Hamoosi 2:3 - Kifuliiru

³ Kiri na mwami wabo, ngamúyita kuguma naꞌbatwali baage booshi.» Kwokwo, kwo Nahano adesiri!

Hamoosi 2:3 Iomraidhean Croise

Hayubu 12:21

Kundu umundu angaba ali mukulu, ali mu mútetereza. Kiri naꞌbanamisi, ali mu banyaga isiribo zaabo.

Zaburi 141:6

Banahamwabo, ikyanya baganyanyagwa ku nyaala, lyo bagayemeera kwaꞌmagambo gaani gali goꞌkuli.

Zaburi 2:10

E baami, mukizi yitonda. Kundu mwe mutwaziragi ikihugo, si mukizi ba makengwa.

Hisaaya 40:23

Si abatwali, boohe, agweti agabatindimaza. Naꞌbatwi beꞌmaaja ba mu kihugo, ali mu bahindula babe tufwa-busha.

Yeremiya 48:25

Yabo Bamohabu, imisi yabo ikoli maziri. Ee! Ukuboko kwabo, keera kwavunika.» Kwokwo, kwo Nahano adesiri.

Yeremiya 48:7

E Bamohabu, si mwâli kizi biika umulangaaliro ku bugale bwinyu, na ku bukalage bwinyu! Buno, abagoma bakola bagamùgwata imbira, banamùtwale imbohe, kuguma noꞌmugisi gwinyu Kemooshi, kiri naꞌbagingi baagwo, naꞌbakozi baagwo.

Hamoosi 5:12

Ngoli yijagi inooka ngiisi kwo mugweti mugahuba. Nyiji na ngiisi kweꞌbyaha biinyu keera byaluguuka bweneene. Abandu, kundu bangabiiri balyagagi bazira buhube, mugweti mugabalibuza mu kubahuuna ikitulire. Neꞌkyanya abakeni bali mu looza ukuli imbere lyaꞌbatwi beꞌmaaja, muli mu kizi bahangirira.

Hamoosi 5:7

Si mugweti mugashobania íbikwaniini, Na ngiisi íbiri byoꞌkuli, mugweti mugabinyanyaga haashi.

Hamoosi 6:12

Aahago! Keꞌfwarasi zangagirigimba ku lwajwe? Kandi iri, kaꞌbandu bangakoleesa ingaavu mu kululima kwo? Aahabi! Haliko mwehe, keera mwahindula ukuli, kube nga kolobwe. Na ngiisi íbikwaniini, mwabihindula bibe bilulu.

Muharuuro 24:17

Nimúbwini, haliko bitazi ba bwobuno. Si nimúbwini ku siku ízâye yije. Mu beene Yakobo, mugahuluka indonde. Mu beene Hisiraheeri, mugahuluka umwami. Agakizi vungula-vungula abandu beꞌMohabu, anakizi bera utuhanga twa beene Seeti.