Hamoosi 3:2 - Kifuliiru

² Mu bandu booshi ba mu kihugo, mwehe naaho mwe nâli kizi hahala. Halikago, bwo mwâli kizi gira ibyaha bweneene, kyo kitumiri ngamùhaniiriza.»

Hamoosi 3:2 Iomraidhean Croise

Ndondeko 10:32

Yabo bandu booshi, yo milala íkalyoka mu kibusi kyaꞌbaana ba Nuhu, ukukulikirana naꞌmakondo gaabo, ngiisi bandu mu kihugo kyabo. Ha nyuma lyoꞌmwijulire, abandu banakwira mu mahanga gooshi, ku njira ya bagala Nuhu.

Ndondeko 18:19

Nꞌgamútoola, gira akizi yigiriza abaana baage, naꞌba mwiꞌkondo lyage, bakizi simbaha imaaja zaani. Kwokwo, lyo baba bandu bemeera, banabe bali mu ngira íbikwaniini imbere lyani. Naani, na mbakwigize imihango yani.»

Zaburi 147:19

Rurema akamenyeesa Abahisiraheeri igambo lyage, kuguma neꞌmaaja zaage, naꞌmategeko gaage.

Kulyoka 32:34

Bwobuno, ugendi rongoora abandu ngiisi ho nꞌgakuyereka. Umuganda wani, agakizi kurongoora. Kundu kwokwo, nabonaga kwo yaba bandu keera bagira ikyaha bweneene. Kwokwo, hakiri ulusiku lwo nâye ki bahaniirize.»

Hisaaya 63:19

tunakoli tuuziri nga bandu bo utazindi twala, kiri neꞌhiniini. Tunakolaga nga bandu ábatazindi menyeekana kwo tuli bandu baawe. Twangasiimiri kwo ubere igulu, unashonookere hano mu kihugo. Si imigazi yangajugumbana imbere lyawe!

Yeremiya 1:15

Abandu ba mu yago maami gooshi geꞌmbembe, ngola ngababerangira. Abaami baabo bagayiji tereka ibitumbi byabo byoꞌbwami hoofi neꞌnyiivi zaꞌkaaya keꞌYerusaleemu. Yako kaaya, banakasokanane. Kiri noꞌtundi twaya twoshi tweꞌBuyuda, banatuteere. Kwokwo kwo nie Nahano ndesiri.

Yeremiya 10:25

Yubwo buraakari bwawe, ubuyonere ku bandi bandu ábatakuyiji. Si boohe, batali mu kuyikumba. Twe Bahisiraheeri, twe balya bandu bakaminika, banatusivya lwoshi, banasigaga kihugo kiitu mushaka.

Yeremiya 11:22

«Yabo Bahanatooti, ngolaga ngabahana. Imisore yabo, abagoma bagagiminika mwiꞌzibo. Bagala baabo na banyere baabo, ishali ligabamala.

Yeremiya 13:21

«Balya bandu, mwâli kizi baharuura mbu bali biira biinyu. Aahago! Ikyanya bagayiji mùhima, banakizi mùtwala, bikagi mugaki deta? Si mugakizi hindagala bweneene, ngoꞌmukazi úkola mu buta!

Yeremiya 14:10

Nahano adetaga kwokuno hiꞌgulu lyaꞌbandu baage, Abayuda: «Si mukuuziri ukugenda mugahabuka-habuka, mutanali mu yihangirira! Ngi kengiiri ngiisi kwo mukoli bihuusiri. Na buno, ndagaki mùyakiira kwo muli bandu baani. Si ngola ngamùhana ngana.»

Yeremiya 9:25

Abamiisiri, naꞌBayuda, naꞌBahedoomu, naꞌBahamooni, naꞌBamohabu, kiri naꞌbatuulaga booshi ba mwiꞌshamba, balya ábali mu kunguula imishaku mu mbengere. Balya booshi, batâli kizi tenguulwa nga kwo bibakwiriiri. Kiri naꞌBahisiraheeri booshi, nabo batazindi tenguulwa ku biri mu mitima yabo.»

Hezekyeri 5:9

Nganamùhana ku gindi-gindi njira yo ndazindi mùhana kwo, bwo mugweti mugaagira naaho ngiisi byo njombiri. Ndanâye ki mùhane kwokwo kandi.

Hezekyeri 9:6

Muyite abashaaja booshi, naꞌbakazi, naꞌbatabana, naꞌbanyere, kiri naꞌbaana bato booshi. Haliko, ngiisi ábagweti akalangikizo, boohe mutakolwe kwo mwabahuma kwo. Mutondeerere haahano mu nyumba yani.» Kwokwo, banatondeerera ku balya bashaaja ábâli riiri imbere lyeꞌnyumba ya Rurema.

Danyeri 9:12

Ee! Ikyanya ukatushereeza, lyo ukakoleesa amagambo ágakagwanwa gadetwa hiꞌgulu liitu, kiri na hiꞌgulu lyaꞌbatwali biitu. «“Ngiisi kwo ukahaniiriza akaaya kiitu keꞌYerusaleemu, ndaabo bandi ábakahanwa bukayu mwene kwokwo.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.

