Hamoosi 4:13 - Kifuliiru

¹³ Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Hamoosi 4:13 Iomraidhean Croise

Hayubu 9:7

Ali mu bwira izuuba kwo leero litatunduuke. Kiri neꞌndonde, anazibwikire, zitamoleke.

Zaburi 135:7

Ali mu zamuula ibibungu íbiri ku mbeka yeꞌkihugo, analeete neꞌmilavyo, halinde invula inatonye. Ali mu lyosa neꞌkihuhuuta mu bihinda byakyo.

Zaburi 139:2

Uyiji ikyanya ndi mu bwatala, neꞌkyanya ndi mu yimuka. Na kundu nangagendi beera hala, uli mu ba uyiji ngiisi kwo nzaliiri.

Zaburi 147:18

Kundu kwokwo, Rurema ali mu kyula, imbuusi inahuuse, yulwo lugungu, lunajongoloke, halinde amiiji ganatondeere ukuhinga.

Zaburi 65:6

E Rurema, we gweti ugatukiza. Neꞌkyanya tuli mu kuhuuna, uli mu tushuvya, mu kukizi tugira mweꞌbitangaaza. Abandu ábatuuziri mu mahanga gooshi, bakulangaliiri, kiri na ábatuuziri i kajabo keꞌnyaaja mbamu.

Kulyoka 10:22

Musa, mbu ashonge ukuboko kwage hiꞌgulu, lyeryo ngana ikihulu kya namudidi kyanayami yidika mu kihugo kyoshi kyeꞌMiisiri, kyanamala mweꞌsiku zishatu.

Kulyoka 14:20

Kirya kibungu kyanakizi siika Abamiisiri naꞌBahisiraheeri. Mu bushigi bwoshi, kyanakizi molekera Abahisiraheeri. Si Abamiisiri boohe, kyanakizi bateera ikihulu. Yibyo biso byombi, bitanayegeerana.

Hisaaya 40:12

Aahago! Nyandi gundi keera úkagera inyaaja mu maboko gaage? Kandi iri akoleesa ukuboko, mu kugera ikyanyaanya? Nyandagi úyiji ubuzito bweꞌkihugo, keera anagera imigazi noꞌtugangazi noꞌlugero?

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Hisaaya 47:4

Lukiza witu ali mu buuzibwa Nahano woꞌbushobozi bwoshi, anali ye Rurema Mutaluule waꞌBahisiraheeri.

Hisaaya 48:2

Mugweti mugayihaya, mbu: “Twehe, tutuuziri mu kaaya kataluule!” Munali mu yihega ku Rurema waꞌBahisiraheeri, ulya úli mu buuzibwa Nahano woꞌbushobozi bwoshi.

Hisaaya 5:30

Yulwo lusiku, bagalundumira abagoma, nga midunda ígweti igayibirindula mu nyaaja. Hooshi mu kihugo, abandu bagaabona ikihulu naaho naꞌmalibu. Umulengeerwe gugayidika mweꞌkibungu.

Yeremiya 10:13

Ikyanya ali mu kyula, amiiji mwiꞌgulu gali mu yami yigusha haguma, Ali mu kuumania ibibungu hooshi mu kihugo. Ku kyanya kyeꞌnvula, analyamuze ikiryamu. Anahuuse neꞌmbuusi ukulyoka mu bihinda byage.

Yeremiya 10:16

Mukuba iyo migisi, Rurema wa Yakobo yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage. Iziina lyage, ye Nahano woꞌbushobozi bwoshi!

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Yeremiya 46:18

«Nie Nahano woꞌbushobozi bwoshi, nie na Mwami, nabiika indahiro: Nga kwo nyamiri ho, umugoma akola agayiji mùteera. Alyagagi mula ngoꞌmugazi Taboori, anali nga kwoꞌmugazi Karimeeri guli ku nyaaja.

Yeremiya 51:16

Ikyanya ali mu kyula, amiiji mwiꞌgulu, gali mu yami yigusha haguma. Ali mu kuumania ibibungu hooshi mu kihugo. Ku kyanya kyeꞌnvula, analyamuze ikiryamu. Anahuuse neꞌmbuusi ukulyoka mu bihinda byage.

