Hamoosi 3:9 - Kifuliiru

⁹ Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Hamoosi 3:9 Iomraidhean Croise

2 Samweri 1:20

Yago magambo, mutagendi gamenyeesa mu kaaya keꞌGaati. Mutanagende muli mu gaganuula mu njira za mu kaaya keꞌHashikelooni, gira Abafirisiti-kazi batashagaluke. Abanyere ba ábatali mu tenguulwa, batashambaale.

Migani 1:13

Tugabanyaga ibindu bingi byeꞌkishingo. Iyo minyago, tunayiji gilunda mu nyumba ziitu.

Migani 11:16

Umukazi woꞌkugirirana bwija, ali mu simbahwa. Noꞌmushosi weꞌmisi, byo ali mu longa naaho, buli bugale.

Mwigiriza 4:1

Ha nyuma, nanabona ngiisi kwaꞌbakeni bagweti bagalibuzibwa mu kihugo. Nanabona kweꞌkyanya bagweti bagaalira, ndaaye mundu woꞌkubaholeeza. Si ábagweti bagabalibuza, bo bakoli hiiti ubushobozi bweneene. Ee! Byebyo byo bitumiri yabo bakeni babuziri woꞌkubaholeeza.

Yeremiya 31:5

Mugashubi kizi byala imizabibu mu migazi yeꞌSamariya. Ee! Abalimi bagagibyala, banakizi gilya ku bushambaale.

Yeremiya 46:14

«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Hezekyeri 36:8

Haliko, mwe migazi yeꞌHisiraheeri, mugatavika kweꞌbiti, binatongekere abandu baani ibitumbwe. Masaasa atabukwa, yabo bandu baani bakola bagataahira imwabo.

Hezekyeri 37:22

«Balya Bahisiraheeri booshi, ngabakuumania, babe bandu boꞌmulala muguma naaho, banashubi tuula mu migazi yabo. Kwo bali booshi, bagaaba noꞌmwami muguma naaho. Ee! Batâye ki shubi gabulikana mu maami gabiri.

Hosheya 7:1

Nahano anashubi deta kwokuno: «Ku kyanya ndi mu looza ukukiza Abahisiraheeri, ibyaha bya beene Hifurahimu binabe byo bigashubi boneka. Kiri naꞌmabi gaꞌBasamariya, nago ganayulubuke. Mukuba, bali banabibeesha. Abazimba bagweti bagatula inyumba. Kiri neꞌmbuga, abanyazi bagweti baganyagaza abandu.

Hamoosi 1:8

Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Hamoosi 6:1

Yayewe imwinyu, mwe mujeberiiri mu kaaya keꞌSayuni! Yayewe neꞌmwinyu, mwe mutuuziri ku butoge ku mugazi gweꞌSamariya! Buno, baki gweti bagamúgingika mu bwami bwinyu, munalumbuusiri. Abahisiraheeri booshi, banagweti bagayiji mùtabaaza.

Hamoosi 6:3

Ulusiku lweꞌnguuke, kundu lukolaga lugayija, mutaloziizi ukukizi yitoneesa hiꞌgulu lyalwo. Si ikyanya mugweti mugayifunda mu mabi, lyo mugweti mugaluyegereza!

Hamoosi 8:6

Si kiri neꞌshekesheke zeꞌngano, tugazifusha mweꞌngano nyija, tunaguliise byoshi kuguma. Tugagulaga abakeni ku biraato bibiri, kandi iri ku harija niini, banabaagage baja biitu.»

Mika 6:10

E banangora-mabi, si nyumba ziinyu ziyijwiri ibindu bingi byo mukalonga mu kugungana! Zinalyagagi mweꞌbigero byo mugweti mugagungana mwo!

1 Samweri 5:1

Abafirisiti, iri bakaba keera bagwata Akajumba ka Rurema imbira, banakalyosa i Hebenezeeri, banakatwala mu kaaya kaabo keꞌHashidoodi.