Hamoosi 4:12 - Kifuliiru

¹² «Inguuke zooshi zo nꞌgagwanwa namùmenyeesa, ngola ngamùleetera zo. Kwokwo, e bandu beꞌHisiraheeri! Muyibiikage ibiringiini ukuhumaanana na Rurema winyu!»

Hamoosi 4:12 Iomraidhean Croise

Hisaaya 32:11

E bakazi, kundu muki jeberiiri, ndaanabyo muhahiiri, si mukwiriiri mulengage mweꞌkinyukura. Aaho! Mukaturure ibyambalwa biinyu, munakenyere amasuuzu, mu kuyerekana kwo mukoli jengiirwi.

Hisaaya 47:3

Leero abandu bagaabona ngiisi kwo usigiiri bukondwe, halinde banakizi kuteeza ishoni. Ngayihoola ngana. Ndaanaye úgambuza.»

Hisaaya 64:2

Yaho keera, ikyanya wâli kizi shonooka, imikolezi yawe yâli kizi tusoomeza. Kiri neꞌmigazi yâli kizi jugumbana imbere lyawe!

Yeremiya 5:22

Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Hezekyeri 13:5

Kundu inzitiro ziinyu keera zikahongoka, si mutali mu zishakuulula, mutanali mu ziba amatule gaazo. Aaho! Ikyanya nie Nahano ngayiji twa imaaja zaꞌbandu, naꞌbagoma banabe bagweti bagamùteera, kutagi kwo mwangaki bahangirira?

Hezekyeri 22:30

«Nâli kizi looza umundu úgayubakulula inzitiro. Neꞌkyanya angagwana áhahongosiri, anatee yimanga haaho, gira ndayiji kengeera nashereeza ikihugo. Haliko, ndaaye nꞌgabona.

Hosheya 13:8

Ninamùjanganule-janganule, nga nyamiishwa ndangi íyanyagwa abaana baayo. Ninamùmiranguse nga ndare, Ninamùgire buvungu-vungu nga nyamiishwa ya mu kishuka.

Hamoosi 2:14

Kundu abandu bangayihayiri kwo bo bali mu tibitaga mulindi, si ndaaye kiri noꞌmuguma úgafuushuka. Kiri neꞌbishugusha, imisi igabimalira. Neꞌbikalage byaꞌbasirikaani, nabo bagayabirwa ukuyikiza.

Mataayo 24:44

Kwokwo, na niinyu, mukizi yama muyiteganwiri! Mukuba, Umwana woꞌMundu agayija ku kyanya mutalangaliiri.

Mataayo 5:25

«Umulezi wawe, ikyanya aki gweti agakutwala iwa kutwirwa ulubaaja, bwangaba bwija uyami nywana mwe naye. Buzira kwokwo, hali ikyanya angakubiika imbere lyoꞌmutwi weꞌmaaja. Naye anakubiike kwoꞌmupolesi, gira akufunde mu nyumba yeꞌmbohe.

Bwigule 3:3

Galya migirizo go keera mukayuvwa, mwanagayakiira, mukizi gakengeera, iri munagasimbaha. Neꞌbyaha biinyu, mubitwikire kwo. Mukuba, iri mutangasisimuka, ngamùyijira ku kyanya mutayiji. Ee! Ngamùtubiira nga muzimba.