Yeremiya 51:19

Haliko, Rurema wa Yakobo, yehe atali nga yo. Si ye kalema ibindu byoshi, anatoola Abahisiraheeri kwo babe bo bandu baage! Iziina lyage, ye Nahano woꞌbushobozi bwoshi.

Danyeri 2:28

E mwami! Rurema alyagagi hiꞌgulu lya byoshi. Yehe ye mu bishuula íbishubi bishamiri. Ye na keera úwakuyereka íbigakoleka mu siku ízigayija. Birya birooto byawe, naꞌmabone gaawe, byo byebino:

Danyeri 2:30

Kiri na naani, keera nabinyigulirwa. Kutali kudetaga mbu bwo nie mwitegeereza ukuhima abandi booshi. Si nabiyigulirwa naaho, gira lyo ulonga ukumenya umugeeza gweꞌbirooto byawe, ngiisi kwo bikalenga mwiꞌtwe lyawe.

Hosheya 12:6

Nahano, ye nali mu buuzibwa Rurema woꞌbushobozi bwoshi. Yenyene naaho, ye Nahano.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Hamoosi 3:13

Nahano Rurema woꞌbushobozi bwoshi, adetaga kwokuno: «Munyuvwirize bwija! Niinyu mukagendi bwira Abahisiraheeri booshi kwokuno:

Hamoosi 5:27

Aahago! Buno, ngola ngamùtwalaga imbohe, mu mbinga za hala ukuhima i Damasiki.» Kwokwo, kwo Nahano adesiri! Niꞌziina lyage, ye Rurema woꞌbushobozi bwoshi.

Hamoosi 5:8

Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Hamoosi 8:9

Rurema Nahamwitu adetaga kwokuno: «Yulwo lusiku, ngasoosagya izuuba, kanakiri kalenge-renge. Haaho mu kalenge-renge, ikihulu kinayidike mu kihugo.

Hamoosi 9:6

Nahano ayubasiri akaaya kaage iriira munda mwiꞌgulu. Anayaja ikyanyaanya hiꞌgulu lyeꞌkihugo. Ali mu kizi hamagala amiiji geꞌnyaaja, mu kugakuumania. Neꞌkyanya kyeꞌnvula, anashubi gayonera mu kihugo. Ee ma! Iziina lyage, ye Nahano.

Mika 1:3

Nahano agweti agashonooka ukulyoka imwage mwiꞌgulu, halinde ku marango, gira akizi gagenda kwo.

Habakuki 3:19

Nahano Rurema, ye misi yani. Ali mu nzikamya amagulu, nga kasa. Anali mu ndwala mu marango geꞌmigazi. Isobaanuro imwa bali mu kizi rongoora abimbi: Luli mu yimbwa, mu kukoleesa ibikolanwa byeꞌmihungo.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Mataayo 9:4

Iyo mitono yabo mibi, Yesu anayami gimenya, kyanatuma agababuuza: «Kituma kiki mugweti mugaatona amabi mu mitima yinyu?

Yohana 2:25

atanâli riiri niꞌgoorwa lyoꞌkumenyeesibwa hiꞌgulu lyabo. Ee! Ngiisi íbyâli baliiri mwo, âli biyiji-yiji.

Yohana 3:8

Kiri neꞌmbuusi, iri mu huukiza-huukiza ngiisi ho iloziizi. Na kundu wangayuvwa ulushuumo lwayo, haliko utangamenya ho iri mu lyoka, kandi iri ho iri mu genda. Kwokwo, kwo biri, ikyanya umundu ali mu butwa noꞌMutima Mweru.»

Bukengeeze 32:13

«Akabaleeza mu marango, anabaliisa imimbu ya mu yikyo kihugo. Anabadahira ubuuki mu nyaala, anabamegeza imizehituuni ku lwajwe.

Bukengeeze 33:29

«E Bahisiraheeri, muhiriirwi! Keera mukakizibwa na Nahano. Aaho! Ka hali úli nga mwe? Akamùhaliza neꞌsiribo yage. Rurema, ali nga ngooti yoꞌkumùkingira. Abagoma biinyu, baganyerera imbere liinyu. Na mwehe, mwe mugaaba banahamwabo.»