Hamoosi 3:8 - Kifuliiru

⁸ Indare ku kyanya yalunduma, nyandi útangayoboha? Buno, Rurema Nahamwitu naye keera adetaga. Aaho! Nyandi úwangaki lahira ukutanga ubuleevi?

Hamoosi 3:8 Iomraidhean Croise

Hisaaya 21:10

E Bahisiraheeri, mukahuulwa nga ngano, mwanayeluulwa. Kundu kwokwo, mukiri bandu baani. Kwoku, hali indumwa yo Nahano woꞌbushobozi bwoshi andumiri. Ee! Ali Rurema waꞌBahisiraheeri.

Hisaaya 31:4

Nahano akambwiraga kwokuno: «Ikyanya ikihagarusi kyeꞌndare kandi iri injuuke yayo iri mu yita ikitugwa, iri mu kiyimangira kwo, iri inalunduma. Na kundu abangere bangashololokera ho, banakizi gira ulujongo, mbu bagiyimule, itali mu batwaza. Mukuba yulwo lujongo lutangagiyobohya. Kwo na kwokwo, Nahano woꞌbushobozi bwoshi, agamanukiraga ku mugazi Sayuni, gira ayiji teera abagoma.

Yeremiya 20:9

Uyo Nahano, hali ikyanya ndi mu deta kwo ngamúyibagira, na mbe ndakiri mu deta kwiꞌziina lyage. Haaho, igambo lyage liri mu yami nyaka mwo nga muliro. Kundu nangayigumiiriza mbu niliyishwekere kwo, si liri mu huluka naaho!

Yeremiya 26:12

Yabo batwali, kuguma naꞌbandi booshi, Yeremiya anababwira kwokuno: «Yubwo buleevi bwoshi, Nahano yenyene ye kanduma, kwo nimùmenyeese bwo. Yago gooshi go mwayuvwa, Nahano yenyene ye kaganduma.

Hezekyeri 29:21

«Ku yikyo kyanya, ngashubi kania Abahisiraheeri indege. Na naawe, e Hezekyeri, bakola bagasimbaha amagambo gaawe. Kwokwo, lyo nabo bagayiji menya kwo nie Nahano.»

Hamoosi 1:2

Uyo Hamoosi anadeta kwokuno: «Nahano agweti agalunduma ku mugazi Sayuni. Izu lyage ligweti ligayuvwikana mu Yerusaleemu. Kyo kitumiri indagiriro nyija zikola mu yuma. Kiri niꞌrango lyoꞌmugazi Karimeeri, nalyo keera lyahangaluka.»

Hamoosi 2:12

Kundu kwokwo, yabo Bataluule, mukabahubiisa mu kubanywesa idivaayi. Ha nyuma, ikyanya abaleevi bakayija mbu bamùkanukire, mwanakizi banaakira kwo bazibe utunwa!

Hamoosi 3:4

Indare nayo, itali mu lunduma mu kishuka, ítazi yita inyamiishwa. Itanali mu bwija mwiꞌbundo, ítazi longa byo igaalya.

Mikolezi 4:20

Birya byoshi, tukabiyibonera twenyene, noꞌkubiyiyuvwirwa, bitanganaziziri kwo tuleke ukukizi bideta!»

Mikolezi 5:20

«Mugendi yimanga ha nyumba ya Rurema, munamenyeese haꞌbandu ngiisi kwo bangatuula ku njira mbyahya.»

Mikolezi 5:29

Peturu neꞌzaabo ndumwa, zanashuvya, ti: «Bitukwiriiri tukizi simbaha Rurema, ho twangakizi simbaha abandu!

1 Bakorindo 9:16

Kundu kwokwo, ndangakizi yihaya, mbu bwo ndi mu menyeesa abandu Imyazi Miija. Mukuba, guli mukolwa gwo nꞌgatumwa. Neꞌri ndangakizi bamenyeesa yo, agaaba yayewe imwani!

Bwigule 5:5

Mu balya bashaaja, muguma anambwira: «Uleke ukulira! Lolaga! Indare yoꞌmulala gwa Yuda, ulya wa mwiꞌkondo lya Dahudi, keera akasinda ubugoma. Yehe, ye shobwiri ukununguula yizo nungu zirinda, anabunguule ikitaabo.»