Hamoosi 5:11 - Kifuliiru

¹¹ Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Hamoosi 5:11 Iomraidhean Croise

Hayubu 20:19

«Si bâli kizi vindagaza abakeni, banabasiga maboko mamaata. Banakizi nyaga inyumba zo batakayubaka.

Hisaaya 16:10

Batagaki shambaala ku kisegengo. Mu yizo ndalo zeꞌmizabibu, ndaakibwo bushambaale, kandi iri malega, kandi iri kuyimba, kandi iri kubanda akabuuli. Ndaanaye úkiri mu kanda ha kikandiro. Batanakiri mu banda utubuuli, mukuba Rurema keera akabahulisa.

Hezekyeri 26:12

«Ha nyuma, yabo basirikaani banayaduukire ku bindu biinyu, kiri na byo mugweti mugadandaza, banabishahule. Inzitiro ziinyu, na zirya nyumba ziinyu nyija-nyija, bagaasiga babihongolera haashi. Banavugumule amabuye gaazo mu nyaaja, neꞌmbahwa, kiri noꞌluvu.

Hezekyeri 34:21

Yibyo bibuzi íbijambiri, si mwe bishishiri mugweti mugabitumikirira mu mbavu na ku bitugo! Munagweti mugabitumita naꞌmahembe, binashabukire mu mbinga.

Hosheya 9:2

Aaho! Buno, imimbu yinyu igamùniihira. Mugaabula imizabibu mihyahya yoꞌkukanda mweꞌdivaayi.

Balaawi 26:16

«Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Hamoosi 2:6

Nahano adetaga kwokuno: «Abahisiraheeri bagweti bagayifunda mu byaha. Aahago! Ukubahana, ngola ngabahana ngana-ngana! Mu kulooza ukugala, bagweti bagaguza abandu bazira buhube, babe baja mbu bwo batabayishula imyenda yabo. Banagweti bagakizi guza umukeni ku kishingo kyeꞌbiraato naaho.

Hamoosi 2:7

Babwinagi kwaꞌbakeni bali nga lukungu naaho, banagweti bagakizi balibata-libata kwo. Balya bakeni, ikyanya bali mu ba imbere lyaꞌbatwi beꞌmaaja, bali mu bayima ukuli kwabo. Lolaga ibala! Umwana na yishe, bagweti bagashangiira umukazi muguma. Kwokwo, kwo bagweti bagatukiisa iziina lyani, na ndi nie Mutaluule.

Hamoosi 3:15

Ngahongola neꞌnyumba zooshi zaꞌbagale, ziba za kutuula mwo ku kyanya kyeꞌmbeho, kandi iri ku kyanya kiꞌduutu. Ngahongolaga inyumba mbamu zooshi ízilimbisiibwi naꞌmahembe geꞌnjovu.» Kwokwo, kwo Nahano adesiri.

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hamoosi 6:11

Nahano, ikyanya agakyula naaho, inyumba zigayami yihongoleka haashi. Kwokwo, kwo bigaaba ku nyumba zooshi, ziba nangungubanga, kandi iri niini.

Hamoosi 6:12

Aahago! Keꞌfwarasi zangagirigimba ku lwajwe? Kandi iri, kaꞌbandu bangakoleesa ingaavu mu kululima kwo? Aahabi! Haliko mwehe, keera mwahindula ukuli, kube nga kolobwe. Na ngiisi íbikwaniini, mwabihindula bibe bilulu.

Hamoosi 8:4

Munyuvwirize bwija! Si mugweti mugavindagaza abakeni, lyo bataki be ho!

Hamoosi 9:14

Abandu baani, Abahisiraheeri, kundu bâli twazirwi imbohe mu buja, halikago, ngabagalulira i kaaya. Na kundu utwaya twabo twâli mali sherebera, halikago, bagashubi tuyubakulula, banatutuule mwo. Bagakizi byala imizabibu, banagikande mweꞌdivaayi, banaginywe. Kiri neꞌndalo zaabo, bagakizi zilima. Neꞌmimbu yazo, banakizi gilya.

Mika 1:6

Kwokwo, ngahindula i Samariya ibe ndundo yaꞌmabuye. Injira zaayo, leero zigalimwa, banakizi byala mweꞌmizabibu. Amabuye ágâli biisirwi mu nzitiro, ngagahirikira i kabanda, halinde indaliro zisigale bwanuula.

Mika 2:2

Ikyanya muli mu ba muyifwijiri indalo, muli mu yami zinyaga. Neꞌri mwangaloozagya inyumba za beene, muli mu gungana mu kuzinyaga. Muli mu gungana, mu kunyaga ibya beene, kiri noꞌbuhyane bwa beene.

Mika 6:15

Na kundu mugabyala imbuto, si mutagaziyimbula. Na kundu mugalibata ku mizehituuni, si mugaabula amavuta. Na kundu mugakandaga imizabibu, si ndaayo divaayi yo mugalonga.

Sefaniya 1:13

Ehee! Si abagoma baabo, bagayiji bashahula ibindu, halinde inyumba zaabo zinasigale mishaka! Kundu bagweti bagayiyubakira inyumba, haliko batagazituula mwo! Na kundu bagakizi byala imizabibu, haliko batagakizi nywa ku divaayi yayo.»

Hagayi 1:6

Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.

Bukengeeze 28:30

«Kundu mwangaba neꞌshasha, haliko ugundi mundu agayiji múnyaga, anamúsambane. Na kundu mugayubaka inyumba, si mutali mwe mugazituula mwo. Na kundu mugabyala imizabibu, si mutali mwe gatee giyimbula.

Yakobo 2:6

Kundu kwokwo, mwehe muki gweti mugabakeneka. Yabo bagale, ka batali bo bali mu mùtindimaza? Si bagweti bagamùkululira imbere lyaꞌbatwi beꞌmaaja.