Hamoosi 3:1 - Kifuliiru

¹ E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Hamoosi 3:1 Iomraidhean Croise

1 Kutondobola 16:13

E bandu ba mwiꞌkondo lya Hisiraheeri, munali beene Yakobo. Mwehe, mwe Rurema atooziri.

2 Kutondobola 20:15

Uyo Yahazyeri anadeta kwokuno: «E bandu beꞌBuyuda, naꞌbeꞌYerusaleemu, kiri na mwami Yehoshafaati! Mundegage amatwiri. Nahano amùbwira kwokuno: “Mutayobohe. Yaba basirikaani, kundu balyagagi kanyegete, mutayilibuze hiꞌgulu lyabo. Kundu bali kandaharuurwa, haliko yiri izibo, mutali mwe mugalilwa. Si liri lya Rurema yenyene!

Hisaaya 46:3

Nahano adetaga kwokuno: «E Bahisiraheeri, beene Yakobo, mwe mukoli sigiiri! Mundegage amatwiri. Ukulyokera ku lusiku lwo mukabutwa kwo, nâli kizi mùhahala.

Hisaaya 48:12

«E Bahisiraheeri, beene Yakobo! Mundegage amatwiri. Nie kamùhamagala, kwo mube bandu baani. Na nyamiri ndi nie yolya. Nie ndangiriro, na ndi nie nyukizo. Hatanayimbwa gundi Rurema átali niehe.

Yeremiya 13:11

«Nga kwoꞌmundu ali mu shweka umukaba mu kibuno, kwo na kwokwo naani nꞌgashweka Abahisiraheeri naꞌBayuda, gira bakizi ba bandu baani. Kwokwo, lyo bamenyekane kwiꞌziina lyani, linakizi yivugwa mu kati koꞌlushaagwa. Halikago, batanandwaza.» Kwokwo, kwo Nahano adesiri.

Yeremiya 31:1

Nahano adetaga kwokuno: «Ku yikyo kyanya, ngaaba nie Rurema weꞌmilala yoshi yaꞌBahisiraheeri. Nabo, banabe bo bandu baani.»

Yeremiya 8:3

Yabo banangora-mabi, ngiisi ábagaaba basigiiri, ngabashabulira hooshi mu mahanga. Halikago iyo munda, batagalooza ukulama, si bagakizi yifwija naaho kwo bafwe.» Kwokwo Nahano adesiri.

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Hamoosi 2:10

Nie kamùlyosa mu kihugo kyeꞌMiisiri, nanahisa imyaka makumi gana, ngweti ngamùrongoora mwiꞌshamba. Kwokwo, lyo mulonga ukuyabiira ikihugo kyaꞌBahamoori, kibe kyeꞌmwinyu.

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hamoosi 5:1

E Bahisiraheeri! Muyuvwirize bwija yulu lwimbo lwani lweꞌkigandaaro: Muyuvwagwe ngiisi kwo ngweti ngamùganyira.

Mika 2:3

Kyo kitumiri Nahano adetaga kwokuno: «Ikyanya mugweti mugaagira amabi, niinyu, ngamùgirira go. Umutego gugamùgwasa, mutanashobole ukuguyifuushula mwo. Mu kugenda, mutagaki yikangaata, si kigaaba kikolaga kyanya kyoꞌkuhuumirwa.»

Mika 3:1

Nie nadetaga kwokuno: «E bimangizi baꞌBahisiraheeri, yuvwagwi! Mwe mukwaniini ukukizi twa imaaja mu kati koꞌkuli.

Sefaniya 2:5

E Bafirisiti, mwe mutuuziri ku butambi bweꞌnyaaja, na mu kaaya keꞌKaanani! Na niinyu kwakundi, mukolaga mugaahanwa. Ee! Nahano akola agamùminika, hataganasigala kiri na woꞌmuti!

Bwigule 2:29

Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero!»