokeza zo.» Kyo kitumiri yaho handu, bakahayinika iziina Girigaali. Lyo niꞌziina lyaho, halinde zeene.

Bwigule 18:17

Haliko, ku kino kihe kiguma naaho, akanyabungaka keꞌbindu byawe byoshi, keera byashereezibwa lwoshi!» Ngiisi birongoozi byaꞌmashuba, nabyo bigayisunga hala na yako kaaya, kuguma naꞌbashooji booshi, na ngiisi ábali mu genda naꞌmashuba, na ngiisi bandi ábali mu kola mu byeꞌnyaaja.

1 Samweri 11:14

Samweri anabwira yabo booshi: «Yiji, tugendage tweshi i Girigaali, gira tugendi yimika Sahuli.»

1 Samweri 7:16

Ngiisi mwaka, âli kizi genda agazunguluka mu kaaya keꞌBeteeri, na mu keꞌGirigaali, na mu keꞌMisipa. Ikyanya âli kizi hika mu yutwo twaya, âli kizi batwira imaaja.

1 Samweri 8:2

Ifula yage, ye Yuheeri. Na úgamúlonda, ye Habiya. Yabo bagala baage bombi, bâli kizi twa imaaja zaꞌbandu i Beeri-Sheba.