Hosheya 5:3

«E beene Hifurahimu, e Bahisiraheeri! Ndaabyo mwangambisha. Mukuba, byo mugweti mugaagira, byoshi mbiyiji-yiji ku bweranyange. Keera mukanyiyogookola, nga mushule úgweti úgayiyogookola yiba. Keera mukanayiyulubaza lwoshi-lwoshi!»

Hosheya 8:13

Abahisiraheeri basiimiri naaho ukubaaga amatuulo geꞌbitugwa, gira lyo bakizi lya inyama. Haliko, imwani yago matuulo gaabo galyagagi ga busha. Bwo bâli gweti bagakizi yifunda mu mabi bweneene, ngakizi gakengeera, na mbahanirize, mu kushubi bagalulira i Miisiri.

Hosheya 9:9

Mwehe, mugweti mugavwebeeba mu mabi, nga kwaꞌbandu beꞌGibeya bâli kizi gira kare. Yago mabi giinyu, Rurema agakengiiri, aganamùhana hiꞌgulu lyago.

Hamoosi 2:4

Nahano adetaga kwokuno: «Abayuda, bagweti bagayifunda mu byaha. Aahago! Ukubahana, ngola ngabahana ngana-ngana! Si bâli kizi jajaaka imaaja zaani, batanakizi kulikira imigeeza yazo. Ngiisi kwo bashokuluza baabo bâli kizi yikumba imizimu yeꞌbibeesha, kwo nabo keera yabahabura.

Hamoosi 3:3

E balya! Abandu babiri batangabalamanwa, bátanazi lagaana ho bali mu genda.

Hamoosi 6:1

Yayewe imwinyu, mwe mujeberiiri mu kaaya keꞌSayuni! Yayewe neꞌmwinyu, mwe mutuuziri ku butoge ku mugazi gweꞌSamariya! Buno, baki gweti bagamúgingika mu bwami bwinyu, munalumbuusiri. Abahisiraheeri booshi, banagweti bagayiji mùtabaaza.

Mika 2:3

Kyo kitumiri Nahano adetaga kwokuno: «Ikyanya mugweti mugaagira amabi, niinyu, ngamùgirira go. Umutego gugamùgwasa, mutanashobole ukuguyifuushula mwo. Mu kugenda, mutagaki yikangaata, si kigaaba kikolaga kyanya kyoꞌkuhuumirwa.»

Nahumu 3:4

E Ninaawi! Ushuba bulambe woꞌmukazi! Ushubi gweti ugalungumirwa, iri unakoleesa amaleere gaawe. Keera ukashweka abandu beꞌbihugo bingi, mu busambani bwawe, na mu bulozi bwawe.

Mikolezi 17:26

«Mu mundu muguma, mwo Rurema akalyosa imilala yoshi yaꞌbandu, gira bakwire mu mahanga gooshi. Anababiikira neꞌbyanya byo âli mali gwanwa abatengekera. Anababiikira neꞌmbibi zaꞌho bagakizi tuula.

Barumi 2:9

Ikyanya bali mu yifunda mu mabi, bamenye kwo bâye ki gookere mu malibu, ukutondeerera ku Bayahudi, halinde ukuhisa ku bandu beꞌgindi milala.

1 Bakorindo 8:3

Halikago, iri umundu angaba akuuziri Rurema, yoyo ye nayijikiini imwage!

Bukengeeze 10:15

Yaho kare, akayibiika ku bashokuluza biinyu naaho, anabakunda. Na buno, mweꞌbibusi byabo, keera akamùtoola mu gindi milala. Kwo na kwokwo, bibonekeriiri.

Bukengeeze 26:18

«Nahano zeene, keera akyula kwo mugaaba beꞌmwage yenyene, nga kwo keera akamùlagaania. Anadeta kwo mukwaniini mukizi simbaha imaaja zaage zooshi.

Bukengeeze 32:9

Haliko, Abahisiraheeri bo bandu baage. Yabo beene Yakobo bali beꞌmwage.

Bukengeeze 4:32

«Kwokwo, mukizi yitoneesa ku byâli kizi koleka yaho kare, ku kyanya mutazi butwa. Munayibuuze ku lusiku lwo Rurema akatondeera ukubumba abandu mu kihugo. Aaho! Hooshi mu kihugo, ka hali ugundi úli mu yikumbwa, anabe akagira nga kwo Rurema akamùgirira. Ka keera likayuvwikana? Si liri lya kahebuuza!

Bukengeeze 7:6

Mwehe, muli mulala mutaluule imwa Nahano, Rurema winyu. Mu bandu booshi ba mu mahanga, mwehe mwe akatoola, kwo mukizi ba mulala gwage gwa yenyene.

1 Peturu 4:17

Kikola kyanya kyoꞌkutwibwa kweꞌmaaja. Kuganatondeerera imwitu, twe bandu ba Rurema. Na bwo twe tugatondeererwa kwo, kutagi kwo bigaaba imwa ábali mu lahira ukusimbaha Imyazi Miija ya Rurema?