Hamoosi 2:10 - Kifuliiru

¹⁰ Nie kamùlyosa mu kihugo kyeꞌMiisiri, nanahisa imyaka makumi gana, ngweti ngamùrongoora mwiꞌshamba. Kwokwo, lyo mulonga ukuyabiira ikihugo kyaꞌBahamoori, kibe kyeꞌmwinyu.

Hamoosi 2:10 Iomraidhean Croise

Nehemiya 9:21

Wanahisa imyaka makumi gana, ubalaaziri kwokwo mwiꞌshamba. Ku yikyo kyanya, ndaahyo bakabula. Ibyambalwa byabo, bitakahula. Kiri neꞌshando zaabo, zitakanaheema.

Zaburi 95:10

Kyanatuma yikyo kibusi, ngaahisa imyaka makumi gana ngirakariiri. Nanadeta: “Yaba bandu, imitima yabo iyamiri igweti igahabuka. Ikyanya ndi mu bayereka ngiisi byo ndi mu gira, batali mu ndwaza.”

Kulyoka 12:51

Ku lwolwo lusiku, Nahano akalyosa Abahisiraheeri mu kihugo kyeꞌMiisiri, ndeeko-ndeeko.

Kulyoka 20:2

«Niehe, nie Nahano Rurema wawe. Nie kakulyosa mu buja, mu kihugo kyeꞌMiisiri.

Kulyoka 3:8

«Kwokwo, ngolaga ngabalyosa mu maboko gaꞌBamiisiri, na mu kihugo kyabo, halinde na mbatwale mu kihugo kiija. Kirya kindi kihugo, kiri kihamu, kinayeziri mwaꞌmata noꞌbuuki. Si buno, kikiri mwaꞌBakaanani, naꞌBahiti, naꞌBahamoori, naꞌBapereesi, naꞌBahivi, naꞌBayebuusi.

Yeremiya 2:6

Bakaleka ukutee yisaliza, ti: “E balya! Kituma kiki tutakiri mu kulikira Nahano? Si ye katulyosa mu kihugo kyeꞌMiisiri, anaturongoora mwiꞌshamba, áhâli yumagusiri, hanâli yijwiri ibihomogolo! Iyo munda mwiꞌshamba, yâli yidisiri ikihulu, ndaanaye úwâli kizi gilenga, kandi iri agituula.”

Hezekyeri 20:10

«Kwokwo, nanabahulusa mu kihugo kyeꞌMiisiri, nanabatwala mwiꞌshamba.

Hamoosi 3:1

E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Hamoosi 9:7

Nahano adeta kwokuno: «E Bahisiraheeri, lekagi nimùbuuze. Ka mwe muli naꞌkamaro imbere lyani, ukuhima abandu beꞌKuushi? Biri ukuli kwo nꞌgamùlyosa mu kihugo kyeꞌMiisiri. Si kiri naꞌBafirisiti nabo, nꞌgabalyosa i Kereete. NaꞌBaharaamu kwakundi, nanabalyosa i Kiiri.

Mika 6:4

Si nꞌgamùlyosa mu kihugo kyeꞌMiisiri, nanamùkiza mu buja. Nꞌgalungika Musa, na Harooni, na Miryamu, gira bamùtabaale.

Muharuuro 13:32

Balya bagahirizi, banalumbuusa ibibeesha mu Bahisiraheeri, ti: «Kirya kihugo, ikyanya tukakigahiriza, twanabona kwo ngiisi ábatuuziri mwo, kigweti kigaabalya. Neꞌri tukalola abandu baakyo, twanabona kwo bali bifigisi bweneene.

Muharuuro 21:25

Kwokwo, kwaꞌBahisiraheeri bakanyaga yutwo twaya twoshi twaꞌBahamoori, banatutuula mwo. Mu kati kaatwo, mwâli riiri tweꞌHeshibooni, kuguma noꞌtwaya twayo tuniini.

Muharuuro 32:13

«Yabo Bahisiraheeri, kwokwo kwo Nahano akabarakarira, anabaleka bakizi genda bagayangaara mwiꞌshamba halinde ukuhisa imyaka makumi gana. Yikyo kibusi kyoshi íkikahubira Nahano, kyanahera.

Mikolezi 13:18

Anamala imyaka makumi gana agweti agabagooyera mwiꞌshamba.

Mikolezi 7:42

Kyanatuma Rurema, agabarakarira, anabalyoka mwo. Anabaleka bakizi yikumba indonde, nga kwo biyandisirwi mu kitaabo kyaꞌbaleevi kwokuno: “E Bahisiraheeri, ikyanya mukahisa imyaka makumi gana muli mwiꞌshamba, ka nie mwâli kizi baagira ibitugwa, mbu lyo mubindangira amatuulo?

Bukengeeze 1:39

«Ha nyuma, Nahano anatubwira tweshi kwokuno: “Si mwadeta kwaꞌbaana biinyu bagatwalwa imbohe! Naani namùbwira kwo zeene, yabo baana baki toohiri, batanazi sobanukirwa naꞌmabi, kandi iri miija. Kundu kwokwo boohe, bo bagayingira mu kihugo. Na mbaheereze kyo, bakihyane.

Bukengeeze 2:7

«Mukengeere ngiisi kwo Nahano, Rurema winyu akamùgashaanira mu byoshi byo mwâli kizi gira. Neꞌkyanya mwâli kizi yubuuba-yubuuba muꞌyo namuhirye wiꞌshamba, âli kizi mùlanga. Mwiꞌyi myaka makumi gana, mwanaba muyamiinwi. Ndaanahyo íhiteerwa ku shinda hyo mukabula.

Yoshwa 13:4

úluli ikisaka. «Na kwakundi, haki sigiiri kiri neꞌkihugo kyoshi kyaꞌBakaanani, kutondeerera mu kaaya kaꞌBasidooni, i Meyara, halinde i Hafeeki, ku lubibi lwaꞌBahamoori.

Yoshwa 24:8

«“Ha nyuma kandi, nanamùtwala mu kihugo kyaꞌBahamoori, kwo bâli tuuziri i kajabo koꞌlwiji Yorodaani. Kundu bakamùlwisa, haliko nanababiika mu maboko giinyu. Mwanayibonera ngiisi kwo nꞌgabaminika, mwanagwata ikihugo kyabo.